شاڭعى مارافونى ريددەردە وتكەن سايىسقا 260 سپورتشى قاتىستى

ريددەر قالاسىندا «نۇر وتان» پارتيا­سىنىڭ قولداۋىمەن ەل تاۋەلسىزدىگىنىڭ 25 جىل­­­دىق مەرەيتويىنا وراي شاڭعى مارافونى ءوتتى. اتالعان جارىسقا بارلىعى 260 جاس سپورتشى قاتىس­تى. ولاردىڭ اراسىندا ريددەرلىكتەردەن بولەك, سەمەي قالاسى مەن زىريان, شەمونايحا, گلۋبوكوە, ءۇرجار, كۇرشىم اۋداندارىنان كەلگەن سپورتشىلار بار. شاڭعىشىلار مارافونىنىڭ ريددەردە ءوتۋى بەكەر ەمەس. مۇندا سپورتتا دارىندى بالالارعا ار­نالعان رەسپۋبليكالىق مەكتەپ-ينتەرنات پەن وبلىستىق بالالار-جاسوسپىرىمدەر سپورت مەك­تەبى ورنالاسقان. وسى مەك­تەپتەردىڭ وقۋشىلارىنىڭ جات­تىعۋىنا قاجەتتى جاعدايدىڭ بار­لىعى بۇ­رىنعى لەنينوگور شي­پاجايىنىڭ اۋماعىندا جا­سالعان. – ەلباسى نۇرسۇلتان نازارباەۆ ءداستۇرلى جولداۋىندا حالىق دەن­ساۋلىعىن قازاقستاننىڭ ستراتەگيالىق ماقساتتارعا جەتۋ جو­لىنداعى ساتتىلىكتەرىنىڭ ءبىر بولشەگى رەتىندە اتاپ كور­سەت­كەن بولاتىن. ياعني, دەنى ساۋ ادام – مەملەكەت بايلىعى. سون­دى­قتان, باسەكەگە قابىلەتتى ۇلت قالىپتاستىرۋ, ازاماتتاردىڭ دەنساۋلىعىن نىعايتۋ ءۇشىن ەلى­مىزدە سپورتتى قولداۋعا زور كو­ڭىل ءبولىنىپ وتىر. 2020 جىلعا قاراي, ەلىمىزدە بۇقارالىق سپورتپەن شۇعىلدانۋشىلار سانى 30 پايىزدى قۇراۋى ءتيىس. وسى ماقساتقا جەتۋ جولىندا بارشا­مىز ءوز ۇلەسىمىزدى قوسۋىمىز قاجەت, – دەدى «نۇر وتان» پارتياسى ريددەر قالالىق فيليالى توراعاسىنىڭ ءبىرىنشى ورىن­باسارى نادەجدا كليموۆا. وقۋشىلار 1200, 1400 جانە 2500 مەترگە جارىس جولىنا شىقتى. 6 جاستان 16 جاسقا دەيىنگى بالالار شاڭعى مارافونىنىڭ ءتۇرلى قاشىقتىقتارىن باعىندىرۋ ءۇشىن جارىستى. ولاردىڭ باسىم بولىگى رەسپۋبليكالىق جانە وب­لىستىق سپورت مەكتەپتەرىنىڭ وقۋ­­شىلارى. جالپى, تاۋەل­سىز­دىگىمىزدى العان شيرەك عا­سىردىڭ ىشىندە ەلىمىزدە قىسقى سپورت تۇرلەرى شەبەرلەرىنىڭ جاڭا بۋىنى قالىپتاستى. اسىرەسە, ريد­دەر مەكتەبىنىڭ تۇلەكتەرى الەك­سەي پولتورانين, اناستاسيا سلو­نوۆا, سۆەتلانا مالاحوۆا, الەك­سەي چەرەپانوۆ, رومان روگو­زين, گالينا ۆيشنەۆسكايا سىندى جو­عارى دەڭگەيدەگى شەبەرلىككە جەتكەن سپورتشىلار كۇللى الەمگە قازاقستاندى تانىتىپ, ەل نامىسىن قورعاپ ءجۇر. مارافون جەڭىمپازدارى رەس­پۋب­ليكالىق جارىستارعا قا­تىسۋعا ارنالعان جولدامالاردى ۇتىپ الدى. دۋمان اناش, «ەگەمەن قازاقستان». شىعىس قازاقستان وبلىسى, ريددەر قالاسى.