جەتپىسىندە جەلكىلدەگەن يمام

پەداگوگيكالىق ۋنيۆەرسيتەتتىڭ ستۋدەنتى بولىپ ءجۇر ءنوۆوسىبىر وبلىسى, كۋيبىشەۆ قالاسىنداعى مۇسىلمان ۇيى­مىنىڭ باسشىسى, زەينەتكەر حاسان گيزاتۋللين جوعارى وقۋ ورنىنداعى ءبىرىنشى كۋرسىن ءبىتىرىپ تاستاپ, ەكىنشىسىنىڭ ساباقتارىن باستاپ كەتتى. يمام وتكەن جازدا ءنوۆوسىبىر پەداگوگيكالىق ۋنيۆەرسيتەتىنىڭ جەرگىلىكتى فيليالىنا وقۋعا تۇسكەن ەدى. ول جاقىندا ءبىرىنشى كۋرستىڭ ءتۇيىندى كۋرس جۇمىسىن ءساتتى تاپسىرىپتى. اقساقال پەداگوگيكالىق ۋنيۆەرسيتەتكە وقىتۋشىلارعا جاڭا تالاپتار قويىلا باستاۋىنا بايلانىستى كەلىپتى. جاسى جەتپىستەن اسقان قاريا, البەتتە, توپتاعى ەڭ ەرەسەك ستۋدەنت بولىپ تابىلادى. حاسان حازىرەت جاسىندا ءسىبىر اۆتوجولدارى ينستيتۋتىن كاسىبي ينجەنەر رەتىندە بىتىرگەن. زەينەتكە شىققاسىن جەر­­گىلىكتى كوللەدج بەن اۆتومەكتەپكە وقىتۋشى بولىپ ورنالاسىپ­تى. بىراق, ءوزىنىڭ ايتۋىنشا, قازىرگى زامانعى تالاپتارعا سايكەس, وقى­تۋشىنىڭ تەك ءپروفيلدى ما­ماندىق يەسى عانا ەمەس, سونىمەن قاتار, پە­داگوگيكالىق ءبىلىمى بولۋى كەرەك. سول سەبەپتى تاعى دا ستۋدەنت بولۋى­نا تۋرا كەلگەن. يمام-ستۋدەنت ەندى وقۋ باعدار­لاماسىن قىسقا مەرزىم ىشىندە اياقتاپ شىعۋعا نيەتتى دە, مۇددەلى دە بولىپ وتىر. قازىر ول ەكىنشى كۋرستىڭ ساباقتارىنا كىرىسكەن. اقساقال ءوزىنىڭ تاپقان-تايانعان جالاقىلارى مەن زەينەتاقىسىن يسلامدى دامىتۋعا, مەشىتتى ۇستاپ تۇرۋعا جۇمسايدى ەكەن. ال مەشىت ءۇشىن ءوزىنىڭ جەكە ءۇيىن بوساتىپ بەرىپتى. بۇدان باسقا, حاسان ابىي قازانداعى رەسەي يسلام ۋنيۆەر­سيتەتىندە سىرتتاي ءبىلىم الىپ ءجۇر. ول بۇعان بۇدان بىرنەشە جىل بۇرىن تۇسكەن ەكەن. كەزىندە ءبىر سەبەپتەرمەن وقۋدى تاستاپ كەتىپتى. ال جاقىندا زەينەتكەر ونداعى وقۋىن دا جالعاستىرىپتى. مۇرات ايتقوجا.