كانديداتتار اراسىندا ءوزىن ءوزى ۇسىنعاندار باسىم

كەشە ورتالىق سايلاۋ كوميسسياسىندا قازاقستان رەسپۋبليكاسى پارلامەنتى ءماجىلىسىنىڭ جانە ءماسليحاتتارىنىڭ دەپۋتاتتارىن سايلاۋ جونىندەگى سايلاۋ ناۋقانىنىڭ بارىسى تۋرالى قر وسك مۇشەسى م.سارسەمباەۆ بريفينگ وتكىزدى. الدىمەن ول پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ دەپۋتاتتىعىنا كانديداتتاردى ۇسىنۋ بارىسىنا توقتالدى. ونىڭ اتاپ وتۋىنشە, ورتالىق سايلاۋ كوميسسياسىنا التى پارتيالىق ءتىزىم ۇسىنىلعان. قازىرگى ۋاقىتتا ولاردىڭ بەسەۋىن ورتسايلاۋكوم تىركەدى. پارتيالىق تىزىمدەردى تىركەۋ 19 اقپانعا دەيىن جۇرگىزىلەدى. وسك مۇشەسى بۇدان كەيىن بارلىق دەڭگەيدەگى ءماسليحاتتار سايلاۋىنىڭ جايى تۋرالى ايتىپ بەردى. «2016 جىلعى 20 ناۋرىزدا بارلىق دەڭگەيدەگى ءماسليحاتتاردىڭ 3335 دەپۋتاتى, سونىڭ ىشىندە وبلىستىق, استانا جانە الماتى قالالارى ءماسليحاتتارىنىڭ 550 دەپۋتاتى, اۋداندىق ءماسليحاتتاردىڭ 2160 جانە قالالىق ءماسليحاتتاردىڭ 625 دەپۋتاتى سايلانادى, – دەدى م.سارسەمباەۆ وسى جونىندە. – ءماسليحاتتار دەپۋتاتتىعىنا كانديداتتاردى ۇسىنۋ بەلسەندى وتۋدە. وبلىستىق, استانا جانە ال­ماتى قالالارىنىڭ اۋماقتىق ساي­لاۋ كوميسسيالارىنىڭ ۇسىن­عان مالىمەتتەرى بويىنشا بارلىق دەڭگەيدەگى ءماسليحاتتار دەپۋتات­تىعىنا 7885 كانديدات ۇسىنىلدى». م.سارسەمباەۆتىڭ حاباردار ەتۋىنشە, ولاردىڭ 866-سى – وب­لىستىق ماسليحاتتارعا, 34-ءى – اس­تانا قالالىق ءماسليحاتىنا, 133-ءى – الماتى قالالىق ءماسليحاتىنا ۇسىنىلىپ وتىر. اۋداندىق ماسليحاتتارعا 5403 كانديدات, قالالىق ماسليحاتتارعا ۇسىنىلعان كانديداتتاردىڭ سانى قازىرگە 1449 ادام ەكەن. ءبىر دەپۋتاتتىق مان­داتقا ورتاشا باسەكەلەستىك قازىر­گى كەزدىڭ وزىندە ەكىدەن استام ادامدى قۇرايدى. ساياسي پارتيا­لار 1942 ادام (24,6 %), قوعام­دىق بىرلەستىكتەر 12 ادام (0,2 %), ال 5931 ادام (75,2 %) ءوزىن-ءوزى ۇسىن­عاندار. ۇسىنىلعان كانديدات­تاردىڭ ىشىندە 40 ۇلتتىڭ وكىلى بار. كان­ديداتتاردىڭ 71,4 پايىزى – ەر ادام­دار, 28,6 پايىزى – ايەلدەر. سون­داي-اق, ولاردىڭ 72,3 پايىزى جوعارى ءبىلىمدى, ورتاشا جاسى – 43 جاس. «ۇسىنىلعان كانديداتتاردىڭ ىشىندە اكىمدىكتەر مەن ءماسليحاتتار قىزمەتكەرلەرى – 255 ادام (3,2%), مەملەكەتتىك كاسىپورىندار, مەكەمەلەر جانە ۇيىمدار قىزمەتكەرلەرى – 3653 ادام (46,3%), كوممەرتسيالىق قۇرىلىمداردىڭ قىزمەتكەرلەرى – 3384 ادام (42,9%), ساياسي پارتيا­لار مەن ۇەۇ-نىڭ وكىلدەرى – 135 ادام (1,7%), زەينەتكەرلەر – 60 ادام (0,8%), جۇمىسسىزدار – 202 ادام (2,6%), 5 ادام (0,1%) جۇمىس ورنىن كورسەتپەگەن. وكرۋگتىك سايلاۋ كوميسسيالارى ءماسليحاتتار دەپۋتاتتىعىنا 1096 كانديداتتى تىركەدى», – دەپ قورىتتى ءسوزىن م.سارسەمباەۆ. ءاليسۇلتان قۇلانباي, «ەگەمەن قازاقستان».