الماتى. 12 اقپان. قازاق مەملەكەتتىك قىزدار پەداگوگيكالىق ۋنيۆەرسيتەتىندە يراننىڭ ۇلتتىق ونەر جانە ءداستۇرلى مۋزىكا كۇنى اياسىندا يران مادەنيەت كۇنى ءوتتى. بۇل تۋرالى ۋنيۆەرسيتەتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلايدى.
شاراعا يران يسلام رەسپۋبليكاسىنىڭ باس كونسۋلى امير رەزا دارابيان, مادەني وكىلدىكتىڭ الماتى قالاسىنداعى جاۋاپتى باسشىسى مادجيد كامراني, يراندىق پروفەسسورلار جانە قىزدار ۋنيۆەرسيتەتىنىڭ باسشىلىعى مەن وقىتۋشىلارى قاتىستى.
مادەني ءىس-شارا بارىسىندا يراننان كەلگەن «جۆانا» حالىق اسپاپتار توبىنىڭ شاعىن مۋزىكالىق كونتسەرتى ءوتتى. كونتسەرت بارىسىندا قىزدار ۋنيۆەرسيتەتىندە «شەتەل ءتىلى: ەكى شەتەل ءتىلى» ماماندىعى بويىنشا ءبىلىم الىپ جاتقان ستۋدەنتتەر پارسى تىلىندە «ەي, يرون!», «جاستار», «ماجنۋن», نازىك جاندىلارعا ارنالعان «قىزدار» جانە تاعى باسقا ەل, تۋعان جەر, بەيبىت ءومىر تاقىرىپتارىنا ارنالعان اندەردى انسامبلمەن بىرگە شىرقادى.
ەكى مەملەكەت اراسىنداعى دوستىق, قۇرمەت, پاراسات پەن ىنتىماقتاستىقتىڭ ايعاعىنا اينالعان شارا اياسىندا يران يسلام رەسپۋبليكاسىنىڭ ۇلتتىق قولونەر بۇيىمدارىنىڭ كورمەسى بولىپ ءوتتى.
ايتا كەتەيىك, قىزدار ۋنيۆەرسيتەتى يران يسلام رەسپۋبليكاسىمەن 2003 جىلدان بەرى بايلانىس ورناتقان. سول جىلداردان بەرى وقۋ ورنىندا پارسى ءتىلى وقىتىلىپ كەلەدى. يران ەلشىلىگىنىڭ قولداۋىمەن 2012 جىلى پارسى ءتىلى ورتالىعى دا اشالعان. قازىرگى تاڭدا قىزدار ۋنيۆەرسيتەتىندە پارسى ءتىلىن مەڭگەرىپ جاتقان ستۋدەنتتەر سانى 30-دان 100-گە جەتتى.
ايناش ەسالي.
دەرەك, سۋرەت: قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ءباسپاسوز قىزمەتى.
