كوميسسيا مۇشەلەرى «اۋىل» پارتياسىنىڭ شتابىندا بولدى

كەشە قازاقستان رەسپۋبليكاسىندا سايلاۋدى بايقاۋ جونىندەگى رەسپۋبليكالىق قوعامدىق كوميسسيا (سبرقك) مۇشەلەرى «اۋىل» حالىقتىق-دەموكراتيالىق پاتريوتتىق پارتياسىنىڭ سايلاۋالدى شتابىندا بولىپ, وسى پارتيا مۇشەلەرىمەن كەزدەسۋ وتكىزدى. كەزدەسۋگە سبرقك توراعاسى نۇرلان ەرىمبەتوۆ, كوميسسيا مۇشەسى امانقۇل سەرىكباەۆ, «اۋىل» پارتياسىنىڭ توراعاسى ءالي بەكتاەۆ جانە وسى پارتيا سايلاۋالدى شتابىنىڭ جەتەكشىسى رۇستەم جولامان قاتىستى. كەزدەسۋگە قاتىسۋشىلار ەلەك­توراتتى ناۋقاننىڭ شەشۋ­شى قىرلارىن, سبرقك بايقاۋ­شى­لارىنىڭ «اۋىل» پارتياسىنىڭ رەسپۋبليكالىق جانە وڭىرلىك سايلاۋالدى شتابتارىمەن ءوزارا ءىس-قيمىلى ماسەلەلەرىن تالقىلادى. كەزدەسۋ بارىسىندا سبرقك ءتورا­عاسى نۇرلان ەرىمبەتوۆ سبرقك ميسسياسى مەن قىزمەتى تۋرالى ايتىپ بەردى: – قازاقستاندا قوعامدىق باي­قاۋ جۇيەسى جىلدان-جىلعا جەتىل­دىرىلىپ كەلەدى. اتاپ ايتقان­دا, وزگەرىستەر بۇرىنعى ءناتي­جەلى تاجىريبەلەردى ەسەپكە الا وتىرىپ, حالىقارالىق ستاندارت­تاردى وزىنە مىندەتتى ەنگىزۋ­دەن ايقىن كورىنەدى. ءبىزدىڭ قوعام­دىق كوميسسيانىڭ الداعى ءماجىلىس پەن بارلىق دەڭگەيدەگى ءماسليحاتتار سايلاۋلارى ۇدەرىس­تەرى اياسىنداعى ماقساتتارى مەن مىندەتتەرىنە قاتىستى ايتاتىن بولسام, ءبىزدىڭ موينىمىزعا ءار­كەز ۇلكەن جاۋاپكەرشىلىك جۇك­تە­لەدى: ءبىز سايلاۋ ۇدەرىسىنە بار­لىق قاتىسۋشىلاردىڭ قۇقىق­تارى ساقتالعانىن, بارلىق كاندي­دات­تارعا تەڭدەي جاعدايلار مەن ءمۇم­كىندىكتەردىڭ جاسالعانىن باقىلايمىز. سونداي-اق, ءبىز ۇگىت ماتەريالدارىن ساراپتامادان وتكىزىپ, تەلەۆيزيالىق باع­دار­لامالارعا, ينتەرنەت-جاريا­لانىمدارعا, باسپاسوزگە, جانە تۇتاستاي العاندا, سايلاۋ بارى­سىنا باقىلاۋ جۇرگىزەمىز. دا­ۋىس بەرۋ كۇنى, ءتيىستى وقىتۋدان ءوت­كەن سبرقك بايقاۋشىلارى, ءاربىر سايلاۋ ۋچاسكەسىندە جۇمىس ىستەي­تىن بولادى, – دەپ اتاپ ءوتتى ن.ەرىم­بەتوۆ. «اۋىل» پارتياسىنىڭ ءتور­اعاسى ءالي بەكتاەۆ سبرقك ءمۇ­شە­­لەرىن رەسپۋبليكالىق جانە ءوڭىر­لىك شتابتاردىڭ ناسيحات ناۋ­قانىنا دايىندىق بارىسى تۋرالى قۇلاعدار ەتتى: – ورتالىق اپپارات ارقاۋ­ىندا ءبىز پارتيانىڭ وڭىرلىك شتاب­­تارىنىڭ باسشىلارى مەن مۇشە­لەرى ءۇشىن ترەنينگتەر وتكىزىپ, سايلاۋ زاڭناماسىنىڭ تالاپتارى مەن شەكتەۋلەرىن, سونداي-اق, ۇگىت-ناسيحات جۇمىستارىن جۇرگىزۋدىڭ ەرەكشەلىكتەرىن تۇسىندىرەمىز. بۇل «اۋىل» پارتياسىنىڭ اشىق تا ءادىل سايلاۋ وتكىزۋدى تۇتاستاي قول­دايتىنىن جانە سايلاۋدى باي­قاۋ جونىندەگى رەسپۋبليكالىق قوعامدىق كوميسسيامەن تىعىز ىن­تى­ماقتاسۋعا نيەتتى ەكەنىن ايعاق­تايدى, – دەدى ءا.بەكتاەۆ. ساۋلەبەك ءبىرجان.