ارىپتەستىك ايدىنى كەڭەيە بەرەدى

كەشە قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا بىرىككەن اراب امىرلىكتەرىنىڭ توتەنشە جانە وكىلەتتى ەلشىسى سۋحەيل ماتار ءال-كەتبيمەن ونىڭ ديپلوماتيالىق قىزمەتىنىڭ اياقتالۋىنا وراي كەزدەستى. كەزدەسۋ بارىسىندا قازاق­ستان رەسپۋبليكاسى مەن بىرىككەن اراب امىرلىكتەرى ء(باا) ىنتى­ماق­تاستىعىنىڭ بۇگىنگى جاي-كۇيىنە جانە كەلەشەگىنە قاتىستى كەڭ اۋقىمدى ماسەلەلەر تال­قى­لانىپ, كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماسىلدى. تاراپتار ەكىجاقتى ساۋ­دا-ەكونوميكالىق جانە ينۆەس­تي­تسيالىق بايلانىستاردىڭ قازىر­گى دامۋ قارقىنىنا قا­ناعات- ­­تا­ناتىن­دارىن ءبىلدىردى. ءوت­كەن 10 جىل ىشىندە ءباا-دەن كەل­­گەن ين­ۆەس­تيتسيانىڭ جالپى كولەمى 2 ميل­ليارد دوللار بول­دى. ءباا قازاق­ستانمەن ارا­داعى تاۋار اينالىمى بويىنشا پار­سى شىعاناعىنداعى اراب ەل­دەرى اراسىندا ءبىرىنشى ورىندا تۇر. 2015 جىلعى قاڭتار-قاراشا ارالىعىندا قازاقستان رەسپۋبليكاسى مەن بىرىككەن اراب امىرلىكتەرى اراسىنداعى تاۋار اينالىمى 97 ميلليون دول­لار بولدى. قازاقستاندا تۋريزم, كولىك-ەكسپەديتسيالىق سەرۆيس, تۇتىنۋشىلارعا قىزمەت كور­سەتۋ سالالارىندا ءباا كاپي­تالىنىڭ ۇلەسى بار 50 كاسىپورىن تىركەلگەن. مەملەكەتتىك حاتشى بىرىككەن اراب امىرلىكتەرى قازاقستاننىڭ اراب الەمىندەگى جانە پارسى شىعاناعى ايماعىنداعى نەگىزگى سەرىكتەسى ەكەنىن اتاپ وتە كەلىپ, بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلىگىنە قازاقستاننىڭ كانديداتۋراسىن جانە ەلىمىزدىڭ يسلام ازىق-ت ۇلىك قاۋىپسىزدىگى ۇيىمىن قۇرۋ جونىندەگى باستاماسىن قولداعانى ءۇشىن, سونداي-اق, ءباا ۇكىمەتىنىڭ استاناداعى ەكسپو-2017 كورمەسىنە قاتىساتىنىن راستاعانىنا ريزا­شى­لىعىن ءبىلدىردى. گ.ابدىقالىقوۆا ءباا الداعى ۋاقىتتا دا قازاقستاندا ءىرى ينۆەس­تور بولىپ قالا بەرەتىنىن ايتتى. استاناداعى قۇنى 1,6 ميلليارد دوللاردى قۇرايتىن «ءابۋ دابي پلازا» كوپ فۋنكتسيالى كەشەنىنىڭ قۇرىلىسى, تمد جانە قازاقستان اۋماعىندا قىزمەتىن باستاعان, كاپيتالى 176 ميلليون دوللار بولاتىن «Al Hilal» يسلام بانكى, «Falah Growth Fund» بىرىككەن ينۆەستيتسيالىق قورى – ەكى ەل ىنتىماقتاستىعىنىڭ جارقىن كورىنىسى, دەدى ول. مەملەكەتتىك حاتشى قازاق­ستان­- دا ەكسپو-2017 كورمەسى اۋما­عىندا «استانا» حالىقارالىق قارجى ورتالىعى قۇرىلعانىن, ول دۋ­بايدىڭ حالىقارالىق قارجى ورتا­لىعىمەن تاجىريبە الماساتىنىن ايتتى. «استانا» حقو قا­زاق­ستاننىڭ قارجى ينفراقۇرى­لىمىنىڭ وزەگىنە, بۇكىل ورتالىق ازيا ءوڭىرىنىڭ ءىرى ىسكەرلىك حابىنا اينالۋعا ءتيىس, دەدى گۇلشارا ناۋشاقىزى. مەملەكەتتىك حاتشى كەزدەسۋ سوڭىندا بىرىككەن اراب امىرلىكتەرىنىڭ ەلشىسى سۋحەيل ماتار ءال-كەتبيگە زور دەنساۋلىق, جاڭا قىزمەتىندە تابىس تىلەدى. جاقسىباي سامرات, «ەگەمەن قازاقستان».