ەكونوميكالىق الەۋەت كۇشەيتىلەدى

قازىر سەرپىندى ىستەر ۋاقىتى. ەلباسى نۇرسۇلتان نازارباەۆ ۇكىمەتتىڭ جۋىرداعى كەڭەيتىلگەن وتىرىسىندا داعدارىستىڭ قانداي جاعدايىندا بولماسىن قارقىندى تومەندەتپەي, قايتارىمنىڭ ەسەلەنە ءتۇسۋىن تالاپ ەتتى. بۇل ورايدا, كوكشەتاۋ قالاسىنىڭ ەكونوميكالىق الەۋەتى ارتىپ وتىرعانىن ايتقىم كەلەدى. مىسالى, وتكەن جىلى ەكونوميكانىڭ ناقتىلى سەكتورىندا ونەركاسىپ كاسىپورىندارى 79,8 ميلليارد تەڭگەنىڭ ءونىمى ءوندىرىلدى. ال يندۋستريالاندىرۋ كارتاسى بويىنشا 2,8 ميلليارد تەڭگەنىڭ ەكى جوباسى جۇزەگە اسىپ, جاڭا جۇمىس ورىندارى اشىلدى. بىزدە «بيزنەستىڭ جول كارتاسى-2020» باعدارلاماسى اياسىندا 1 ميلليارد 135 ميلليون تەڭگەنىڭ 61 جوباسى ماقۇلدانىپ, ءتورت ينۆەستيتسيالىق جوبا جۇمىسىن باستادى. نەگىزگى كاپيتالعا سالىنعان ينۆەستيتسيا 27,9 ميلليارد تەڭگەنى قۇرادى. بۇل وسىنىڭ الدىنداعى جىلعا قاراعاندا ەداۋىر ارتىق. قۇرىلىس سالاسىندا دا جۇمىس جانداندى. وبلىس ورتالىعىندا 124,3 مىڭ شارشى مەتر تۇرعىن ءۇي پايدالانۋعا بەرىلىپ, «قولجەتىمدى باسپانا» باعدارلاماسىمەن 768 وتباسى پاتەر كىلتتەرىن الدى. مەملەكەت باسشىسى داعدارىس ۋاقىتىندا وتاندىق ەكونوميكانى قولداۋعا ەلەۋلى قارجى ءبولىنۋى ۇلتتىق قوردى دەر كەزىندە قۇرۋدىڭ, زەينەتاقى جۇيەسىن جانە جالپى ەكونوميكانى رەفورمالاۋدىڭ, سونداي-اق, تەڭگەنىڭ ەركىن باعامىنا كوشۋدىڭ ارقاسىندا مۇمكىن بولعانىن جانە ءبولىنىپ وتىرعان قارجىنىڭ ءتيىمدى يگەرىلۋىن ەسكەرتتى. وسىنىڭ ارقاسىندا حالىقتى جۇمىسپەن قامتۋ, الەۋمەتتىك قولداۋ, ءبىلىم, دەنساۋلىق جانە مادەنيەت سالاسىندا ءبىرشاما ىلگەرىلەۋشىلىك بايقالدى. ادامداردى كوبىرەك تولعاندىراتىن كوممۋنالدىق سالانىڭ جۇمىسى جاقسارعانىن قالا تۇرعىندارى جاقسى بىلەدى. اسىرەسە, جىلۋمەن قامتاماسىز ەتۋ ماسەلەسىنىڭ ويداعىداي شەشىمىن تاپقانىن اتاپ وتكەن ءجون. قالانى كوركەيتۋ ماسەلەسى بويىنشا دا كوپ ىستەر تىندىرىلدى. كوكشەتاۋ قالاسىن ورتالىقتاندىرىلعان گازبەن قامتاماسىز ەتۋ سوڭعى جىلدارى وڭ شەشىمىن تابا باستادى. قالا اكىمىنىڭ ەسەپ بەرۋ كەزدەسۋىندە قورىتىندى ءسوز سويلەگەن وبلىس باسشىسى سەرگەي كۋلاگين جۇرتتىڭ نازارىن قازىرگى جاھاندىق قارجى داعدارىسى كەزىندە تىعىرىقتان قالاي شىعۋ كەرەك دەگەن ساۋا­ل توڭىرەگىندە اڭگىمە قوزعادى. بۇل رەتتە ەلباسىنىڭ ستراتەگيالىق باستامالارىنان تۋىنداعان مىندەتتەردى جۇزەگە اسىرۋدىڭ ناقتىلى باعىتتارىن انىقتاپ بەردى. اسىرەسە, وبلىس ورتالىعىنىڭ ءوڭىردىڭ ەكونوميكاسىن العا سۇيرەۋدە كوشباسشى ەكەنىن ايتا كەلىپ, ءار سالاداعى دامۋ ۇردىستەرى ۋاقىتتىڭ ىرعاعىنان قالماۋى كەرەكتىگىن ەسكە سالىپ ءوتتى. «ءبىز ەرتەڭگى كۇنگە سەنىممەن قاراۋىمىز كەرەك» دەگەن ماسەلە قالا تۇرعىندارىن جاڭا قوزعالىستارعا باستاۋدا. وسىنىڭ يگى ناتيجەسى رەتىندە, داعدارىس اتاۋلى اياققا ورالعى بولىپ جاتسا دا, ءبىزدىڭ ءوڭىر سەرپىلىس تانىتىپ, العا جىلجىپ كەلە جاتقانى ايقىن بايقالادى. ەرمەك مارجىقپاەۆ, كوكشەتاۋ قالاسىنىڭ اكىمى. اقمولا وبلىسى.