وڭ ءۇردىس شانحايدا وقىپ ءجۇر قازاق قىزى...

شىعىس-قىتاي پەداگوگيكالىق ۋنيۆەرسيتەتىندە ءبىلىمىن جەتىلدىرىپ جۇرگەن ستۋدەنت فاريدا تولەۋباەۆا قىتاي ءتىلى فاكۋلتەتىنىڭ «ەڭ ۇزدىك ستۋدەنتى» اتاندى. ونىڭ ايتۋىنشا, قىتاي ءتىلى فاكۋلتەتىندە امەريكا, جاپونيا, كورەي, رەسەي, ۋكراينا, يندونەزيا سياقتى ەلدەردەن كەلگەن ستۋدەنتتەر دە ءبىلىم الۋدا. قاي ۋاقىتتا بولسىن كوپ ءتىل ءبىلۋدىڭ, ونىڭ ىشىندە قىتاي ءتىلىن ۇيرەنۋدىڭ قاجەتتىگىن ءومىردىڭ ءوزى كورسەتىپ وتىر. ءبىزدىڭ ەلىمىز بەن قىتايدىڭ اراسىنداعى ەكونو­ميكالىق, مادەني بايلانىس­تار جىلدان جىلعا وركەندى تۇردە جال­عاسۋدا. شىعىستانۋشى مامان­دىعىنا سۇرانىس تا ارتارى ءسوزسىز. – سوندىقتان دا قىتاي ءتىلىن ۇيرەنىپ, ءبىلىمىمدى تولىقتىرعىم كەلدى, – دەدى فاريدا سكايپ ارقىلى سويلەسكەنىمىزدە. – ءبىر جىل ىشىندە ىزدەنىپ, ەڭبەكتەنىپ قىتاي ءتىلىن مەڭگەرە باستادىم. ەسەيگەن سوڭ مەنى عاسىرلار قاتپارىنداعى ەل تاريحى, يەروگليفتەردىڭ سيقىرى قىزىقتىردى. 1996 جىلى ەكىباستۇز قالاسىندا دۇنيەگە كەلدىم. التى جاسىمدا №22 مەكتەپ گيمنازياعا باردىم. العاشقى ۇستازىم ساۋلە اپاي سۇلەەۆا. 2013 جىلى وبلىس ورتالىعىنداعى «جاس دارىن» مەكتەبىندە «التىن بەلگىنى» يە­لەندىم. ءال-فارابي اتىنداعى قا­­زاق ۇلتتىق ۋنيۆەرسيتەتى شى­عىس­تانۋ فاكۋلتەتىنىڭ ستۋدەنتى اتاندىم. قۇپيالى, جۇمباق ءتىلدى ۇيرەنۋىمە ۇلەس قوسقان قىتاي ءتىلى كافەدراسىنىڭ وقىتۋ­شى­لارىنا العىسىم شەكسىز. بىل­تىر ەلىمىز­دىڭ جوعارى وقۋ ورىن­دارى ستۋ­دەنتتەرىنىڭ VII رەسپۋب­ليكالىق پاندىك وليمپياداسىندا ءىىى ورىن الدىم. 2015-2016 وقۋ جىلىندا ۋنيۆەرسيتەت اكادە­ميا­لىق موبيلدىك جۇيەمەن ءبىلىم الۋىم ءۇشىن شانحايداعى شى­عىس-قىتاي پەداگوگيكالىق ۋني­ۆەر­سيتەتىنە جىبەردى. انام «جو­لىڭ­نان قالما, ءبىلىم ال» دەپ ءوز قارا­جاتىمەن الىس جولعا شىعارىپ سالدى. – تولەۋباەۆا 4 سىنىپ وقىپ ءجۇر­گەندە ولەڭ جازا باستادى. ادەبي كىتاپتاردى مەنىمەن ءبىر­گە وقيتىن. 2007 جىلى وبلىس ورتا­لىعىنداعى «جاس دارىن» مەك­تەبىنە قابىلداندى. سىنىپ جە­تەكشىسى گۇلشەكەر بەلگىباەۆا وقۋ­شىلاردىڭ ءبىلىم الۋىنا بار كۇش-جىگەرىن جۇمسادى. قا­­زاق ءتىلى مەن ادەبيەت ءپانىنىڭ مۇعالىمى اي­ناش توقتارحانقىزى تولەۋ­باە­ۆانى وليمپياداعا دايىندادى. 2010 جىلى رەسپۋبليكالىق وليم­پيادانىڭ جۇلدەگەرى ءىى دارەجەلى ديپلوم, كۇمىس مەدالىن جەڭىپ الدى, – دەيدى اناسى قار­لىعاش. – ايتپاقشى, 16 جاسقا تول­عان­دا انام ماعان سىيلىق جاسادى. تسينداو قالاسىنداعى ءبىر ايلىق قىتاي ءتىلى كۋرسىنا ءجى­بەردى. وقىتۋشىلارىنىڭ ءادىس­تەمەسى ەرەكشە بولادى ەكەن. شى­عىس-قىتاي پەداگوگيكالىق ۋنيۆەرسيتەتىنىڭ كىتاپحاناسىندا 3,5 ميلليون توم كىتاپ ساقتالادى. اعىلشىن, نەمىس, فرانتسۋز, جاپون, كورەي