ەكسپو-2017 – تەحنولوگيالارىمىز ءۇشىن ۇلكەن مۇمكىندىك

قازاقستاننىڭ پولشاداعى توتەنشە جانە وكىلەتتى ەلشىسى ەرىك وتەمباەۆ وسى ەلدىڭ قورشاعان ورتا ءمينيسترى يان شيشكومەن كەزدەسۋ وتكىزىپ, ەكى ەل اراسىنداعى ىنتىماقتاستىقتى نىعايتۋ مۇمكىندىكتەرىن تالقىلادى. كەزدەسۋدە بالامالى ەنەرگەتيكا قورلارىن دامىتۋ, كليماتتىق ساياسات, ينۆەستيتسيالار تارتۋ, زاماناۋي ەكولوگيالىق قۇرالداردى ءوندىرۋ, «جاسىل» تەحنولوگيالار, سونداي-اق, بىرلەسكەن عىلىمي زەرتتەۋلەر وتكىزۋ سالالارىندا ايتارلىقتاي الەۋەت بار ەكەنى اتالىپ ءوتتى. يا.شيشكو 2017 جىلى استانادا وتەتىن «بولاشاقتىڭ ەنەرگياسى» تاقىرىبىنداعى حالىقارالىق ما­مان­داندىرىلعان كورمەنىڭ اسا ماڭىزدى جوبا ەكەنىنە ەكپىن ءتۇسىردى. ويتكەنى, كورمەنىڭ بۇگىنگى پول­شانىڭ تەحنولوگيالىق شەشىمدەرىن كورسەتۋ, ەكى تاراپتىڭ عىلىمي جانە بيزنەس توپتارىنا قىزىقتى الدىڭعى قاتارلى جوبالاردى ناسيحاتتاۋعا مول مۇمكىندىك تۋعىزاتىنىن ايتتى. ونىڭ پايىمداۋىنشا, ەكسپو قازاقستان مەن پولشا اراسىنداعى ىنتىماقتاستىقتى جانداندىرۋعا وڭ ىقپال ەتەتىن بولادى. سونداي-اق, كەزدەسۋدە وڭىرلىك ەكولوگيالىق جوبالاردى جۇزەگە اسىرۋ مەن قازاقستاننىڭ «جاسىل» تەحنولوگيالاردى دامىتۋ تەتىكتەرىن قۇرۋدى قامتيتىن «جاسىل كو­پىر» باستاماسى شەڭبەرىندەگى ىنتى­ماقتاستىقتىڭ كەلەشەگى دە تالقى­لاندى. مينيستر توپىراقتىڭ توزۋى, جەرلەردىڭ شولگە اينالۋى, ارال تەڭىزىن, ورماندى القاپتاردى قايتا قالپىنا كەلتىرۋ جانە ەكو­جۇيە­لەردى دامىتۋ ماسەلەلەرىنە قاتىستى قازاقستاندىق جوبالارعا قىزىعۋشىلىق تانىتتى. پولشانىڭ وسى تاقىلەتتەس قيىندىقتاردى شەشۋدە ۇلكەن تاجىريبەسى بار. تابيعات قورعاۋ ۆەدومستۆوسىن باسقارۋعا ءۇشىنشى مارتە تاعايىندالعان (1997-1999 جىلدارى, 2005-2007 جىلدارى جانە 2015 جىلدان قازىرگە دەيىن) يا.شيشكونىڭ ايتۋىنشا, بۇل باعىتتا پولشا ۇكىمەتى سوڭعى ون جىل ىشىندە ايتارلىقتاي جۇيەلى شارالاردى ىسكە اسىردى. ءنا­تيجەسىندە, بۇگىنگى كۇنى قورشاعان ور­تانى قورعاۋدىڭ ۇلتتىق قورى, سۋ شارۋاشىلىعى باسقارماسى جانە قورشاعان ورتانى قورعاۋ بان­كى سياقتى ينستيتۋتتارمەن ىقپال­داستىقتى قامتاماسىز ەتەتىن جۇيە قۇرىلدى. بۇل ۇيىمداردىڭ قىزمەتى ەكولوگيالىق جوبالارعا ينجەنەرلىك كومەك كورسەتۋ مەن قارجىلاندىرۋدى ۇيىمداستىرۋعا باعىتتالعان. ءوز كەزەگىندە, بۇل «جاسىل» ينۆەستيتسيالاردى تارتىپ, «جاسىل» تەحنولوگيالار ورتالىقتارىن, زەرتتەۋ ستانسالارى مەن لابوراتوريالارىن قارقىندى دامىتۋدى ىنتالان­دىرادى. سوندىقتان, قور مەن بانكتىڭ تاجىريبەسىن قازاقستان رەسپۋب­ليكاسىنىڭ «جاسىل» ەكونوميكاعا كوشۋ تۇجىرىمداماسىن ىسكە اسىرۋدا قولدانۋعا بولادى. «ەكىجاقتى ىنتىماقتاستىقتىڭ كەلەشەگى زور باعىتتارىندا ىقپال­داستىقتى ارتتىرۋدىڭ ماڭىزى زور. ال قور مەن بانكتىڭ تاجىريبەسى «جاسىل» ينۆەستيتسيالاردى تارتۋدا مەملەكەتتىك جانە وڭىرلىك دەڭگەي­لەردە ەسكەرىلەتىن بولادى. سەرىك­تەستىكتى كەڭەيتۋ ماقساتىندا بۇگىندە جوباسى ازىرلەنىپ جاتقان ءتيىستى ەكىجاقتى حالىقارالىق كەلىسىمگە قول قويىلادى», – دەپ قورىتتى ءوزىنىڭ ءسوزىن ە.وتەمباەۆ. «ەگەمەن-اقپارات».