باسەكە دوداسى باستالدى

قازاقستاندا تاعى ءبىر ۇلكەن ساياسي ناۋقان باس­تال­دى. ماجىلىستەگى 107 ورىن ءۇشىن ساياسي پارتيالار باسە­كەنى باستاپ كەتتى. ال جەرگى­لىكتى ماسليحاتتارعا ءۇمىت­كەر­لەر تىركەلىپ جاتىر. قىزىلوردا وبلىسىنداعى دودانى ەڭ ءبىرىنشى بولىپ «قىزىلوردا تازالىق» جشس-ءنىڭ ديرەكتورى تالعات قۇلماعانبەتوۆ باستادى. ول كەشە №12 «ورتالىق» سايلاۋ وكرۋگىنەن قالالىق ماسليحاتقا ۇمىتكەر رەتىندە تىركەلدى. ءۇمىت­كەردى تىركەۋ ءراسىمى بىرنەشە مي­نۋتقا عانا سوزىلدى. سايلاۋ وك­رۋگىندەگى جۇمىستىڭ جۇيەلى ءارى ءوز زاڭدىلىقتارىن ساقتاپ جۇمىس ىستەپ جاتقانىن وسىدان-اق كورۋگە بولادى. مۇنان سوڭ ءماسليحات دەپۋتاتتىعىنا كانديدات جۋرناليس­تەرمەن سۇحباتتاستى. – سوڭعى جىلدارى قىزىلوردا وبلىسى قارقىندى دامۋ جولىنا ءتۇستى. الەۋمەتتىك-ەكونو­مي­كالىق دامۋ كورسەتكىشى بويىن­شا ەلىمىزدىڭ ماڭدايالدى اي­ماقتارىنىڭ بىرىنە اينالدى. سونىڭ ىشىندە ءوزىم باسشىلىق ەتىپ وتىرعان «قىزىلوردا تا­زا­لىق» مەكەمەسىنىڭ دە ءبىراز جەتىستىكتەرگە جەتكەنىن ايتقان ابزال. اتاپ ايتار بولساق, مەكەمەنى زاماناۋي تەحنولوگيالىق قۇرال-جابدىقتارمەن تولىقتىردىق. وسىنىڭ ارقاسىندا قالاداعى جاياۋ جۇرگىنشىلەر جولىن, ساياباقتار مەن كوشەلەردى تازا ۇستايتىن جاعدايعا جەتتىك. ال بۇرىن مۇنداي جۇمىستاردىڭ بار­لىعىن ادامدار قولمەن اتقا­راتىن ەدى,– دەيدى ول. ۇمىتكەر ايماقتىڭ ەكولو­گيا­لىق احۋالىنا باسا نازار اۋداراتىنىن ايتادى. قىزىلوردا قالاسىن كوركەيتۋ, كوگالداندىرۋ, جاسىل جەلەككە اينالدىرۋ با­عى­تىندا ارنايى باعدارلاما دا تۇزگەن. سونىمەن قاتار, ەلباسى «نۇر وتان» پارتياسىنىڭ XVII سەزدىندە پارتيانىڭ سايلاۋالدى باعدارلاماسىن ايقىنداپ بەرگەنىن, سول بويىنشا اۋقىمدى جۇمىس اتقارۋعا بەل شەشە كىرى­سەتىنىن ءمالىم ەتتى. ونىڭ ىشىندە حا­لىقتى الەۋمەتتىك جاعىنان قام­سىزداندىرۋ ماسەلەسىن نە­گىزگى باعىتتارىنىڭ ءبىرى رەتىن­دە قاراستىرىپ وتىر. حالىق­تىڭ قولداۋىنا يە بولىپ, ءماس­لي­حات دەپۋتاتى بولىپ ساي­لان­عان جاعدايدا الەۋمەتتىك ماسەلەلەردىڭ ورىندالۋى مەن مەم­لەكەت تاراپىنان جۇرتقا جاسا­لىپ جاتقان كومەكتىڭ ءوز دارە­­جە­سىندە جەتۋىن نازاردا ۇستا­ماق. اسىرەسە, از قامتىلعان وتباسىلار مەن ۇلى وتان سوعىسىنىڭ اردا­گەرلەرىنە جاسالاتىن قام­قورلىقتى كوبەيتۋگە كۇش سالماق. قالالىق ءماسليحاتتىڭ دەپۋتاتى بولۋعا تاعى ءبىر ءۇمىت­كەر تىركەلدى. ول – «اقيقات نۇرى» قوعامدىق بىرلەستىگىنىڭ توراعا­سى ماراتبەك نۇرجانوۆ. ۇمىتكەر №14 «شۇعىلا» سايلاۋ وكرۋگى­نەن ساياسي دوداعا تۇسپەك. مارات­بەك نۇرجانوۆ سايلاۋالدى باع­دار­لاماسىندا ۇلتتىق قۇندى­لىقتاردىڭ ساقتالۋى, مادەني مۇرامىزدىڭ ناسيحاتتالۋى سەكىل­دى, تاعى دا باسقا ماسەلەلەردى قام­تىعانىن ايتادى. ەرجان بايتىلەس, «ەگەمەن قازاقستان». قىزىلوردا.