ءۇش ۇرپاق توعىسقان دارىگەرلەر اۋلەتى

«باباسى ەككەندى بالاسى ورادى» دەگەن ناقىلدى وبلىس ورتا­لى­عىن­دا تۇراتىن ابدۋلماجيت ايسي­را­حۋ­نوۆتاردىڭ وتباسىنا قاراتا ايتساق, بەك جاراسادى. ءوزى, زايىبى ۆا­لەنتينا شامراي, ۇلدارى رينات پەن رومان, كەلىنى ليۋدميلا ءبارى دە ءتىس دارىگەرلەرى. ءبىر سوزبەن قايىرساق, كۇرمەۋى قيىن مەديتسينا – بۇل اۋلەتكە ورتاق سالا. ولاي دەيتىنىمىز, ءابدۋلماجيتتىڭ اتا-اناسى, اعاسى دا اق حالاتتى ابزال جاندار بولعان. ءۇش ۇرپاققا جالعاسىپ كەلە جات­قان دارىگەرلەر اۋلەتىنىڭ باستاۋىندا ءابدۋلماجيتتىڭ اتا-اناسى تۇر. اكەسى ءماجيت پەن اناسى نازيفا ەلگە بەلگىلى دارىگەرلەر ەدى. اسىرەسە, اناسى جايلى اڭگىمە بولەك. قازاقستان رەسپۋبليكاسىنىڭ ەڭبەك سىڭىرگەن دارىگەرى اتاندى. دەنساۋلىق ساقتاۋ سالاسىندا تاپجىلماستان 60 جىل ءمىنسىز قىزمەت ەتتى. اكەسى تەراپيا سا­لا­­سىنىڭ تاجىريبەلى مامانى-تۇعىن. ومىردەن مەزگىلسىز ءوتىپ, بار اۋىرت­­پالىقتى جان اناسى ارقالادى. نا­زيفا اپايدىڭ ەڭبەكقورلىعى با­لا­­لارىنا دارىعان. ابدۋلماجيت پەن اعاسى راشيد جاستايىنان اتا-انا جو­­­لىن جالعاپ, دارىگەر بولۋدى قالا­دى. ءابدۋلماجيتتىڭ تۋىپ-وسكەن جەرى – الماتى وبلىسى. ۇيعىر ازاماتى اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن 1983 جىلى تامامداعاننان كەيىن الماتى قالاسىنىڭ بەلدى ەمدەۋ مەكەمەلەرىنىڭ بىرىندە جاپ-جاقسى قىزمەت ۇسىنىلادى. بىراق ول ەڭبەك جولىن الاتاۋ بوكتەرىندەگى شاھاردا ەمەس, ەسىلدىڭ جاعالاۋىندا ورىن تەپكەن پەتروپاۆل قالاسىندا باستاۋ­دى ۇيعارادى. سودان بەرى قىرمىزى قىزىلجار جەرىنە ورنىعىپ, سانالى عۇمىرىن مەديتسيناعا ارناپ كەلەدى. قوس جاس مامان وبلىستىق ستوماتولوگيا ەمحاناسىنا جۇمىسقا ورنالاسىپ, سىپايى مىنەزدەرىمەن, ىسكە العىرلىعىمەن ۇجىمنىڭ قۇرمەتىنە بولەندى. 1987 جىلى العاشقىلاردىڭ قاتارىندا جەكەمەنشىك ستوماتولوگيا كابينەتىن اشىپ, قازىر كلينيكاعا اينالدى. وندا ءوزى, زايىبى جانە ەكى ۇلى ەڭبەك ەتەدى. مەكەمە وبلىس ورتالىعىنان شەتكەرىلەۋ قونىستانعان 20-شى شاعىن اۋداندا ورنالاسقان. ستوماتولوگياعا دۇنيەدەن ەرتە وتكەن اسقار تاۋداي اكەسىنىڭ اتىن قويۋ ارقىلى كىشىگىرىم ەسكەرتكىش قويۋدى پەرزەنتتىك پارىز ساناعان. ايسيراحۋنوۆتار اۋلەتى جەكە­مەنشىك ەمدەۋ مەكەمەلەرى ءۇشىن دە باسەكەلەستىككە قابىلەتتىلىك, كاسىبي شەبەرلىك باستى ءۇردىس دەپ ەسەپتەيدى. بۇگىنگى كۇنى جاڭبىردان كەيىن قاۋلاي وسكەن ساڭىراۋقۇلاقتارشا قاپتاپ كەتكەن مەديتسينالىق مەكەمەلەردەن وق بويى وزىق تۇرۋ ءۇشىن ۇنەمى بىلىمدەرىن شىڭداپ, تاجىريبەلەرىن مولايتۋ ۇستىندە. وسى ورايدا ولار ەلباسى نۇرسۇلتان نازارباەۆتىڭ «100 ناقتى قادام» ۇلت جوسپارىندا مەديتسينا سالاسىنا قاتىستى «مەملەكەتتىك مەدي­تسينالىق ۇيىمداردى جەكەشە­لەندىرۋدى ىنتالاندىرۋ, مەملە­كەتتىك ەمەس ۇيىمدار ارقىلى تەگىن مەديتسينالىق كومەكتىڭ كەپىل­دەندىرىلگەن كولەمىن بەرۋدى كەڭەيتۋ» دەگەن تاپسىرماسىمەن تولىقتاي كەلىسەدى. ءابدۋلماجيتتىڭ ويىنشا, باسەكە جوق جەردە العا باسۋ, دامۋ, ىلگەرىلەۋ مۇمكىن ەمەس. دەسە دە, الەۋمەتتىك جاعىنان قورعالماعان ادامدارعا, زەينەتكەرلەر مەن ستۋدەنتتەرگە ستوماتولوگيالىق ەم-دومنىڭ قولجەتىمدى بولعانىن قالاي­تىنىن دا جاسىرمايدى. باقىتجان جولداسقىزى, ۇستاز. سولتۇستىك قازاقستان وبلىسى. –––––––––––– سۋرەتتى تۇسىرگەن امانگەلدى بەكمۇراتوۆ.