ماسكەۋدە «رامەنسكوە» اتتى حالىقارالىق اەروپورت اشىلادى

استانا. 12 اقپان. بيىلعى جىلعى 15 ناۋرىزدا ماسكەۋدە «رامەنسكوە» دەپ اتالاتىن جاڭا حالىقارالىق اەروپورت ىسكە قوسىلادى. بۇل تۋرالى ras.kz اقپارىنا سىلتەمە جاساعان egemen.kz ءتىلشىسى حابارلادى. اەروپورتتىڭ باسقارۋشى كومپانياسى - «رامپورت اەرو» باس ديرەكتورى توماس ۆايشۆيلانىڭ ايتۋىنشا, رامەنسكوەدەن ۇشىپ شىعاتىن ءبىرىنشى رەيستى حالىقارالىق مارشرۋتتاعى ۇشاق اتقاراتىن بولادى. «ءبىز 2016 جىلى 1,9 ملن. ادامعا قىزمەت كورسەتۋدى جوسپارلاپ وتىرمىز. سونىڭ ىشىندە ءبىرىنشى ايدا 50-60 مىڭ ادام ۇشادى», - دەدى ۆايشۆيلا. ول بۇعان اەروپورتقا دەيىن جەتۋ ءۇشىن قازان ۆوكزالىنان «وتدىح» ستانساسىنا دەيىن كەلۋ كەرەك ەكەنىن قوستى. «رەسەي تەمىر جولى» ااق دا «سپۋتنيك» پويىزىنىڭ «جۋكوۆسكي» ستانساسىنا توقتايتىنىن راستادى. وسى جەردە قىركۇيەك ايىندا بولەك پلاتفورما اشىلادى. سونداي-اق كوتەلنيكوۆتان اەروپورتقا دەيىن ءار 30 مينۋت سايىن ءبىر اۆتوبۋس شىعىپ تۇرادى. وسىمەن «رامەنسكوە» ماسكەۋ اۆياتسيا تورابىنداعى ءتورتىنشى اەروپورت بولادى. ال جالپى ماسكەۋ ايماعىندا,ى اەروپورت سانى وسىمەن جەتىگە جەتىپ وتىر. بۇعان دەيىن دومودەدوۆو, ۆنۋكوۆو, شەرەمەتەۆو سەكىلدى بەلگىلى اۋە گاۆاندارىمەن قاتار, وستافەۆو, چكالوۆسكي دەگەن اەروپورتتار بار. ال كەڭەس زامانىنان الدىڭعى ءۇش اەروپورتپەن بىرگە جۇمىس ىستەپ كەلگەن بىكوۆو كەيىنگى جىلدارى جابىلىپ قالدى. تالعات رايىمبەك. دەرەك, فوتو: ras.kz.