شىمكەنتكە دەگەن شىنايى كوڭىل

يتاليان مۋزىكانتتارى اتىنان ءبىلدىرىلدى شىمكەنتتەگى وپەرا جانە بالەت تەاترىندا وڭتۇستىك قازاقستان وبلى­سى اكىمدىگى مەن قا­زاقستان رەسپۋب­ليكاسىن­داعى يتا­ليا ەلشى­لىگىنىڭ قولداۋى بويىنشا «يتاليا كينە­ماتوگرافيا­سىنىڭ ۇلى مۋزىكاسى» اتتى كونتسەرت ءوتتى. كونتسەرتكە الەمدىك دەڭگەيدەگى جۇلدىزدار – اتاقتى كومپوزيتور, ديريجەر, ۆيرتۋوز-مۋزىكانت ماۋرو ماۋر (ترۋبا) مەن فرانسۋاز دە كلوسسە (فورتەپيانو) قاتىستى. شىعارماشىلىق كەشتە يتا­ليانىڭ əيگىلى «باگ­سي», «ميسسيا», «امار­كورد», «ءتات­تى ءومىر», «كابيريە ءتۇن­­دەرى», «پا­راديزو» جا­ڭا كي­­نوتەاترى سىندى كوپ­تە­گەن كينولارىنا ارناپ جا­زىلعان تاماشا تۋىندى­لارى وبلىستىق وپەرا جانە بالەت تەاترىنىڭ سيم­فو­نيالىق وركەسترى مەن حور ۇجى­مىنىڭ سۇيە­مەل­دەۋىندە ورىندالدى. بۇرىن دا ءوڭىر تۇر­عىن­­دارى اتاقتى مۋزى­­كانت­تار ورىنداعان شىعارمالاردى تىڭداۋعا كوپ كەلەتىن. بۇل جولى تەاتر­دا ينە شان­­­شار ورىن بولعان جوق. جۇرت تابالدىرىقتا وتىر­دى دەسە دە بولادى. كورەرمەن كوپ بولسا, تا­­لانتتى ادامدار ودان سايىن ارقالانىپ كەتەدى. ماۋرو ماۋر دا شىعار­ما­لاردى جانىن سالىپ, بەرىلىپ ورىندادى. – ءبىز استانا جانە شىم­كەنت قالاسىندا كونتسەرت بەردىك. قازاق­ستانعا العاش كەلۋىمىز. شىمكەنت­تىكتەر مەنى تاڭ-تاماشا قالدىردى. سىزدەردىڭ قولداۋلارىڭىز, اق نيەتتەرىڭىز مەنىڭ كەۋدەمە قۋانىش تولتىردى. مەن مۇنى ۇمىتا المايمىن. ايتقانداي, يتاليالىقتار مەن قازاقستاندىقتار وتە ۇقساس ەكەن. ءبىزدى جوعارى تەمپەرامەنت, دوستىق جانە اس مازىرىنە دارحاندىق بىرىك­تىرەدى. ال جەرگىلىكتى مۋزىكانتتارمەن بىرلەسىپ كونتسەرت بەرۋ ەسىمنەن ەشقاشان شىقپايدى. قازاقستان مەن ءۇشىن ۇلكەن جاڭالىق بولدى. بۇل ەلگە ءالى تالاي كەلەمىن, – دەدى ول. باقتيار تايجان, «ەگەمەن قازاقستان». وڭتۇستىك قازاقستان وبلىسى.