وزبەكستان بۇرىن-سوڭدى بولماعان قالىڭ قاردىڭ استىندا قالدى

استانا. 12 اقپان. وزبەكستاندا كوپتەن بەرى كورىنىس تاپپاعان سەنساتسيالىق وقيعا ورىن الدى. رەسپۋبليكانىڭ بارلىق ايماعى ءبىر مەزگىلدە قالىڭ قاردىڭ استىندا قالدى. بۇل تۋرالى ras.kz-كە سىلتەمە جاساعان egemen.kz حابارلادى. ادەتتە قىزىلقۇمنىڭ ءشولدى ايماعىندا قىس پەن كوكتەم ايلارىندا جىلىنا 100-200 ميلليمەتر كولەمىندە عانا ىلعال ءتۇسۋشى ەدى. قازىر بۇل جەرلەردىڭ ءبارى قالىڭ قاردىڭ كورپەسىن جامىلىپ جاتىر. تاڭ قالارلىعى, رەسپۋبليكانىڭ ەڭ ءبىر ىستىق جانە شولەيتتى وڭىرلەرىنە قاردىڭ كوبىرەك تۇسكەنى بايقالادى. ال قىزىلقۇم اۋماعىنداعى قاردىڭ قارقىنى كورشىلەس تۇرىكمەنستان جانە قازاقستان وبلىستارىنا دا اسەرىن تيگىزگەن. «ەلدىڭ ەڭ ىستىق نۇكتەسى – قىزىلقۇم شولىنە جاۋعان قاردىڭ مولشەرى وتە كوپ», – دەدى وزبەكستان مەملەكەتتىك تابيعات كوميتەتىندەگىلەر. سونداي-اق, ولار بۇحارا جانە ناۆوي وبلىستارىنىڭ ءبىر بولىكتەرىن قالىڭ ۇلپانىڭ باسىپ تاستاعانىن ايتتى. ايتا كەتەيىك, بۇل اتالعان ايماقتار ءۇشىن وتە سيرەك كەزدەسەتىن قۇبىلىس بولىپ تابىلادى. دەگەنمەن, تۇتاستاي العاندا, وزبەكستاندا بيىلعى قىس جىلى, ءىس جۇزىندە ەشقانداي ايازسىز قالىپتا ءوتىپ جاتىر. تالعات رايىمبەك. دەرەك: ras.kz. سۋرەت: vk.com.