باۋىر اۋىستىرۋ وتاسى ءساتتى جاسالدى
وتكەن جىلى كۇزدە قر ۇلتتىق مەديتسينا ورتالىعى جانىنداعى رەسپۋبليكالىق ترانسپلانتولوگيا ورتالىعىنىڭ باسشىسى, اكادەميك, مەديتسينا عىلىمدارىنىڭ دوكتورى جاقسىلىق دوسقاليەۆ وبلىستىق كلينيكالىق اۋرۋحانا بازاسىندا بۇيرەك اۋىستىرۋ وپەراتسياسىن جاساپ, باق وكىلدەرىمەن بولعان بريفينگتە 2016 جىلى مۇندا باۋىر اۋىستىرۋ وتاسى جاسالاتىنىن ايتقان بولاتىن. مىنە, بۇل ءسات تە جەتتى.
باتىس ايماعىندا العاش رەت اقتوبەدە باۋىر اۋىستىرۋ وپەراتسياسى جاسالدى. وڭتۇستىك كورەيانىڭ سەۋل ۇلتتىق ۋنيۆەرسيتەتىنەن كەلگەن كۆانگ ۆۋنگ لي جانە اكادەميك جاقسىلىق دوسقاليەۆ باستاعان اقتوبەلىك بىلىكتى حيرۋرگتەر 38 جاستاعى ايەلدىڭ باۋىرىن اۋىستىردى. وپەراتسيا 7 ساعاتقا سوزىلدى. ناۋقاستاردىڭ جاعدايى جاقسى. بۇل تۋرالى وبلىستىق اۋرۋحانادا وتكەن ءباسپاسوز ءماسليحاتىندا حاباردار ەتىلدى.
باۋىر اۋىستىرۋ وتاسى بۇعان دەيىن استانا, الماتى جانە شىمكەنت قالالارىندا جاسالىپ كەلگەن ەكەن. ستۋدەنتتەر مەن دارىگەرلەر باۋىر اۋىستىرۋ ءساتىن ءماجىلىس زالىنداعى ەكراننان كوردى.
دەرتى دەندەگەن ايەل بۇعان دەيىن ءدارى-دارمەكتىڭ كۇشىمەن ءومىر كەشكەن. وعان تۋعان ءىنىسى باۋىرىن بەرۋگە كەلىسكەننەن كەيىن سەۋل ۋنيۆەرسيتەتىنىڭ دارىگەرلەرىمەن بىرلەسە وتىرىپ, اپالى-ءىنىلى ەكەۋىنە مەديتسينالىق تەكسەرۋ جۇرگىزىلگەن. بازىلبەك جاقيەۆ, ابىلعازى ءجانادىل, مۇرات جايقانوۆ سىندى اقتوبەلىك دارىگەرلەر مەن مەدبيكەلەر سول ەلگە بارىپ تاجىريبەدەن ءوتىپ كەلگەن. قازىر ەكى ادامنىڭ دا جاعدايى قالىپتى. وڭتۇستىك كورەيادان كەلگەن پروفەسسور كۆانگ ۆۋنگ ءليدىڭ ايتۋىنشا, باۋىرى الماستىرىلعان ايەل ءالى دە ءۇش اپتاداي اۋرۋحانادا جاتادى. ال تۋعان اپكەسىنە باۋىرىنىڭ 70 پايىزىن بەرگەن جىگىت ءبارى ءساتتى بولسا, 10 كۇننەن سوڭ ۇيىنە ورالادى. دارىگەرلەردىڭ كەڭەستەرىن مۇلتىكسىز ورىنداپ, كۇتىنىپ جۇرسە, ونىڭ اعزاسى الداعى 6 ايدىڭ ىشىندە تولىقتاي قالپىنا كەلەدى.
وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ مالىمدەۋىنشە, بولاشاقتا وبلىستا ترانسپلانتولوگيالىق ورتالىق اشىلادى دەپ كۇتىلۋدە. سوڭعى ەكى جىلدا بۇل ماقساتقا 250 ميلليون تەڭگە ءبولىنىپ, كۇردەلى وپەراتسيالارعا قاجەتتى قوندىرعىلار ساتىپ الىنىپ, دارىگەرلەر بىلىكتىلىگىن جەتىلدىرگەن. وسى كەزگە دەيىن جاسالعان جەتى بۇيرەك اۋىستىرۋ وتاسى ءساتتى وتكەن.
بۇدان بىلاي اقتوبەلىك دارىگەرلەر باۋىر اۋىستىرۋ وپەراتسياسىن وزدەرى جاسايدى. بيىل وسىنداي 5 وتا جاساۋ كوزدەلۋدە. دەرەككوزدەرىنەن ءمالىم بولعانىنداي, جالپى وبلىستا 128 ادام بۇيرەك, ال 60 ادام باۋىر اۋىستىرۋدى كۇتۋدە ەكەن.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
سۋرەتتى تۇسىرگەن
حايرەدين راۋشانوۆ.
