ۇيلەسىمدى ءىس-قيمىل كەزەڭى

ەلباسى نۇرسۇلتان نازارباەۆ ەنەرگەتيكا ءمينيسترى ۆلاديمير شكولنيكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ۆ.شكول­نيك مەملەكەت باسشىسىنا مۇناي-گاز سەكتورىنداعى جانە ەلەكتر ەنەر­گە­تيكاسى, قورشاعان ورتانى قورعاۋ, اتوم سالالارىنداعى احۋال مەن مينيسترلىكتىڭ باسقا دا باعىت­تاعى جۇمىستارى تۋرالى باياندادى. سونداي-اق, كومىرسۋتەگى شي­كى­زاتى باعاسىنىڭ تومەندىگىنە بايلانىستى تۋىنداعان داعدارىستى ەڭسەرۋ جونىندە مينيسترلىك پەن ۇكىمەت قابىلداپ جاتقان شارالار دا قاراستىرىلدى. مەملەكەت باسشىسى ەنەرگەتيكا سالاسىنداعى بارلىق پەرسپەكتيۆالى جوبالاردى, سونىڭ ىشىندە قاشاعان كەنىشىن ىسكە قوسۋ, تەڭىز كەنىشىن كەڭەيتۋ, قاراشىعاناق كەنىشىن كەڭەيتۋدىڭ ەكىنشى كەزەڭى سياقتى جوبالاردى جۇزەگە اسىرۋ قاجەتتىگىنە نازار اۋداردى. ەنەرگەتيكا ءمينيسترى مۇناي ءوندىرىسىن 77 ملن. تونناعا دەيىن تومەندەتۋ جونىندە بيىلعى جىلعا قاراستىرىلىپ وتىرعان كولەمدى كەيىن قاشاعان كەنىشىن ىسكە قوسۋ ەسەبىنەن تولتىرۋ جوسپارلانىپ وتىرعانىن مالىمدەدى. – مۇناي باعاسىنىڭ تومەندىگى بارلىق كومپانيالاردى ءوز بيۋد­جەتىن قىسقارتۋ ماقساتىمەن قايتا قاراۋعا, ءونىمنىڭ وزىندىك قۇنىن ازايتۋمەن اينالىسۋعا ماجبۇرلەدى. الەمنىڭ بارلىق ەلىندەگى سياقتى, ۇنەمدەۋ رەجىمى ەنگىزىلدى, بىراق ەلدىڭ مۇناي-گاز سەكتورىنداعى جۇمىسشىلاردى بوساتۋعا جول بەرىلگەن جوق, – دەدى ۆ.شكولنيك. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. سۋرەتتەردى تۇسىرگەندەر س.بوندارەنكو, ب.وتارباەۆ.