قيىندىققا قالدىرماۋ قادامى

مەملەكەت باسشىسى نۇرسۇلتان نازارباەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا بۇگىنگى ەل تىنىسى جان-جاقتى سارالاندى. ەلباسى قازىرگى الماعايىپ كەزەڭنىڭ كەلبەتىن ءدوپ باسىپ, قوعامداعى كوپتەگەن كوكەيكەستى ماسەلەلەرگە توقتالدى. پرەزيدەنتتىڭ پاراساتتى پايىمدارى ءاردايىم كوڭىلىمىزدەن شىعىپ كەلەدى. «نۇر وتان» پارتياسىنىڭ XVII سەزىندە ەلباسى كەڭەس وداعىنداعى ۆاليۋتانىڭ دوللارعا شاققانداعى قىمباتتىعى تۋرالى جاقسى ايتقان ەدى. ۇكىمەت وتىرىسىندا دا ۆاليۋتا تۇراقتىلىعى بانك باسشىلارىمەن بىرگە تالقىعا ءتۇستى. مەن كەڭەستىك كەزەڭدە ۇزاق جىلدار بويى پارتيا قىزمەتىندە بولدىم. شىنىندا, تاۋارلاردىڭ قات بولۋى كەڭەستىك ەكونوميكانىڭ تۇيىقتىعىنان تۋعان تانىس جاعداي ەدى. بۇگىندە ىزدەگەن زاتىڭىزدى تابۋعا بولادى. قازاقستان نارىقتىق ەكونوميكانى ءساتتى ەڭسەرە ءبىلدى. ەڭبەك ەتسەڭىز, قالاعان دۇنيەگە قول جەتكىزەسىز. ەلباسىنىڭ ءتۇيىندى بايلامدارى قازىرگىدەي داعدارىس ساتىندە ەلىمىزدەگى يگىلىكتەردى باعالاۋعا جەتەلەيدى. مەملەكەتىمىزدە حالىقتىڭ ءال-اۋقاتىن جاقسارتۋعا, كاسىپكەرلەردى قولداۋعا نەگىزدەلگەن ساياسات جۇزەگە اسىرىلۋدا. ماسەلەن, ۇكىمەت وتىرىسىندا «نۇرلى جول» باعدارلاماسى اياسىندا تۇرعىن ءۇي الاڭىن كوبەيتۋ, ينفراقۇرىلىمداردى جاڭارتۋ ءسوز بولدى. الەم ەلدەرى قيىن جاعدايدا قالعان كەزەڭدە زەينەتاقىنىڭ, الەۋمەتتىك تولەمدەردىڭ ءوسىپ جاتقانىن بىلەمىز. ماقانشى اۋىلدىق وكرۋگىندە 1,5 مىڭ زەينەتكەر تۇرادى. بارشا وتانداستارىمىزبەن بىرگە ءبىزدىڭ ارداگەرلەر دە بيىلعى زەينەتاقى كولەمىنىڭ كوبەيۋىن قۋانىشپەن قابىلدادى. اۋىلدىق مادەنيەت ۇيىندەگى ارداگەرلەر بولمەسىندە زەينەتكەرلەر باس قوسىپ, اڭگىمە-دۇكەن قۇرىپ, دويبى, شاحمات وينايدى. جۋىردا جەرلەس كاسىپكەر سوۆەت شوشەكوۆ 2 ميلليون تەڭگە جەكە قارجىسىنا كوپشىلىك جينالاتىن وسى ورىندى قاجەتتى زاتتارمەن جابدىقتاپ بەردى. جالپى, اۋىلدىڭ قوعامدىق ومىرىندە ارداگەرلەردىڭ الاتىن ورنى زور. ءبىز, تۇراقتىلىق پەن بەيبىت تۇرمىستىڭ قادىرىن ءار كەز جاس بۋىنعا ايتىپ وتىرامىز. ۇكىمەت وتىرىسىندا كوتەرىلگەن ماسەلەلەر دە قازاقستاندى قيىندىققا قالدىرماۋ جولىنداعى قاجىرلى قادامنىڭ ءبىرى دەپ بىلەمىز. جۇماعازى جاقانباەۆ, ماقانشى اۋىلدىق ارداگەرلەر كەڭەسىنىڭ توراعاسى. شىعىس قازاقستان وبلىسى.