فورۋم تاقىرىبى – تاۋەلسىزدىك

تاياۋدا قازگزۋ گۋمانيتارلىق زاڭ كوللەدجى نەگىزىندە استانا قا­لا­سى مەكتەپتەرى مەن كاسىپتىك-تەحني­كا­لىق وقۋ ورىندارىنىڭ تاريح, الەۋ­مەتتىك-ەكونوميكالىق جانە قۇقىق­تىق پاندەر وقىتۋشىلارىنىڭ تاۋەل­سىزدىكتىڭ 25 جىلدىعىنا ارنالعان «قازاقستان رەسپۋبليكاسى: تاريحي دامۋ تاجىريبەسى جانە تاعىلىمى» اتتى ءىى قالالىق فورۋمى ءوتتى. فورۋمدى وتكىزۋ ماقساتى جوعارى وقۋ ورىندارى, كوللەدج جانە مەكتەپ وقىتۋشىلارىنىڭ عىلىمي-زەرتتەۋ مۇمكىندىكتەرىن كەڭەيتۋ جانە قازاقستان رەسپۋبليكاسىنىڭ قالىپتاسۋى مەن دامۋىنىڭ كەزەڭدەرى جايلى بىلىمدەرىن ارتتىرۋ, سونىمەن قاتار, ءبىلىم بەرۋ مەكەمەلەرىندە تاريح, الەۋمەتتىك-ەكونوميكالىق جانە قۇقىقتىق پاندەردى وقىتۋدا ساباقتاستىق تاجىريبەسىمەن الماسۋ بولىپ تابىلادى. فورۋم شەڭبەرىندە «جاساي بەر, تاۋەلسىز قازاقستان!» تاقىرىبىندا عىلىمي ادەبيەتتەر كورمەسى ۇيىمداستىرىلدى. فورۋمدا ەل تاۋەلسىزدىگىنىڭ 25 جىلدىعىنا وراي مەكتەپ وقۋشىلارى مەن كوللەدج ستۋدەنتتەرى اراسىندا وتكىزىلگەن شىعارماشىلىق ەسسە جانە اۆتورلىق ولەڭ سايىسىنىڭ جەڭىمپازدارىن ماراپاتتاۋ ءراسىمى ءوتتى. ەسسە جازۋ بويىنشا ءبىرىنشى ورىندى «باسقارۋ» كوللەدجىنىڭ ستۋدەنتى و.ميروۆ يەلەندى. ەكىنشى ورىن № 19 ورتا مەكتەپ وقۋشىسى ك.جاماريانعا جانە پوليتەحنيكالىق كوللەدج ستۋدەنتى ۆ.پوۆىشەۆاعا بەرىلدى. ال ءۇشىنشى ورىندى كاسىپتىك-تەحنيكالىق كوللەدج ستۋدەنتى ا.ۆولوسەۆيچ پەن «تۇران» كوللەدجىنىڭ ستۋدەنتى ا.اليپوۆا ءوزارا ءبولىستى. اۆتورلىق ولەڭ سايىسىنىڭ قورىتىندىلارى بويىنشا ءبىرىنشى ورىندى «دانالىق» كوللەدجىنىڭ ستۋ­دەنتى ز.ىبىراشەۆا يەلەندى. ەكىنشى ورىن­دى قازگزۋ گۋمانيتارلىق زاڭ كوللەد­جىنىڭ ستۋدەنتى ا.بەلياكوۆا الدى, ال ءۇشىنشى ورىندى № 48 مەكتەپ-ليتسەيى­نىڭ وقۋشىسى گ.ناعاشىبەك يەلەندى. «ەڭ جاس قاتىسۋشى» نوميناتسيا­سى № 4 مەكتەپ-گيمنازياسىنىڭ 2ۆ سى­نىپ وقۋشىسى بولاتبەك بەكنۇرعا بەرىلدى. بارلىق جەڭىمپازدار قازاقستان رەس­پۋبليكاسى ۇلتتىق مۇراجايىنىڭ ءجا­نە «اتامەكەن» قازاقستان كارتاسى» ەتنو­مەموريالدىق كەشەنىنىڭ ابونە­مەنت­تەرىمەن جانە سىيلىقتارمەن ماراپاتتالدى. فورۋمنىڭ سوڭىندا تاريحي سانانى قالىپتاستىرۋ ماسەلەلەرى تالقىلانىپ, ۇسىنىستار قابىلداندى. «ەگەمەن-اقپارات».