وتكەن جىلى كۇزدە قر ۇلتتىق مەديتسينا ورتالىعى جانىنداعى رەسپۋبليكالىق ترانسپلانتولوگيا ورتالىعىنىڭ باسشىسى, اكادەميك, مەديتسينا عىلىمدارىنىڭ دوكتورى جاقسىلىق دوسقاليەۆ وبلىستىق كلينيكالىق اۋرۋحانا بازاسىندا بۇيرەك اۋىستىرۋ وپەراتسياسىن جاساپ, باق وكىلدەرىمەن بولعان بريفينگتە 2016 جىلى مۇندا باۋىر اۋىستىرۋ وتاسى جاسالاتىنىن ايتقان بولاتىن. مىنە, بۇل ءسات تە جەتتى.
باتىس ايماعىندا العاش رەت اقتوبەدە باۋىر اۋىستىرۋ وپەراتسياسى جاسالدى. وڭتۇستىك كورەيانىڭ سەۋل ۇلتتىق ۋنيۆەرسيتەتىنەن كەلگەن كۆانگ ۆۋنگ لي جانە اكادەميك جاقسىلىق دوسقاليەۆ باستاعان اقتوبەلىك بىلىكتى حيرۋرگتەر 38 جاستاعى ايەلدىڭ باۋىرىن اۋىستىردى. وپەراتسيا 7 ساعاتقا سوزىلدى. ناۋقاستاردىڭ جاعدايى جاقسى. بۇل تۋرالى وبلىستىق اۋرۋحانادا وتكەن ءباسپاسوز ءماسليحاتىندا حاباردار ەتىلدى.
باۋىر اۋىستىرۋ وتاسى بۇعان دەيىن استانا, الماتى جانە شىمكەنت قالالارىندا جاسالىپ كەلگەن ەكەن. ستۋدەنتتەر مەن دارىگەرلەر باۋىر اۋىستىرۋ ءساتىن ءماجىلىس زالىنداعى ەكراننان كوردى.
دەرتى دەندەگەن ايەل بۇعان دەيىن ءدارى-دارمەكتىڭ كۇشىمەن ءومىر كەشكەن. وعان تۋعان ءىنىسى باۋىرىن بەرۋگە كەلىسكەننەن كەيىن سەۋل ۋنيۆەرسيتەتىنىڭ دارىگەرلەرىمەن بىرلەسە وتىرىپ, اپالى-ءىنىلى ەكەۋىنە مەديتسينالىق تەكسەرۋ جۇرگىزىلگەن. بازىلبەك جاقيەۆ, ابىلعازى ءجانادىل, مۇرات جايقانوۆ سىندى اقتوبەلىك دارىگەرلەر مەن مەدبيكەلەر سول ەلگە بارىپ تاجىريبەدەن ءوتىپ كەلگەن. قازىر ەكى ادامنىڭ دا جاعدايى قالىپتى. وڭتۇستىك كورەيادان كەلگەن پروفەسسور كۆانگ ۆۋنگ ءليدىڭ ايتۋىنشا, باۋىرى الماستىرىلعان ايەل ءالى دە ءۇش اپتاداي اۋرۋحانادا جاتادى. ال تۋعان اپكەسىنە باۋىرىنىڭ 70 پايىزىن بەرگەن جىگىت ءبارى ءساتتى بولسا, 10 كۇننەن سوڭ ۇيىنە ورالادى. دارىگەرلەردىڭ كەڭەستەرىن مۇلتىكسىز ورىنداپ, كۇتىنىپ جۇرسە, ونىڭ اعزاسى الداعى 6 ايدىڭ ىشىندە تولىقتاي قالپىنا كەلەدى.
وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ مالىمدەۋىنشە, بولاشاقتا وبلىستا ترانسپلانتولوگيالىق ورتالىق اشىلادى دەپ كۇتىلۋدە. سوڭعى ەكى جىلدا بۇل ماقساتقا 250 ميلليون تەڭگە ءبولىنىپ, كۇردەلى وپەراتسيالارعا قاجەتتى قوندىرعىلار ساتىپ الىنىپ, دارىگەرلەر بىلىكتىلىگىن جەتىلدىرگەن. وسى كەزگە دەيىن جاسالعان جەتى بۇيرەك اۋىستىرۋ وتاسى ءساتتى وتكەن.
بۇدان بىلاي اقتوبەلىك دارىگەرلەر باۋىر اۋىستىرۋ وپەراتسياسىن وزدەرى جاسايدى. بيىل وسىنداي 5 وتا جاساۋ كوزدەلۋدە. دەرەككوزدەرىنەن ءمالىم بولعانىنداي, جالپى وبلىستا 128 ادام بۇيرەك, ال 60 ادام باۋىر اۋىستىرۋدى كۇتۋدە ەكەن.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
سۋرەتتى تۇسىرگەن
حايرەدين راۋشانوۆ.
