اقمولا وبلىسىندا 45 جاس وتباسىعا پاتەر بەرىلدى

كوكشەتاۋ. 2 قاڭتار. اقمولا وبلىسىندا ششۋچينسكىنىڭ ماگنيتنىي كوشەسىندەگى كوپ قاباتتى تۇرعىن ءۇي پايدالانۋعا بەرىلدى. بۇل تۋرالى اقمولا وبلىسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. تۇرعىن ءۇيدىڭ بارلىق 75 پاتەرىنە جاسى 29-عا تولا قويماعان شاڭىراق يەلەرى مەملەكەتتىك «جاس وتباسى» باعدارلاماسى شەڭبەرىندە قونىستانىپ وتىر. «سىزدەردى قۋانىشتارىڭىزبەن شىن جۇرەكتەن قۇتتىقتايمىن. قازىرگى كۇنى كورشى شكولنىي كوشەسىندە يپوتەكالىق ادىسپەن جالعا بەرىلەتىن تاعى ءبىر 75 پاتەرلىك ءۇيدىڭ قۇرىلىسى جۇرگىزىلىپ جاتىر. سونداي-اق, الداعى كەزدە الەۋمەتتىك تۇرعىدا از قامتىلعان, مۇمكىندىگى شەكتەۋلى جانە جەتىمدەر وتباسىنا ارنالعان ۇيلەر سالىناتىن بولادى. قۋانىش قۋانىشقا ۇلاسا بەرسىن»,-دەدى سالتاناتتى شارادا اقمولا وبلىسىنىڭ اكىمى سەرگەي كۋلاگين: باقبەرگەن امالبەك. دەرەك, سۋرەت: اقمولا وبلىسى اكىمىنىڭ ءباسپاسوز قىزمەتى.