قوس پارتيا

ورتالىق سايلاۋ كوميسسياسىنا  ءوز تىزىمدەرىن ۇسىندى كەشە «اۋىل» حالىقتىق-دەموكراتيالىق پاتريوتتىق پارتياسى قر ورتالىق سايلاۋ كوميسسياسىنا پارتيالىق ءتىزىمىن تىركەۋگە ۇسىندى. پارتيا پارتيالىق ءتىزىمدى تىركەۋ ءۇشىن ورتالىق سايلاۋ كوميسسياسىنا سايلاۋ زاڭناماسىنا سايكەس ساياسي پارتيانىڭ قازاقستان رەسپۋبليكاسى ادىلەت مينيسترلىگىندە تىركەلگەنى تۋرالى قۇجاتتىڭ كوشىرمەسىمەن قوسا, «اۋىل» حالىقتىق-دەموكراتيالىق پاتريوتتىق پارتياسىنىڭ پارتيالىق ءتىزىمدى ۇسىنۋ تۋرالى كەزەكتەن تىس XII سەزىنىڭ حاتتاماسىنان ءۇزىندى كوشىرمە, پارتيالىق تىزىمگە ەنگىزىلگەن ازاماتتاردىڭ تىزىمگە ەنگىزۋگە كەلىسىمى تۋرالى وتىنىشتەرى, پارتيالىق تىزىمگە ەنگىزىلگەن ءاربىر ادامنىڭ ومىرباياندىق دەرەكتەرى, سالىق ورگانىنىڭ پارتيالىق تىزىمگە ەنگىزىلگەن كانديداتتاردىڭ جانە ولاردىڭ جۇبايلارىنىڭ تابىسى مەن مۇلكى تۋرالى دەكلاراتسيا تاپسىرعانى تۋرالى انىقتامالارى, ساياسي پارتيانىڭ سايلاۋ جارناسىن ەنگىزگەنىن راستايتىن قۇجات, پارتيالىق تىزىمگە ەنگىزىلگەن ادامداردىڭ «اۋىل» حالىقتىق-دەموكراتيالىق پاتريوتتىق پارتياسىندا مۇشەلىگىن راستايتىن قۇجاتتاردى تاپسىردى. «كەشە, 1 اقپان كۇنى «اۋىل» حا­لىقتىق-دەموكراتيالىق پات­ريوت­تىق پارتياسى ءوزىنىڭ كەزەكتەن تىس ءحىى سەزىن وتكىزدى. سول القا­لى جيىن­دا ءبىز پارتيامىزدىڭ سايلاۋ­عا قا­تىس­ا­تىندىعىن شەشىپ, كاندي­داتتاردىڭ ءتىزى­مىن بەكىتتىك. ال بۇگىن سايلاۋ ەرەجەسىنە سايكەس «اۋىل» حالىقتىق-دەمو­كراتيالىق پاتريوتتىق پارتياسى اتىنان پارلامەنت ءماجىلىسى دەپۋتاتتىعىنا كانديداتتاردىڭ پارتيالىق ءتىزىمى مەن بارلىق قۇ­جاتتارىن ورتالىق سايلاۋ كوميسسيا­سىنا تاپسىردىق», – دەدى «اۋىل» پارتياسىنىڭ حاتشىسى ءبورىباي جەكسەنبين باق وكىلدەرىنە بەرگەن سۇحباتىندا. پارتيا حاتشىسىنىڭ حاباردار ەتۋىنشە, پارتيالىق تىزىمدە 19 ادام بار. ولاردىڭ ىشىندە سەگىز كانديداتتىڭ عىلىمي دارەجەسى بار. بەسەۋى عىلىم دوكتورى, ۇشەۋى عىلىم كانديداتى. ءبىر كانديدات – قازاقستان رەسپۋبليكاسى مەملەكەتتىك سىيلىعىنىڭ لاۋرەاتى. پارتيالىق تىزىمگە ءتورت ۇلتتىڭ – قازاق, ورىس, ۋكراين جانە ينگۋش ۇلتىنىڭ وكىلدەرى ەنگەن. «سونىمەن بىرگە, كانديداتتار قاتارىندا تاجىريبەلى, وندىرىستە جۇمىس ىستەگەن, بيزنەستە ەڭبەك جولىن جالعاستىرعان, اۋدان, اۋىل اكىمدىكتەرىندە قىزمەت اتقارعان ازاماتتار بار. قوعام قايراتكەرلەرى دە پارتيالىق تىزىمگە ەنىپ وتىر», – دەدى پارتيا حاتشىسى. * * * كەشە ورتالىق سايلاۋ كوميسسياسىنا قازاقستان كوممۋنيستىك حالىق پارتياسى دا ءماجىلىس دەپۋ­تات­­تىعىنا كانديداتتاردىڭ پار­تيا­لىق ءتىزىمىن تىركەۋگە تاپسىردى. «بۇگىن قازاقستان كوممۋنيستىك حالىق پارتياسىنىڭ كەزەكتەن تىس ح سەزى ءوتتى. وندا سايلاۋعا قاتىسۋ ماسە­لەسى قارا­لىپ, ءبىراۋىزدان ماقۇل­داندى. 22 كوممۋ­نيست پارتيالىق تىزىمگە كىرىپ وتىر. قازىر ءبىز ورتالىق سايلاۋ كوميسسياسى­نا پارتيالىق ءتىزىمىمىز بەن قاجەتتى قۇجات­تارىمىزدى تاپسىرىپ شىقتىق», – دەدى پارتيانىڭ حاتشىسى تۇرعىن سىزدىقوۆ. ونىڭ اتاپ وتۋىنشە, پارتيا ور­تا­لىق سايلاۋ كوميسسياسىنا سايلاۋ زاڭ­ناماسىندا كورسەتىلگەن قۇجاتتاردىڭ بارلىعىن ۇسىنعان. ەندى ءتيىستى زاڭناماعا سايكەس قازاقستان كوممۋنيستىك حالىق پارتياسى وتكەن سايلاۋدا داۋىس بەرۋگە قاتىسقان سايلاۋشىلاردىڭ جالپى سانىنىڭ جەتى پايىزدان ارتىق داۋىسىن العاندىقتان, سايلاۋ جارناسىن تولەۋدەن بوساتىلادى. ءاليسۇلتان قۇلانباي, «ەگەمەن قازاقستان».