جاڭاشىلدىق بويىمىزعا ءتان قاسيەت

الەمدى قارجىلىق تۇراقسىزدىق جايلاعان بۇگىنگىدەي قيىن كەزەڭ­دە تۇرمىستىڭ تۇراقتى بولۋى ەكونوميكانىڭ بارلىق سالالارىن, شا­عىن جانە ورتا بيز­نەستى قولداۋ, حالىقتىڭ جۇمىسپەن قامتىلۋىنا باسا نازار اۋدارۋ شارالارىن تيىمدىلىكپەن جۇزەگە اسىرۋعا كوپ بايلانىستى. بۇل جونىندە ۇكىمەتتىڭ كەڭەيتىلگەن وتىرىسىندا ەلباسى قاداپ ايتىپ, داعدارىسقا قارسى ءىس-قيمىل جوسپارى شەڭبەرىندە بىرقاتار ناقتى تاپسىرمالار جۇكتەدى. بۇل تالاپتاردىڭ قاي-قايسىسى بولسىن ەكونوميكالىق ءوسىمدى قامتاماسىز ەتۋدى, جاڭا جۇمىس ورىندارىن قۇرۋدى, «نۇرلى جول» مەملەكەتتىك باعدارلامالارىن ورىنداۋدى دىتتەيدى. ماعان نۇرسۇلتان ءابىش ۇلىنىڭ: «ءبىز يندۋستريالىق نىساندار سالۋدى جالعاستىرىپ, جاڭا نارىقتارعا جول اشىپ وتىرمىز. داعدارىسقا قارسى ءبىزدىڭ ەكونومي­كالىق ساياساتىمىز تەك ەكو­نوميكالىق ءوسىم­نىڭ جاڭا جولدارىن ىزدەۋ مەن تابۋعا عا­نا باعىتتتالىپ وتىر­عان جوق. مەنىڭ تاپ­سىرمالارىمنىڭ ءبارى­نىڭ ءتۇپ ماقساتى – قا­راپايىم ادامنىڭ مۇڭ-مۇقتاجى, ونىڭ ءال-اۋقاتى مەن تۇر­مىسىنىڭ تۇراق­تى­لىعى», دەگەن سوزدەرى ءۇل­كەن وي سالدى. تاۋەلسىزدىكتىڭ ال­عاشقى جىلدارى مەم­لەكەت باسشىسىنىڭ قا­تىسۋىمەن ىرگەتاسى قالانىپ, اشىل­عان, بۇل كۇندەرى وتاندىق ءونىم­دەرمەن 14 الىس-جاقىن شەتەلگە تانىلىپ وتىرعان بىرەگەي كاسىپورىن – «سۇلتان -ەدمك» اق-تىڭ العاشقى اياق الىسى ەسىمە ءتۇستى. قازاقستان بويىنشا العاشقى ينۆەستيتسيالىق جوبانى تۇرىكتىڭ «وكان حولدينگ يسوت» فيرماسى وسىلايشا قۇيعان ەدى. بۇگىندە كەشەننىڭ قۇرامىنا سىيىمدىلىعى 93 مىڭ توننانى قۇرايتىن ەلەۆاتور, قاتتى جانە جۇمساق بيدايدان جوعارى جانە 1-ءشى, 2-ءشى سۇرىپتى نان پىسىرۋگە جانە ماكارون شىعارۋعا ارنالعان ۇن ۇگەتىن 2 ديىرمەن, شۆەيتساريالىق «Buhler» فيرماسىنىڭ تەحنولوگياسى جەلىسىمەن جۇمىس ىستەيتىن زاماناۋي جابدىقتار كىرەدى. شيرەك عاسىرعا جۋىق ۋاقىت بەدەرىندە بارلىق ءوندىرىستى قايتا قۇرۋ جانە جاڭعىرتۋ, تەحنولوگيالىق پروتسەستەردى جەتىلدىرۋ, تەحنيكالىق جاعىنان قايتا جاراقتاندىرۋ ۇزبەي جۇرگىزىلىپ كەلەدى. تاۋلىكتىك قۋاتتىلىعى 200 توننانى قۇرايتىن №2 ديىرمەن, ماكارون ونىمدەرىن شىعاراتىن 4-ءشى جەلى ىسكە قوسىلدى, №1 ديىرمەن مەن قىسقا كەسىندىلى ماكارون بۇيىمدارىن وندىرەتىن №1 جەلىگە كۇردەلى جوندەۋ جۇرگىزىلىپ, نەگىزگى قۇرىلعىلار جاڭارتىلدى. قازىرگى ۋاقىتتا قۋاتتى ەلەۆاتور جىلىنا 100-120 مىڭ توننا استىق قابىلداپ, كەپتىرەدى, وڭدەيدى, سالقىنداتادى جانە ساقتايدى. كەشەننىڭ جوعارى سۇرىپتى بيداي ۇنى مەن ماكارون ونىمدەرى «WorldFoodKazakhstan – 2013» حالىقارالىق جارمەڭكەسىندە جوعارى ساپالىلىعى ءۇشىن «ازىق-ت ۇلىك تاعامدارى» اتالىمىندا «التىن مەدال» مەن ءى ورىنعا يە بولدى. كاسىپورىن «پارىز – 2015» بيزنەستىڭ الەۋمەتتىك جاۋاپكەرشىلىگى» وبلىستىق بايقاۋىنىڭ «سقو ەكولوگياسىنا قوسقان ۇلەسى ءۇشىن» اتالىمى بويىنشا جەڭىس بيىگىنەن كورىندى. ءۇش اۋىسىمدا جۇمىس ىستەيتىن 350 ادامعا جاقسى جابدىقتالعان اسحانا مەن مەديتسينالىق قوسىن قىزمەت كورسەتەدى. قازاقستان پرەزيدەنتى الەۋمەتتىك ساياساتتىڭ باسىم مىندەتى جۇمىس ورىندارىن ساقتاپ, جاڭا جۇمىس ورىندارىن اشۋ بولىپ سانالاتىندىعىنا ۇلكەن نازار اۋداردى. وسىعان بايلانىستى بيىل ۇكىمەتتىڭ ارناۋلى رەزەرۆىنەن قوسىمشا 100 ميلليارد تەڭگەگە جۋىق قارجى بولۋگە تاپسىرما بەردى. كوپتەگەن ەلدەر الەۋمەتتىك كىرىستەرىن قىسقارتۋعا, جوبالارىن توقتاتۋعا ءماجبۇر بولسا, قازاقستاندىقتار جاڭاشىلدىق, العا ۇمتىلۋشىلىق, ءىستىڭ كوزىن تابا بىلۋشىلىك قاسيەتتەرى ارقاسىندا داعدارىستى ەڭسەرىپ كەلەدى. يدريس كارتال, «سۇلتان» ەلەۆاتور-ديىرمەن ماكارون كەشەنى»» اق باس ديرەكتورى. سولتۇستىك قازاقستان وبلىسى.