جانە باسقا دا تىلدەردەگى كى­تاپتارعا تولى. ءبىلىم بەرۋ جۇيە­سى ۇزدىك, وركەنيەت جولىندا. جەر­گىلىكتى ستۋدەنتتەردىڭ كىتاپقا دەگەن قۇمارلىعىنا تاڭعالاسىڭ. كىتاپحانادا تەحنيكانىڭ سوڭعى ۇلگىسى Mac كومپيۋتەرلەرىمەن جۇمىس ىستەپ, 7000-نان استام قىتاي كىتاپتارىنا قول جەتكىزە الاسىز. ارنايى تەرمينالدار ارقىلى كىتاپ قورىنان كەرەكتى اقپاراتىڭىزدى تەز ارادا ءوز ۇيالى تەلەفونىڭىزعا جۇكتەي الاسىز. ستۋدەنتتەرگە ار­نالعان ارنايى سۋ, ءشاي, كوفە ارزان باعامەن ساتىلاتىن اپپارات ورنالاسقان. ءتىپتى, ستۋدەنتتەردىڭ مىنەز-قۇلقىنا قاراي جەكەشەلەنگەن نەمەسە كوپشىلىك وتىراتىن ورىندار قاراستىرىلعان. ءبىر جەردە يتاليادان كەلگەن ستۋدەنتتەر قىتاي ءتىلىنىڭ قىر-سىرىن مەڭگەرىپ, كىتاپتان باس الماي وتىرسا, ەندى ءبىر جەردە كورەيا ستۋدەنتتەرى قىتاي ءتى­لىندە فيلم كورىپ وتىرادى. مەن وقىرمانداردىڭ, جاستاردىڭ كىتاپ وقۋعا دەگەن قۇشتارلىقتارىن العاش رەت كوردىم, – دەدى ف.تولەۋ­باەۆا بىزگە بايلانىس بارىسىندا. – قىزىم ۋنيۆەرسيتەتتىڭ بي­ىلعى ءبىرىنشى سەمەسترىندە «ەڭ ۇزدىك ستۋدەنت» دەگەن ديپلومعا يە بولدى. قىتاي تىلىندە جازىلعان ديپلومىن كورىپ, ۇزاق قارادىم. وزگە ەلدە ءجۇرىپ, ۇزدىك اتانعانى ۇلكەن قۋانىش. قىزىمنىڭ بولا­شاعىنان ءۇمىت كۇتەمىن. وقۋىن ءبىتىرىپ, تۋعان ەلىنە ورالىپ, ەلدىك مۇددە-ماقسات جولىندا ەڭبەك ەتەدى دەپ ويلايمىن. قازىر افريكا, اراب, كولۋمبيا, يتاليا, كورەي ەلدەرىنىڭ ستۋدەنتتەرىمەن تانىسىپ, وزدەرى ءبىر ۇلكەن وتباسى بولىپ كەتكەندەي, – دەيدى اناسى بىزبەن اڭگىمەسىندە. جۋىردا وبلىس اكىمدىگىندە قىتايدىڭ شانسي پروۆينتسيا­سىنان كەلگەن دەلەگاتسيا وكىل­دەرىمەن كەزدەسۋ بولعانى ەسى­مىزگە ءتۇستى. – پاۆلودار وبلىسىمەن ونەر­كاسىپ, بيزنەس, ءبىلىم بەرۋ سالاسىندا بىرلەسكەن جوبالاردى جۇزەگە اسىرۋدى قولعا الامىز, – دەپ ەدى سوندا قىتاي دەلەگاتسياسىنىڭ باسشىسى. ال, وبلىستىق ءبىلىم بەرۋ باس­قارماسىنىڭ باسشىسى باقىت بەكسەيىتوۆانىڭ ايتۋىنشا, وبلىس­تا قىتاي ءتىلىن وقىتاتىن ماماندار جوق كورىنەدى. بىراق, تولەۋباەۆا سەكىلدى جاستار اراسىندا قىتاي تىلىنە دەگەن سۇرانىس تا بار, قىزى­عۋ­شىلىق تا كوپ ەكەن. «ءبىلىمدى قىتايدان بولسىن ىزدەڭدەر» دەگەن. سول ىزدەۋ ۋا­قىتى كەلدى. قازىرگى ءبىزدىڭ جاس­تارىمىزدىڭ مويىندارىندا ۇلكەن جاۋاپكەرشىلىك تۇر. ول – وركەنيەتتى ءبىلىم الىپ, ەلىمىزدىڭ ەڭسەسىن دامىعان 30 ەلدىڭ قاتارىنا قوسۋ. ال, كوپ ءتىل ءبىلۋ ءومىر تالابى. شەتەلدە وقىعان ۇل-قىزدار ەلگە قايتۋى قاجەت. بۇل ودان دا ۇلكەن تالاپ. ارينە, فاريدا سياقتى ءوز ستۋدەنتتەرىمىزدىڭ دە وبلىس ورتالىعىنا قىتاي ءتىلىن ۇيرەتۋشى مامان بولىپ كەلىپ جاتسا, قۇبا-قۇپ. فاريدا بىقاي, «ەگەمەن قازاقستان». پاۆلودار وبلىسى.