اقپاراتتار اعىنى

● ەۋرازيالىق دامۋ بانكى قازاقستان ەكونوميكاسىنا 1 ملرد. دوللاردان استام ينۆەستيتسيا قۇيماقشى. ال بۇل قارجىنىڭ باسىم بولىگى اقتوبە مەن ماڭعىستاۋ وبلىستارىن گازداندىرۋ جانە جاڭعىرتۋ باعدارلاماسىن قارجىلاندىرۋعا جۇمسالماق. ول ءۇشىن اتالعان ينۆەستيتسيادان 128,2 ملن. دوللار اۋدارىلادى. سونىمەن قاتار, 236 جۇمىس ورنى اشىلادى. ● استانادا «بولا­شاق» حا­­لىق­ارالىق ستيپەن­ديا­سىنىڭ ءتىل مەكتەبى اشىلدى. مۇن­دا «مەملەكەتتىك قىز­مەت­­شى­لەر», «عىلىمي-پەداگوگ قىز­مەت­­كەرلەر», «مادەنيەت قىزمەت­كەرلەرى», «باق رەداك­تسياسىنىڭ قىز­­مەت­كەرلەرى» جانە «جوو تۇلەك­­تەرى» ساناتتارى بويىنشا وقۋعا تۇسكەن العاشقى 60 ستي­پەن­­ديانت ءبىلىم الادى. ايتا كە­تەيىك, اتالعان مەكتەپتە شاكىرت­تەر اعىلشىن ءتىلىن وقىتۋدىڭ «6+6»جاڭا ءپىشىنى بويىنشا ءدارىس الادى. ● قاراعاندىدا «سالا­ماتتى قازاقستان» مەديتسي­نالىق پويىزى تەگىن قىزمەت كورسەتۋدى باس­تادى. دارىگەرلەر شوعىرلانعان پويىز وبلىستاعى شاعىن ستانسالار مەن ولارعا جاقىن ماڭداعى اۋىلدارعا بارىپ, تۇرعىنداردىڭ دەن­ساۋ­لىعىن تەكسەرەدى. ساپار بارىسىندا مەديتسينا ماماندارى قاراعاندىنىڭ 19 ستانساسىن ارالايتىن بولادى. ● قوستاناي وبلىسىندا اۋىل تۇرعىندارى ءوز كۇش­­تەرى­مەن كينو ءتۇسىردى. شالعاي­داعى كولقامىس ەلدى مەكە­نىندە تۇسىرىلگەن كينوتۋىندى «كاۋ­سارىم» دەپ اتالادى. وندا كومپيۋتەر مەن ۇيالى تەلەفوننىڭ, الەۋ­مەتتىك جەلىنىڭ تۇتقىنىنا اينالعان ءجاسوسپىرىمنىڭ اۋىلعا كەلىپ, قاتارلاستارىمەن ارالاسىپ, ويىننىڭ قىزىعىنا بات­قان شاعى سۋرەتتەلەدى. قىس­قا­­مەتراجدى فيلم 37 مينۋتتى قۇرايدى. ● «انالار ءۇيى» رەسپۋب­لي­كالىق قوعامدىق جوباسىنىڭ پاۆلودار فيليالىندا تىگىن تسەحى اشىلدى. مۇنداعى قىز-كەلىنشەكتەر «انالار ءۇيىنىڭ» قۇرىلتايشىسى بولىپ تابىلاتىن ءىرى قۇرىلىس كومپانياسىنا ارنايى كيىم تىگەدى. ايتا كەتەيىك, اتالعان ورتالىققا ومىردە قيىن جاعدايعا تاپ بولعان انالار كەلىپ, كومەك سۇرايدى. ال فيليال قىز­مەتكەرلەرى ولاردى ۋاقىتشا باس­پانامەن قامتىپ, جۇمىس بەرەدى. ● اقمولا وبلىسىنداعى اندىقوجا باتىر اۋىلىندا بالاباقشا اشىلدى. بۇل «با­لاپان» باعدارلاماسى اياسىن­دا جۇزەگە استى. مەكتەپكە دەيىن­گى ءبىلىم ۇياسى 50 ورىنعا لايىق­تالعان. مەملەكەتتىك «بال­داۋرەن» بالاباقشا قۇرى­لىسى ءۇشىن اۋداندىق بيۋدجەتتەن 4 ميلليون تەڭگە بولىنگەن. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسىنىڭ دەرەكتەرى بويىنشا دايىندالدى.