جامبىل وبلىسىندا جاسوسپىرىمدەر قىلمىسى ازايىپ كەلەدى

تاراز. 2 اقپان. جامبىل وبلىسىنىڭ وڭىرلىك كوممۋنيكاتسيالار قىزمەتىنىڭ الاڭىندا «كامەلەتكە تولماعاندار اراسىنداعى قۇقىق بۇزۋشىلىقتاردىڭ, قاداعالاۋسىز جانە پاناسىز قالۋ پروفيلاكتيكاسى جۇيەسiندەگى مەملەكەتتىك ورگانداردىڭ ءوزارا ساباقتاستىعى» تاقىرىبىندا بريفينگ ءوتتى. بۇل تۋرالى egemen.kz حابارلادى. بريفينگكە  ىشكi iستەر دەپارتامەنتىنىڭ جەرگىلىكتى پوليتسيا قىزمەتى يۋۆەنالدى پوليتسيا  ءبولىمىنىڭ ينسپەكتورى نۇركەن ابدۋللين, جامبىل وبلىسى اكىمدىگىنىڭ بiلiم باسقارماسى باسشىسىنىڭ ورىنباسارى دامەش ۇسكۋمباەۆا, جامبىل وبلىسى اكىمدىگىنىڭ دەنساۋلىق ساقتاۋ باسقارماسىباسشىسىنىڭ ورىنباسارى ايگۇل ايتباەۆا, جامبىل وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى سەيداحمەت سەيتبەكوۆ, كامەلەتكە تولماعانداردىڭ iسi جانە ولاردىڭ قۇقىقتارىن قورعاۋ جونiندەگi كوميسسيانىڭ جاۋاپتى حاتشىسى باقىت جاقسىلىقوۆا قاتىستى. 2015 جىلى جۇرگىزىلگەن ساراپتامادا قاراستىرىلعان وبلىس بويىنشا ىستەردىڭ باسىم بولىگى مىناداي باعىتتارعا ارنالعاندىعىن كورسەتتى: - بالا تاربيەسىنەن جالتارىپ جۇرگەن اتا-انالار تۋرالى – 132 (16,5%); - جەتىم بالالار جانە اتا-اناسىنىڭ قامقورلىعىنسىز قالعان بالالاردى ورنالاستىرۋ – 195 (24,5%); - قۇقىق بۇزۋشىلىق جاساعان كامەلەتكە تولماعاندار تۋرالى – 119 (14,9%); - ءبىلىم الۋدان جالتارىپ جۇرگەن بالالار تۋرالى – 117 (14,6%); - نەگىزگى مەكتەپتى ءبىتىرىپ, ماتەريالدىق جاعدايىنا بايلانىستى ءارى قاراي ءبىلىمىن جالعاستىرا الماي جۇرگەن كامەلەتكە تولماعاندار جۇمىسقا ورنالاستىرۋ تۋرالى – 58 (7,2%);; - تاربيەلەۋ كولونيالارىنان جانە ارنايى ءبىلىم بەرۋ ۇيىمدارىنان بوساتىلعان كامەلەتكە تولماعانداردى تۇرمىستىق جانە ەڭبەككە ورنالاستىرۋ – 15 (1,9%); - باسقا ورگاندارمەن ۇيلەستىرۋ تۋرالى – 76 (9,5%); - باسقا دا ماسەلەلەر تۋرالى – 88 (11%). كوميسسيا جۇمىسىنىڭ ناتيجەسىندە 2015 جىلى 3 مىڭعا جۋىق كامەلەتكە تولماعاندارعا كومەك كورسەتىلدى, ونىڭ ىشىندە: - كوپ بالالى جانە كۇنكورىسى تومەن وتباسىنداعى 1 مىڭنان اسا بالاعا; - قولايسىز وتباسىنداعى 1 مىڭعا جۋىق بالاعا; - 500-گە جۋىق جەتىم بالالار جانە اتا-اناسىنىڭ قامقورلىعىنسىز قالعان بالالارعا; - 270 پاناسىز جانە قاراۋسىز قالعان بالالارعا; - 212 دەۆيانتتى مىنەز-ق ۇلىقتى بالالارعا; - الكوگوليزم مەن ناشاقورلىققا دۋشار بولعان 18 بالاعا كومەك كورسەتىلدى. كوميسسيا قىزمەتىنىڭ ناتيجەسىندە: - وقۋدان باس تارتقان 55 بالا مەكتەپكە قايتارىلدى; - 226 كامەلەتكە تولماعان بالا قىلمىستىق بەلگىسى بار قوعامعا قاۋىپتى ارەكەت جاساۋ فاكتىلەرى بويىنشا قىلمىستىق جاۋاپكەرشىلىككە تارتىلدى; - الكوگول ىشىمدىكتەرىن, ەسىرتكى زاتتارىن قولداناتىن 2 كامەلەتكە تولماعاندار ەمدەلۋ-الدىن الۋ جانە بەيىمدەلۋ شارالارىن وتكىزۋ ءۇشىن دەنساۋلىق ساقتاۋ مەكەمەلەرىنە جىبەرىلدى; - 362 كامەلەتكە تولماعان بالا وبلىستىق ءبىلىم باسقارماسىنىڭ كامەلەتكە تولماعانداردى وڭالتۋ ورتالىعىنا جىبەرىلدى. بۇدان باسقا, 60 اتا-انا وزدەرىنىڭ اتا-انالىق قۇقىقتارىنان ايىرىلدى. 37 كامەلەتكە تولماعان بالا ارنايى ءبىلىم مەكەمەلەرىنە جىبەرىلدى. كامەلەتكە تولماعاندار اراسىنداعى تىركەلگەن قىلمىستاردىڭ 2000 جىلدان بەرى ديناميكاسىنا نازار اۋدارساق, 2005 جىلعا دەيىن تومەندەۋ ءۇردىسى بايقالىپ, 2006 جىلدان باستاپ 2012 جىلعا دەيىن كريمينوگەندىك جاعداي الاڭداۋشىلىق تۋعىزىپ, قولايلى جاعدايعا قول جەتكىزىلمەگەن ەدى. مۇددەلى ورگانداردىڭ قاتىسۋىمەن جۇرگىزىلگەن الدىن الۋ جۇمىستارىنىڭ ارقاسىندا كامەلەتكە تولماعاندار اراسىندا جاسالعان  قىلمىس پەن قۇقىق بۇزۋشىلىق كورسەتكىشى 2013 جىلدىڭ اقپان ايىنان بۇگىنگى كۇنگە دەيىن, ءار اي سايىن 13 پايىزدان 35 پايىزعا دەيىن تومەندەۋ ءۇردىسى قالىپتاسىپ, ناقتى اتقارىلعان ءىس-شارالاردىڭ ناتيجەلىلىگىن كورسەتىپ وتىر. ورالحان ءداۋىت. دەرەك: egemen.kz سۋرەت: ortcom.kz