لوندون تورىندەگى «جارىلىس»

دجەكي چان تۇسىرگەن فيلم كورىنىسى بولىپ شىقتى كەشە ايدىڭ-كۇننىڭ اما­نىن­دا لوندوننىڭ تورىندە ورىن العان كۇشتى جارىلىس باس­تاپقىدا بريتانيا استاناسى تۇرعىندارىنىڭ ۇرەيلەرىن ۇشىرىپ جىبەردى. وقىس وقيعا تەم­زا وزەنىندەگى كوپىرلەردىڭ ءبىرى­نىڭ ۇستىندە جاسالدى. سول جەردە رەيستەگى ءبىر اۆتوبۋستىڭ ك ۇلى كوككە ۇشتى. بىراق, «باقسام – باقا ەكەن» دەگەندەي, مۇنداي «تەررورلىق شابۋىلدى» جاساپ جۇرگەن شىن لاڭكەستەر ەمەس, باستى رولىندە بەلگىلى اكتەر دجەكي چان وينايتىن شىم-شىتىرىق وقيعالى جاڭا ءفيلمدى قويۋشىلار ەكەن. كارتينانىڭ جەلىسى بويىنشا ەكى قاباتتى قىزىل اۆتوبۋس كوپىردىڭ ۇستىنە كەلگەندە «جارىلىپ» كەتەدى. اتالمىش «تەراكت» امەريكانىڭ تەگى قىتايلىق بەلگىلى اكتەردىڭ تاپسىرىسىمەن جاسالعان بولىپ شىقتى. لەنتا «شەتەلدىك» دەپ اتالادى. كينو كورەرمەندەرىنە تۇسكەن فيلمدەرىندەگى تريۋكتەردىڭ ءبارىن كاسكادەردىڭ قاتىسۋىنسىز ءوزى جاساپ شىعاتىنىمەن تانىمال بولعان دجەكي چان مۇندا دا ارنايى ەففەكت بەرۋدى ءوز موينىنا الىپتى. جاڭادان ءتۇسىرىلىپ جاتقان كارتينا ستيۆەن لەزەردىڭ 1992 جىلى جارىققا شىققان «قىتايلىق» دەگەن رومانىنىڭ ەكرانعا دايىندالۋى بولىپ تابىلادى. بۇل جولى ميستەر چان ءوزىنىڭ ادەتتەگى كومەديالىق اكتەر دەگەن امپلۋاسىن وزگەرتەدى. سەبەبى, ءتۇسىرىلىپ جاتقان ءفيلمنىڭ ءوزى ەكشن-تريل­لەر بولماق. ال كارتينانىڭ تۇساۋكەسەرى قاشان وتەتىنى ازىرگە بەلگىسىز. ونى ءتۇسىرۋ 2015 جىلعى قازان ايىندا باستالىپتى. مۇرات ايتقوجا.