تاربيە تاعىلىمى

ەلىمىزدە «ءوزىن-ءوزى تانۋ: سۇيىسپەنشىلىك پەن شىعارماشىلىق پەداگوگيكاسى» اتتى ونكۇندىك باستالدى ءبىلىم جانە عىلىم مينيسترلىگىنىڭ بالالاردىڭ قۇقىقتارىن قورعاۋ كوميتەتى رەسپۋبليكانىڭ بارلىق ۇيىمدارىندا 2016 جىلعى اقپان ايىنىڭ 2-ءسى مەن 12-ءسى ارا­لىعىندا «ءوزىن-ءوزى تانۋ: سۇيىسپەنشىلىك پەن شىعارماشىلىق پەداگوگيكاسى» اتتى ءداستۇرلى ونكۇندىگىن جاريالادى. ونكۇندىكتىڭ ماقساتى بالالار مەن جاستاردى ادامگەرشىلىك-رۋحاني تاربيەلەۋ جۇيەسىن دامىتۋ, ولاردىڭ ازاماتتىق مادەنيەت داعدىلارىن جەتىلدىرۋ بولىپ تابىلادى. كەشە رەسپۋبليكانىڭ بارلىق ءبىلىم بەرۋ ۇيىمدارىندا ونكۇندىكتىڭ مەرەكەلىك اشىلۋ ءراسىمى بولىپ ءوت­تى. ونكۇندىك اياسىندا سەمينارلار, كىتاپتار كورمەسى, دوڭگەلەك ءۇس­تەل­دەر, اشىق ساباقتار, بالالاردىڭ شىعارماشىلىق بايقاۋلارى, قايى­­رىمدىلىق اكتسيالارى, كي­نو­تەاتر­لارعا, ويىن-ساۋىق ورتالىق­تا­رىنا, سپورتتىق كەشەندەرگە بارۋ, اتا-انالاردىڭ قاتىسۋىمەن اۋقىمدى ءىس-شارالار ۇيىمداستىرۋ جوسپارلانۋدا. 2010-2011 وقۋ جىلىندا «ءوزىن-ءوزى تانۋ» ادامگەرشىلىك-رۋحاني ءبىلىم بەرۋ باعدارلاماسى بارلىق ءبىلىم بەرۋ دەڭگەيلەرىندە, مەكتەپكە دەيىنگى مەكەمەلەردەن باس­تاپ جوعارى ءبىلىم بەرۋ سالالارىنا دا ەنگىزىلگەن بولاتىن. العاش رەت مەملەكەتتىك دەڭگەيدە ءوس­كەلەڭ ۇرپاقتى امبە­باپ جانە جال­پىادامزاتتىق قۇندىلىقتارعا وقىتۋ مىندەتىن «ءوزىن-ءوزى تانۋ» جو­باسىنىڭ اۆتورى سارا الپىسقىزى نازارباەۆا ۇسىندى. اتالعان باع­دارلاما وقۋشىلاردىڭ بويىنداعى شىعارماشىلىق الەۋەتىن تولىق ءارى جان-جاقتى ىسكە اسىرۋعا, جاھاندانۋ جاعدايىندا زاماناۋي جەتىستىكتەرگە جەتۋگە مۇمكىندىك بەرەدى. سونىمەن قاتار, ومىرلىك جانە ءبىلىم بەرۋ سترا­­تەگياسىن, قوعامداعى اۋقىمدى الەۋمەتتىك تاعىلىمداردى مەڭگەرۋگە ىقپال ەتەدى. ادامگەرشىلىك-رۋحاني تاربيە نەگىزىندەگى وسىناۋ ءبىلىم با­لالاردىڭ دۇنيەگە سەنىممەن شاتتانا قاراۋىنا جانە تابىسقا جەتۋ جولىندا سەنىمدى بولۋعا, تاربيە جانە ءبىلىم الۋ ۇدەرىسىندە ءتيىمدى الەۋمەتتەنۋگە كومەكتەسەدى.