استانا. 12 اقپان. نورۆەگيانىڭ ليللەحامەر قالاسىندا جاسوسپىرىمدەردىڭ قىسقى وليمپيا ويىندارىنا قاتىساتىن قازاقستان ۇلتتىق قۇراما كومانداسىنىڭ شتابى اشىلدى. بۇل تۋرالى egemen.kz ءتىلشىسى حابارلادى.
بۇگىن شتابتا ۇلتتىق وليمپيادا كوميتەتىنىڭ وكىلدەرى سپورتشىلار مەن جاتتىقتىرۋشىلار قۇرامىمەن كەزدەستى. كەزدەسۋدە كوميتەتتىڭ ۆيتسە-پرەزيدەنتى اندرەي كريۋكوۆ پەن اتقارۋشى ديرەكتورى سەرىك قاسقاباسوۆ سپورتشىلاردىڭ دايىندىعىن سۇراستىرىپ, وليمپيالىق قالاشىقتاعى جاعدايلارىمەن تانىستى.
«وليمپيادا ءاربىر جاس سپورتشىنىڭ ومىرىندەگى ماڭىزدى جارىستاردىڭ ءبىرى. سوندىقتان وسى جەردە وزدەرىڭدى جاقسى قىرىنان كورسەتۋلەرىن كەرەك. ءبىزدىڭ ەل سەندەرمەن ماقتانادى. ەلدە بارلىعى سەندەرگە ءۇمىت ارتىپ وتىر», دەدى اندرەي كريۋكوۆ.
كەزدەسۋدە جارىستىڭ اشىلۋ سالتاناتىندا ەلىمىزدىڭ كوك بايراعىن ۇستاپ جۇرەتىن شورت-ترەكشى ەركەبۇلان شامۇقانوۆ بارلىق سپورتشىلاردىڭ اتىنان قىسقى وليمپياداعا جاقسى دايىندىقپەن كەلگەندەرىن, جارىس كەزىندە سپورتشىلار ءبىر-بىرلەرىن قولدايتىندارىن ايتتى.
«ءبىز ليللەحامەردە ءبىر وتباسىنىڭ بالالارى سياقتىمىز. ءبىر-بىرىمىزگە بىلمەگەن نارسەمىزدى ايتىپ, كومەك كەرەك بولسا كومەكتەسىپ جۇرەمىز. بىراق, ەڭ باستىسى جارىستا جاقسى ونەر كورسەتىپ, ەلگە التىن جۇلدەلەردى ساناپ اكەلۋ دەپ بىلەمىن. سوندىقتان نامىستى قولدان بەرمەي, كوك بايراعىمىزدى نورۆەگيانىڭ اسپانىندا جەلبىرەتۋگە تىرىساتىن بولامىز», دەدى ول
وليمپيادا كەزىندە قازاقستان سپورتشىلارى جارىسقا عانا ەمەس, باسقا دا مادەني شارالارعا دا قاتىسادى. مىسالى, سپورتشىلاردىڭ «Hello, World!» («الەم ساعان ءبىر سالەم!») دەگەن فەستيۆالدە الەمنىڭ تۇكپىر-تۇكپىرىنەن كەلگەن قۇرداستارىمەن جاقىن ارالاسۋعا مۇمكىندىكتەرى بولادى. وندا ۇستەل تەننيسىنەن جارىستار ءوتىپ, بي كەشتەرى وتكىزىلەدى.
داستان كەنجالين.
دەرەك, سۋرەت: قازاقستاننىڭ ۇلتتىق وليمپيادا كوميتەتى.
