كەزەكتى پارتيالىق ءتىزىم

قازاقستان رەسپۋبليكاسى ورتالىق سايلاۋ كو­ميس­سياسىنىڭ كەشە وتكەن وتىرىسىندا قازاقستان كوم­مۋنيستىك حالىق پارتياسىنىڭ ءماجىلىس سايلاۋىنا قاتى­ساتىن پارتيالىق ءتىزىمى تىركەلدى. «سىزدەردىڭ نازارلارىڭىزعا قازاقستان كوممۋنيستىك حالىق پارتياسىنىڭ پارتيالىق ءتىزىمىن تىركەۋ تۋرالى قاۋلى جوباسى ۇسىنىلىپ وتىر. قاۋلى بو­يىنشا قازاقستان كوممۋنيستىك حالىق پارتياسىنىڭ پارتيالىق ءتىزىمى تىركەلەدى. ءتىزىم بويىنشا تىركەلگەن قر پارلامەنتى ءماجىلىسىنىڭ دەپۋتاتتىعىنا كانديداتتارعا كۋالىك بەرىلەدى», – دەدى قاۋلى جوباسىن تانىستىرعان وسك حاتشىسى باقىت مەلدەشوۆ. كوميسسيا حاتشىسىنىڭ ايتۋىنشا, پارتيالىق تىزىمگە ەنگى­زىلگەن ازاماتتاردىڭ ەلىمىزدىڭ «سايلاۋ تۋرالى» زاڭناماسىنا سايكەستىگى ىشكى ىستەر مينيسترلىگى مەن باس پروكۋراتۋراسى ارقىلى تەكسەرىلگەن. اتالعان ۆەدومستۆولار بەرگەن اقپاراتتارعا قاراعاندا, پارتيالىق تىزىمدەگى ازاماتتاردىڭ بارلىعىنىڭ دا زاڭعا سايكەستىگى انىقتالدى. كانديداتتاردىڭ جانە ولاردىڭ جۇبايلارىنىڭ تابىسى جانە مۇلكى تۋرالى دەكلاراتسيا­لارى سالىق ورگاندارىنىڭ انىق­تامالارىمەن راستالدى. «پارتيالىق ءتىزىمدى تىركەۋ تۋرالى قاۋلى بۇقارالىق اقپارات قۇرالدارىندا جاريالانادى. قازاقستان كوممۋنيستىك حالىق پارتياسىنىڭ اتاۋى سايلاۋ بيۋللەتەنىنە ەنگىزىلەدى», دەدى كوميسسيا حاتشىسى. وسى­دان كەيىن ورتالىق ساي­لاۋ كو­ميس­سياسىنىڭ مۇشە­لەرى قاۋلىنى ءبىراۋىزدان قابىلدادى. اتاپ وتەيىك, 8 اقپان­داعى جاعداي بويىنشا ورت­ساي­لاۋ­كومعا التى پارتيالىق ءتىزىم ۇسىنىلدى. ولاردىڭ ىشىندە «نۇر وتان» پارتياسىنىڭ, «اق جول» قدپ-نىڭ, «اۋىل» حدپپ-نىڭ جانە قكحپ-نىڭ پارتيالىق تىزىمدەرى تىركەلدى. ءاليسۇلتان قۇلانباي, «ەگەمەن قازاقستان».