ەل سەنىمىن ارقالاعان پارتيا

ەلباسىمىزدىڭ وتكەن جىلدىڭ ايا­عىن­­داعى قازاقستان حالقىنا جولداۋى ۇلتىمىزدىڭ رۋحىن كوتەردى. ارمانىمىزدى وياتتى. ال جىلدىڭ باسىندا جاريالانعان ەلباسىنىڭ ماقالاسى «100 ناقتى قادام» ۇلت جوسپارى شەڭبەرىندە قازاقستاننىڭ بولاشاعى قانداي بولماق, الەمدەگى الدىڭعى قاتارلى 30 ەلدىڭ قاتارىنا ەنۋ ءۇشىن نە ىستەلۋى كەرەك دەگەن سياقتى كۇردەلى ءمىن­دەتتەردى شەشۋگە باعىت­تالعان. سونداي-اق, پارتيانىڭ ءاربىر سەزىندە بولاشاققا ارنالعان باعدارلامالار قابىلدانادى. بۇل باعدارلامالار ۇلتتىڭ دامۋىمەن, ەلىمىزدىڭ وركەندەۋىمەن تىعىز بايلانىستى. سوندىقتان دا ەلباسى, «نۇر وتان» پارتياسىنىڭ توراعاسى سەزدە سويلەگەن سوزىندە ەلدىڭ الدىندا, پارتيانىڭ الدىندا تۇرعان كەلەلى مىندەتتەردى جان-جاقتى ساراپتاپ بەردى. پرەزيدەنتىمىز اۋەلى ەكونوميكا, سوسىن بارىپ ساياسات دەگەن بولاتىن. وسى تۇجىرىمنىڭ ومىرشەڭدىگىنە بۇگىندە ناقتى كوز جەتكىزدىك. 1995 جىلى جوعارعى كەڭەستىڭ XIII شاقىرىلىمى تاراتىلعان ساتتە تۇسىنىڭكىرەمەگەن بولاتىنبىز. كۇندەر وتكەننەن كەيىن, اراعا جىلدار سالعاننان كەيىن ساراپتاسام, سول شاقىرىلىمدا ءبىر جىلدا ءبىر عانا زاڭ قابىلداعان ەكەنبىز. كۇنى بويى جۇمىسىمىزدىڭ ءبارى ءبىر-بىرىمىزبەن ايقايلاسۋ, تالاس-تارتىسپەن ءوتىپتى. ەكونوميكا, ۇكىمەتتىڭ الدىنداعى مىندەتتەر قايدا – بۇل ماسەلەلەر تالقىلانعان جوق. مىنە, وسىدان كەيىن ەلباسىنىڭ «اۋەلى – ەكونوميكا, سوسىن ساياسات» دەگەن ءسوزىنىڭ ءمانىن جاقسى تۇسىنۋگە بولادى. جاڭا سايلاۋ قوعام ومىرىنە, ەلدىڭ وركەندەۋىنە جاڭا لەپ اكەلەدى دەپ ويلايمىن. «نۇر وتان» پارتياسى بۇگىن ەكونوميكانى, قارجىلىق قاتىناستى, بانك جۇيەسىن, جالپى, اۋىل پروبلەمالارىن تەرەڭ بىلەتىن بىلىكتى ۇمىتكەرلەرىن دوداعا قوستى دەپ بىلەمىن. قازىرگى جاعداي كۇردەلى. دەگەنمەن, حالىق پرەزيدەنتتىك پارتياعا ۇلكەن سەنىم ارتىپ وتىر. ويتكەنى, حالىق بىلتىر وتكەن پرەزيدەنتتىك سايلاۋدا ەلباسىن ايقىن قولدايتىندىقتارىن ءبىلدىردى. سوندىقتان «نۇر وتان» پارتياسى سايلاۋدا ەڭ كوپ داۋىس الاتىنىنا سەنىمدىمىن. سونداي-اق, سايلاۋ ۇيىمداسقان تۇردە ءادىل, ساياسي ناۋقان جاعدايىندا وتەدى دەپ ويلايمىن. ءۋاليحان قاليجان ۇلى, م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى.