اقتوبەدە «قاۋىپسىز قالا» اكتسياسى اياقتالدى

اقتوبە. 2 اقپان. اقتوبە قالاسى مەن وبلىسقا قاراستى اۋدان ورتالىقتارىندا 29-30 قاڭتار كۇندەرى «قاۋىپسىز قالا» جەدەل-پروفيلاكتيكالىق ءىس-شاراسى وتكىزىلدى. بۇل تۋرالى egemen.kz ءتىلشىسى حابارلادى. قوعامدىق ورىندار مەن كوشەلەردە قۇقىقتىق ءتارتىپتى ساقتاۋ, قىلمىستاردى ەسكەرتۋ جانە جولىن كەسۋ, جول-كولىك وقيعالارىنىڭ الدىن الۋ, سونداي-اق, «مۇلدەم توزبەۋشىلىك» قاعيداتى بويىنشا اكىمشىلىك قۇقىق بۇزۋشىلىقتاردى انىقتاۋ ماقساتىندا ۇيىمداستىرىلعان شاراعا بارلىعى 541 ىشكى ىستەر جانە ىشكى اسكەردىڭ 75 اسكەري قىزمەتكەرلەرى جۇمىلدىرىلدى. سونىمەن قاتار, 117 اۆتوكولىك قاتىستىرىلدى. جۇمىلدىرىلعان جاساقتاردىڭ كۇشىمەن ءىس-شارا بارىسىندا 4 قىلمىس «ءىزى سۋىماي» اشىلدى. ودان بولەك, «مۇلدەم توزبەۋشىلىك» قاعيداتى بويىنشا 499 اكىمشىلىك قۇقىق بۇزۋشىلىق انىقتالدى. ونىڭ ىشىندە ۇساق بۇزاقىلىق – 26, قوعامدىق ورىنداردا ماس كۇيىندە ءجۇرۋ – 41, ماس كۇيىندە كولىك جۇرگىزۋدىڭ – 11 جانە جىلدامدىقتى اسىرۋدىڭ 47 دەرەگى انىقتالدى. ساتىبالدى ءساۋىرباي. دەرەك: egemen.kz. سۋرەت: azh.kz.