شىعىس قازاقستاندا سايلاۋالدى شتابتىڭ دايىندىعى پىسىقتالدى

وسكەمەن. 2 اقپان. «نۇر وتان» پارتياسى شىعىس قازاقستان وبلاستىق فيليالىندا استانادا وتكەن پارتيانىڭ كەزەكتەن تىس ءXVىI سەزىنە قاتىسۋشىلارىمەن كەزدەسۋ وتكىزدى. بۇل تۋرالى «نۇر وتان» پارتياسى شىعىس قازاقستان وبلىستىق فيليالىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «پارتيامىزدىڭ كەزەكتەن تىس ءXVىI سەزىندە جاڭا سايلاۋالدى باعدارلاما قابىلداندى. بۇل بەس ينستيتۋتتىق رەفورمانىڭ, ۇلت جوسپارىنداعى «100 ناقتى قادامنىڭ» جۇيەلى تۇردە جۇزەگە اسىرىلۋىن قامتاماسىز ەتەدى. سونىمەن قاتار, سەزدە پارلامەنت ءماجىلىسىنىڭ دەپۋتاتتارى سايلاۋىنا ارنالعان پارتيالىق ءتىزىم بەكىتىلدى», – دەيدى «نۇر وتان» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى انۋاربەك مۇحتارحانوۆ. كەزدەسۋدە سەزد دەلەگاتتارى سايلاۋالدى باعدارلامانى تالقىلاپ, سايلاۋالدى شتابتىڭ جۇمىس ىستەۋگە دايىن ەكەندىگىن جەتكىزدى. انۋاربەك مۇحتارحان ۇلىنىڭ ايتۋىنشا, قازىرگى كەزدە ەلىمىزدىڭ بارلىق وڭىرلەرىندە سايلاۋالدى شتاب قۇرۋ ماقساتىندا دايىندىق جۇمىستارى جۇرگىزىلۋدە. بۇل شارالار 20 اقپانعا دەيىن سوزىلادى. شىعىس قازاقستان وبلىستىق سايلاۋالدى شتابىنىڭ نەگىزى مىندەتى – سايلاۋ تۋرالى زاڭنامانى ساقتاۋ, ايقىن ءارى ءادىل سايلاۋ وتكىزۋ. سايلاۋالدى شتاب قۇرامىنا ءوڭىردىڭ بەلسەندى تۇرعىندارى, پارتيانىڭ وبلىستىق فيليالى ساياسي كەڭەسىنىڭ مۇشەلەرى, قوعامدىق بىرلەستىكتەر وكىلدەرى, ۇكىمەتتىك ەمەس ۇيىمدار جانە وتكەن سايلاۋ ناۋقاندارىنا قاتىسىپ, مول تاجىريبە جيناقتاعان ازاماتتارمەن قاتار, جاستار ۇيىمدارىنىڭ بەلسەندى وكىلدەرى دە كىردى. 2016 جىلدىڭ 20 اقپانىندا ايماقتا وبلىستىق, قالالىق جانە اۋداندىق سايلاۋالدى شتابتارى مەن قوعامدىق قابىلداۋ بولمەلەرى اشىلادى. قۇرامىندا 450-گە جۋىق ادام تىركەلگەن شتابتىڭ جۇمىسىنا 3 مىڭنان استام سەنىمدى وكىلدەر, سونىمەن بىرگە 3 مىڭعا جۋىق پارتيا بەلسەندىلەرى قاتىسادى. دۋمان اناش. دەرەك, سۋرەت: «نۇر وتان» پارتياسى شىعىس قازاقستان وبلىستىق فيليالىنىڭ ءباسپاسوز قىزمەتى.