سايلاۋالدى ناۋقان باستالىپ كەتتى

وڭتۇستىكتە «نۇر وتان» پارتياسىنىڭ سايلاۋالدى شتابى اشىلىپ, جەتەكشىسى بولىپ پارتيانىڭ وقو فيليالى توراعاسىنىڭ ءبىرىنشى ورىنباسارى بەرىك وسپانوۆ تاعايىندالدى. بۇقارالىق اقپارات قۇرالدارى وكىل­دەرىمەن وتكەن بريفينگتە بەرىك سەرىك ۇلى پارتيانىڭ كەزەكتەن تىس XVII سەزىندە پارلامەنت ءماجىلىسىنىڭ دەپۋتاتتارىنا ارنالعان پارتيالىق ءتىزىم بەكىتىلىپ, جاڭا سايلاۋالدى باعدارلامانىڭ قابىل­دانعانىن تاعى دا ەسكە سالدى. – «نۇر وتان» پارتياسى بيلىكتەگى باسىمدىققا يە جانە جاۋاپكەرشىلىگى مول ساياسي كۇش رەتىندە ءوزىنىڭ سايلاۋالدى باعدارلاماسىندا جاڭا ۇدەرىستەرگە جاۋاپ بەرەتىن جانە بىرلىك, تۇراقتىلىق پەن جاسامپازدىقتى قامتاماسىز ەتۋگە باعىتتالعان, ەلباسى انىقتاپ بەرگەن مەملەكەتتىك مىندەتتەردى جۇزەگە اسىرۋ جونىندەگى العا قويىلعان ماقساتتارعا قول جەتكىزۋ ءۇشىن ناقتى مەجەلەردى بەلگىلەدى. بۇگىنگى تاڭدا پارتيادا ءتۇر­لى الەۋمەتتىك توپتارعا جاتاتىن تۇر­عىندارمەن ناقتى ءىس-قيمىل جوسپارى ازىرلەنىپ, شتابتىڭ كۇنتىزبەلىك جوسپارى بەكىتىلدى, – دەدى ول. وبلىستىق سايلاۋالدى شتابىندا 62 مۇشە بار. ال اۋداندىق, قالالىق شتابتارعا 355 ازامات كىرىپ, سايلاۋ ۋچاسكەلەرىندە 3222 سەنىمدى وكىل جۇمىس جاساي باستادى. شتابتا ۇگىت-ناسيحات كەزىندە وتكىزىلەتىن بارلىق شارالاردى اقپاراتپەن قامتاماسىز ەتۋ ءۇشىن ءباسپاسوز ورتالىعى جۇمىس ىستەيتىن بولادى. شتاب جۇمىسىنىڭ نەگىزگى ماقساتى – پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىندا ايقىن جەڭىسكە قول جەتكىزۋ. باقتيار تايجان, «ەگەمەن قازاقستان». وڭتۇستىك قازاقستان وبلىسى.