ىقپالداستىقتى ىلگەرىلەتۋ تۇرعىسىنداعى شارالار

قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ماسكەۋدە ەۋرازيالىق ەكونوميكالىق كوميسسيا كەڭەسىنىڭ وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. قازاقستان رەسپۋبليكاسى 2016 جىلى جوعارى ەۋرازيالىق ەكونو­ميكالىق كەڭەسكە, ەۋرازيالىق ۇكىمەتارالىق كەڭەسكە جانە ەۋ­ر­ا­زيالىق ەكونوميكالىق كوميسسيا كەڭەسىنە (ەەك) توراعالىق ەتەدى. ەەك كەڭەسىنىڭ وتىرىسى ءۇستى­مىز­دەگى جىلى قازاقستاندىق تاراپ­تىڭ توراعالىعىمەن ءبىرىنشى رەت ءوتىپ وتىر. كەڭەس مۇشەلەرى 2016 جىلدىڭ 1 قاڭ­تارىنان ەەك القاسى جاڭا قۇرا­مىنىڭ جۇمىسى باستالۋىن ەسكەرە وتىرىپ, كوميسسيانى قالىپ­تاستىرۋ ماسەلەلەرىن قارادى. وتىرىس بارىسىندا ورتاق فارماتسەۆتيكالىق رىنوك قۇرۋ بويىنشا بىرقاتار اكتىلەر تال­قى­لاندى. ول مەديتسينالىق پرەپا­راتتار مەن بۇيىمداردىڭ قاۋىپ­سىزدىگى مەن ساپاسىن ارتتىرۋ ءۇشىن جاعدايلاردى قامتاماسىز ەتۋگە مۇمكىندىك تۋعىزىپ, ولاردىڭ ەاەو ەلدەرى رىنوگىنداعى قولجەتىمدىلىگىن قامتاماسىز ەتەدى. ونىڭ سىرتىندا, بۇتىندەي ال­عاندا ەاەو جوعارى جانە ۇكى­مەت­ارالىق كەڭەسىنىڭ مۇناي­دىڭ, مۇناي ونىمدەرى مەن گازدىڭ ور­تاق رىنوگىن قالىپتاستىرۋ تۇجى­رىمداماسى بويىنشا شە­شىم­دەرىنىڭ جوبالارى ماقۇلداندى. ونداي رىنوكتار بولاشاقتا مۇشە مەملەكەتتەر ەنەرگيا جۇيەلەرىنىڭ تۇراقتىلىعىنا جاعداي جاسايتىن بولادى. كوميسسياعا ەلدەردىڭ وكىلەتتى ورگاندارىمەن بىرلەسىپ ەاەو-نىڭ جاڭا كەدەن كودەكسىنىڭ جوبا­سىمەن جۇمىستى بەلسەندىرەك ءجۇر­گىزۋ تاپسىرىلدى. بۇل قۇجات­تىڭ قابىلدانۋى كەدەندىك پروتسەدۋرالاردى جەڭىلدەتۋگە, كەدەن قىزمەتى جۇمىسىنىڭ جۇيەسىنە ۇزدىك حالىقارالىق تاجىريبەلەردى ەنگىزۋگە باعىتتالعان. بۇتىندەي العاندا, ەەك كەڭەسى وتىرىسىنا قاتىسۋشىلار ەلۋدەن استام ماسەلەلەردى قارادى.