جسدپ-نىڭ پارتيالىق ءتىزىمى تىركەلدى

كەشە قازاقستان رەسپۋبليكاسى ورتالىق سايلاۋ كوميس­سيا­سىنىڭ وتىرىسى ءوتتى. وندا جالپىۇلتتىق سوتسيال-دەموكرا­تيالىق پارتيانىڭ پارتيالىق ءتىزىمىن تىركەۋ تۋرالى قاۋلى قابىلداندى. وسك مۇشەلەرىن قۇجات جوباسىمەن ورتالىق سايلاۋ كوميس­سياسىنىڭ حاتشىسى باقىت مەل­دەشوۆ تانىستىرىپ ءوتتى. قاۋلى قابىلدانعان سوڭ, ورتسايلاۋكوم توراعاسى ق.تۇر­عانقۇلوۆ قر وسك-نىڭ وتىرىسىنا قاتىسقان جسدپ رەس­پۋبليكالىق سايلاۋالدى شتا­بى باسشىسىنىڭ ورىنباسارى ا.را­حىمجانوۆقا قازاقستان رەس­پۋبليكاسى پارلامەنتى ءماجى­لىسىنىڭ دەپۋتاتتىعىنا كاندي­دات­تىڭ كۋالىگىن تاپسىردى, سونىمەن قا­تار, جسدپ-دان پارتيالىق ءتىزىم­گە ەنگى­زىلگەن ءماجىلىس دەپۋتات­تى­عى­نا 23 كانديداتتىڭ كۋالىكتەرىن بەردى. 2016 جىلعى 11 اقپانداعى جاع­داي بويىنشا ورتسايلاۋكومعا 6 پارتيالىق ءتىزىم ۇسىنىلعان. «نۇر وتان» پارتياسىنىڭ, «اق جول» قدپ-نىڭ, «اۋىل» حدپپ-نىڭ, قكحپ-نىڭ جانە جسدپ-نىڭ پار­تيالىق تىزىمدەرى تىركەلدى. سونداي-اق, ورتسايلاۋكوم وتى­رىسىندا «2016 جىلعى 20 ناۋ­رىزعا تاعايىندالعان قازاقستان رەسپۋبليكاسى ءماسليحاتتارى دەپۋتاتتارىنىڭ كەزەكتى سايلاۋى بويىنشا داۋىس بەرۋگە ارنالعان سايلاۋ بيۋللەتەندەرىن دايىنداۋ جونىندەگى باسپاحانالاردى ايقىنداۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2016 جىلعى 4 اقپانداعى №10/95 قاۋلىسىنا وزگەرىستەر ەنگىزىلدى, وعان سايكەس الماتى قالاسى, الماتى, اتىراۋ جانە ماڭعىستاۋ وبلىستارى ءۇشىن ءماسليحاتتار دەپۋتاتتارىن سايلاۋ بويىنشا سايلاۋ بيۋللەتەندەرىن دايىنداۋدى «اۆك+» جشس جۇزەگە اسىرادى. ءاليسۇلتان قۇلانباي, «ەگەمەن قازاقستان». سۋرەتتى تۇسىرگەن ەرلان وماروۆ.