«دامۋ» قورىنىڭ جاڭا باسشىسى تاعايىندالدى

الماتى. 2 اقپان. «بايتەرەك» ۇلتتىق باسقارۋشى حولدينگىنىڭ ەنشىلەس ۇيىمى «دامۋ» كاسىپكەرلىكتى دامىتۋ قورىندا باسقارما توراعاسى اۋىستى. حولدينگتىڭ 2016 جىلعى 1 اقپاندا وتكەن ديرەكتورلار كەڭەسىنىڭ شەشىمىمەن «دامۋ» قورىنىڭ باسقارما توراعاسى لاۋازىمىنا قانىش تولەۋشىن تاعايىندالدى. بۇل تۋرالى «بايتەرەك» حولدينگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جاڭا تاعايىنداۋعا دەيىن 2013 جىلدان باستاپ قانىش تولەۋشىن «بايتەرەك» حولدينگىنىڭ باسقارۋشى ديرەكتورى – باسقارما مۇشەسى قىزمەتىن اتقاردى. وسىعان دەيىن «دامۋ» قورىن باسقارعان ءلاززات يبراگيموۆا «بايتەرەك» حولدينگى باسقارما توراعاسىنىڭ ورىنباسارى قىزمەتىنە اۋىستىرىلدى. قانىش تولەۋشىن «بولاشاق» باعدارلاماسىنىڭ تۇلەگى بولىپ تابىلادى. 2006 جىلى وكسفورد ۋنيۆەرسيتەتىن (وكسفورد, ۇلىبريتانيا) ۇزدىك ءتامامداپ, يننوۆاتسيالىق مەنەدجمەنتتىڭ ماگيسترى اتاندى. سونداي-اق, قارجى جانە كرەديت ماماندىعى بويىنشا ەۋرازيا ۇلتتىق ۋنيۆەرسيتەتىنىڭ قىزىل ديپلومىن الدى. ءوز ەڭبەك جولىن 2004 جىلى «تەمىربانك» اكتسيونەرلىك قوعامىندا بۋحگالتەر-وپەراتسيونيست قىزمەتىنەن باستاعان. ءار جىلدارى سينگاپۋر ۇلتتىق ۋنيۆەرسيتەتىنىڭ لي كۋان يۋ اتىنداعى مەملەكەتتىك ساياسات مەكتەبىمەن بىرلەسىپ, نازارباەۆ ۋنيۆەرسيتەتىنىڭ جوعارى مەملەكەتتىك ساياسات مەكتەبىندە «مەملەكەتتىك ساياسات جانە باسقارۋ» تاقىرىبى بويىنشا وقۋ مەن ترەنينگتەرىنەن, يۋنيدو ترەنينگى, اۆستريادا «وڭدەۋ ونەركاسىبىنىڭ بولاشاعى» تاقىرىبى بويىنشا ترەنينگ, Ernst & Young بيزنەس مەكتەبىنىڭ قارجىلىق ۇلگىلەۋ, بيزنەستى باعالاۋ, مۆا, قارجىلىق تالداۋ مەن ينۆەستيتسيالىق جوبالاردى باعالاۋ تاقىرىپتارى بويىنشا ترەنينگتەردەن ءوتتى. ايناش ەسالي. دەرەك, سۋرەت: «بايتەرەك» حولدينگىنىڭ ءباسپاسوز قىزمەتى