«نۇر وتان» پارتياسى: سۇراق – سىزدەن, جاۋاپ – بىزدەن

كەشە «نۇر وتان» پارتياسىنىڭ استاناداعى رەسپۋبليكالىق قوعامدىق قابىلداۋ بولمەسىندە شالعايدا جاتقان اۋىل تۇرعىندارىن «قازپوشتا» اق بولىمدەرى ارقىلى ونلاين رەجىمدە تىڭداۋ ۇيىمداستىرىلدى. اتالعان شارا «پارتياعا ءوتىنىش» اكتسياسى اياسىندا وتكىزىلدى. اكتسيا شەڭبەرىندە قولعا الىنعان بۇل جولعى شارا ءبىلىم بەرۋ سالاسىنا ارنالدى. سوندىقتان, شالعايداعى اۋىل تۇرعىندارىنىڭ ءتۇرلى ساۋالدارىنا جاۋاپ بەرۋ ءۇشىن پارتيانىڭ قوعامدىق قابىلداۋ بولمەسىنە ءبىلىم جانە عىلىم ۆيتسە-ءمينيسترى تاحير بالىقباەۆ كەلدى. قابىلداۋ بارىسىندا Skype باعدارلاماسى ارقىلى اقمولا وبلىسى اقكول اۋدانى ۋريپينكا اۋىلىنىڭ, جامبىل وبلىسى جۋالى اۋدانى شاقپاق اتا اۋىلىنىڭ, قوستاناي وبلىسى فەدوروۆ اۋدانى پەشكوۆا اۋىلىنىڭ, اقتوبە وبلىسى العا قالاسىنىڭ, سونداي-اق, پاۆلودار, كوكشەتاۋ, اتىراۋ قالالارىنىڭ تۇرعىندارى ءبىلىم جانە عىلىم ۆيتسە-ءمينيسترى تاحير بالىقباەۆقا وزدەرىن تولعانتىپ جۇرگەن سۇراقتارىن قويىپ, سول زاماتتا ءتيىستى جاۋاپتارىن الدى. جالپى, ونلاين رەجىمدەگى بۇل قابىلداۋ كەزىندە ازاماتتار وزدەرىنىڭ جەكە ماسەلەلەرىنە بايلانىستى جانە ءبىلىم بەرۋ سالاسىنا قاتىستى كوپتەگەن ساۋالدار قويدى. ال ءوز كەزەگىندە ۆيتسە-مينيستر تۇرعىنداردىڭ ءاربىر سۇراعىن مۇقيات تىڭداپ, ىجداھاتپەن جاۋاپ بەرىپ وتىردى. وسى ارادا تۇسىندىرە كەتەيىك, «پارتياعا ءوتىنىش» اكتسياسى اۋىل تۇرعىندارىنا وبلىس ورتالىقتارىنا بارماي-اق جەرگىلىكتى پوشتا ءبولىم­شەلەرى ارقىلى «نۇر وتان» پارتيا­سىنىڭ قوعامدىق قابىلداۋ بولمەلەرىنە وزدەرىنىڭ ۇسىنىستارى مەن وتىنىشتەرىن جەتكىزۋگە, سۇراقتارىن قويۋعا, سونىمەن بىرگە, مەملەكەتتىك ورگان باسشىلارىمەن ونلاين رەجىمدە بايلانىسقا شىعۋىنا مۇمكىندىك بەرىپ وتىر. بۇل ازاماتتاردىڭ ۋاقىتى مەن قاراجاتىن ۇنەمدەۋگە دە سەپتىگىن تيگىزەدى. «نۇر وتان» پارتياسى رەسپۋب­لي­كالىق قوعامدىق قابىلداۋ بولمەسى مەڭ­گە­رۋشى­سىنىڭ ورىنباسارى جۇماجان جۇكە­نوۆتىڭ ايتۋىنشا, اتالعان ءمۇم­كىن­دىك پارتيا مەن «قازپوشتا» اك­تسيو­نەرلىك كوعامى اراسىنداعى ءوزارا ءارىپ­تەستىك ناتيجەسىندە جۇزەگە اسىرىلۋدا. «2015 جىلى 65 شالعايداعى پوشتا بايلانىس بولىمشەلەرى ارقىلى ازاماتتاردى قابىلداۋ جۇرگىزىلگەن. الداعى ۋاقىتتا بۇل باعىتتاعى جۇمىستاردى ودان ءارى ۇلعايتا ءتۇسۋ جوسپاردا تۇر», – دەدى ج.جۇكەنوۆ. ايتا كەتەيىك, «نۇر وتان» پارتياسى اكتسيا اياسىندا الىستاعى ەلدى مەكەندەردەگى ازاماتتاردى تولعانتقان ءتۇرلى ماسەلەلەردى قامتۋعا مۇمكىندىك الىپ وتىر. سونىمەن قاتار, وسى جوبا ارقىلى حالىقتى مەملەكەتتىك ورگان­داردىڭ اتقارىپ جاتقان جۇمىستارى ءجونىن­دە اقپاراتتاندىرۋعا قول جەتكى­زىلۋدە. جولدىباي بازار, «ەگەمەن قازاقستان».