ءۇندى اندەرىن ۇزىلە ايتقان

قايىرشى ناپاقاسىن ادال ايىرىپ ءجۇر «باسقا تۇسسە – باسپاق­شىل» دەگەن, تەمىرتاۋلىق ءۇي­سىز-كۇي­سىز قاڭعىباس قالا­داعى «پاس­ساج» دەپ اتالاتىن سۋپەر­ماركەتتىڭ الدىنداعى الاڭ­­قايدا قۇدايدىڭ قۇتتى كۇنى «كونتسەرت» قويا­دى. ءسويتىپ, تيىن-تەبەن تاۋ­ىپ, كۇنىن كورىپ ءجۇر. تە­مىر­تاۋلىق «تالانت­تىڭ» ءۇن­دى اندەرىن شىرقاۋمەن اتا­عى شىعا باستاعان. ەرىك­­كەن جۇرتقا كەرەگى دە وسى – كۇن­­نەن-كۇنگە الگى «ءان­شى­نىڭ» تىڭدارماندارى دا كوبەيىپ كەلەدى. ءتىپتى, ولار قاڭعىباستىڭ ۇندىلىك حيت اندەردى بەرىلە ورىنداپ تۇر­عانىن ۇيالى تەلەفوننىڭ كامەراسىنا ءتۇسىرىپ, الەۋمەتتىك جەلىگە سالىپ تا قويىپتى. قازىرگى تاڭدا مۇنداي ونەر­­­پازدى ىزدەسەڭ, ەلىمىزدىڭ ءار قالا­سىنان تابۋعا بولادى. مىسالى, وسكەمەندە ۇيىنەن ايىرىلىپ قالعان قاڭعىباس سۋرەتشى ونەرىمەن قۋ تاماعىن اسىرايدى. ول بايعۇس سامسا ءۇشىن كەز كەلگەن ادامعا قولما-قول سۋرەت سالىپ بەرەدى ەكەن. ونى قالا تۇر­عىندارىنىڭ كوبى تانيتىن كورىنەدى. تۇرلاۋى جوق تىرلىكتىڭ بايان­­سىز «جۇلدىزدارى» كو­بەيىپ بارا ما, قالاي ءوزى؟ الاڭ­داتارلىق جايت... قايرات ءابىلدينوۆ, «ەگەمەن قازاقستان». قاراعاندى.