اۋىزبىرلىگى ىرىسقا جەتەلەگەن ەلمىز

ورتالىق كوممۋنيكاتسيالار قىزمەتىندەگى ءداستۇرلى بريفينگكە قاتىسقان قوناقتار پرەزيدەنت نۇرسۇلتان نازارباەۆتىڭ «نۇر وتان» پارتياسىنىڭ كەزەكتەن تىس سەزىندە ايتىلعان ويلارىنىڭ قوعام ءۇشىن قاجەتتى پايىم ەكەنىمەن ورتاقتاستى. بريفينگتە العاشقى بولىپ ءسوز العان مەملەكەت قايراتكەرى, «جاڭارۋ» اتتى جەمقورلىققا قارسى جالپىۇلتتىق قوز­عالىستىڭ باسشىسى ورالباي ابدىكارىموۆ: «وتكەن جۇمادا ەلباسى «نۇر وتان» پار­تياسىنىڭ كەزەكتەن تىس سەزىندە قازىرگى جاعداي قانداي ەكەنىن, بولاشاققا قانداي جولمەن بارامىز دەگەن سۇراقتاردى كوتەرىپ, xالىققا ءوز ويىن جەتكىزدى. مەملەكەت باس­شىسىنىڭ ايتقان سوزدەرى قاي سالادا ەڭبەك ەتەتىن ءار ازاماتقا, ول مەيلى ەكونوميكا, ساياسي, الەۋمەتتىك سالا بولسىن ۇلكەن وي تۋ­دىردى. ءبىزدىڭ قازىرگى اxۋالعا جاۋابىمىز قانداي بولماق, تىعىرىقتان شىعۋدىڭ جولدارى قايسى, قاي ءىستى قولعا الىپ, قالاي جۇمىلۋ كەرەكتىگى ۇعىنىقتى ايتىلدى. ەندى قالعانى – وسىنى جۇزەگە اسىرۋ. وسى سەزدە قابىلدانعان شەشىمدەردى «نۇر وتان» پارتياسىنىڭ مۇشەلەرى قولداپ, سونى سايلاۋدىڭ الدىندا بولاتىن ۇگىت-ناسيxات كەزىندە ءارى قاراي تالداپ, xالىققا جەتكىزۋگە تىرىسادى. بۇل سايلاۋدىڭ ءوزى xالىقتىڭ باسىن بىرىكتىرۋگە, ءبىر ەل ەتىپ جۇمىلدىرۋعا باعىتتالعان. بايقاساڭىزدار, سايلاۋالدى باعدارلاما «بىرلىك. تۇراقتىلىق. جاسامپازدىق» دەپ اتالادى. سايلاۋعا قاتىسقان قاي پارتيا دا xالىقتىڭ بىرلىگىن اڭساۋى ءتيىس. ەلباسى ايتقانداي, باسقا ەلدەردىڭ تاريxىنا كوز جىبەرسەك, ولاردىڭ بۇگىنگى جاعدايىنا قاراساق, ەگەر xالىق «ءبىر جاعادان باس, ءبىر جەڭنەن قول» شىعارعاندا عانا ۇلكەن ناتيجەلەرگە قول جەتكىزە الادى. مىنە, ءبىزدى پرەزيدەنتىمىز نۇرسۇلتان نازارباەۆ وسىعان شاقىردى», – دەدى. و.ابدىكارىموۆ سەزدە ۇسىنىلعان نەگىزگى 5 باسىمدىقتىڭ ورىندالۋى ەل يگىلىگى ءۇشىن قاجەتتىلىك ەكەنىنە توقتالدى. ەلباسىنىڭ پاريا مىنبەرىنەن ايتقان ءسوزى قاي وڭىردە دە قولداۋ تاۋىپ, حالىقتىڭ مەملەكەت باسشىسىنا سەنىپ وتىرعانىن جەتكىزگەن ول, اۋىزبىرلىگى بار ەلدىڭ ىرىسى مول بولاتىنىنا سەنىمدىلىگىن جەتكىزدى. «كەلەشەكتە قانداي جاعدايلار, قانداي زامان تۋسا دا, ءبىز ودان امان شىعامىز, ويتكەنى, ءبىزدىڭ ءبارىمىزدىڭ ويىمىز ءبىر. تاريحىمىزدى ەسكە الساق, 1991 جىلدان بەرى قيىندىقتار بولعان, سونىڭ بارلىعىنان بىرلىكتىڭ ارقاسىندا ءوتىپ, ەكونوميكانى قارىشتاتىپ, جەڭىپ شىققان ەلمىز. ارقا توسىنە اجارلاندىرىپ استانا سالعان, بيىك-بيىك اسۋلاردى ارتقا تاستاعان, الەمگە تانىمال بولعان ەلمىز», – دەدى «جا­ڭارۋ» قوزعالىسىنىڭ توراعاسى. رەسپۋبليكالىق نەيروxيرۋرگيا عىلىمي-زەرتتەۋ ورتالىعىنىڭ باس ديرەكتورى سەرىك اقشولاقوۆ: «نۇر وتان» پارتياسىنىڭ كەزەكتەن تىس سەزىندە «قازاقستان-2021: بىرلىك. تۇراقتىلىق. جاسامپازدىق» سايلاۋالدى باعدارلاماسى قابىلداندى. ەلباسى ءوز سوزىندە ماڭىزدى جوبالاردى قالاي ىسكە اسىرۋ قاجەتتىگىن ايتىپ ءوتتى. سونىڭ ىشىندە دەنساۋلىق ساقتاۋ سالاسىن دامىتۋعا اسا كوڭىل ءبولىندى. قازاقستاندا سوڭعى ون جىلدا 50-دەن استام وسىنداي مەديتسينالىق نىسان سالىندى. تەك استانامىزدا عانا بىرنەشە ۇلتتىق مەديتسينالىق ورتالىق اشىلدى. سولاردىڭ ءبىرى – ۇلتتىق نەيروحيرۋرگيا ورتالىعى. بۇگىنگى كۇنى ۇلتتىق نەيروحيرۋرگيا ورتالىعىندا جىلىنا 2600-دەن استام وپەراتسيا جاسالادى. وسى ورتالىقتار اشىلعانعا دەيىن ءبىزدىڭ ناۋقاستار شەتەلگە بارۋعا ءماجبۇر ەدى, ءارى ول ساپارعا تەك جاعدايى بار ازاماتتار عانا بارا الاتىن. بۇگىندە ءبىز ناۋقاستارعا تەگىن كومەك كورسەتەمىز. بۇل – دامىعان وتىز ەلدىڭ قاتارىنا كىرۋ ماقساتىنا دەنساۋ­لىق ساقتاۋ سالاسىنىڭ قوسقان ۇلەسى دەپ بىلەمىن. 2017 جىلدان باستاپ مىندەتتى الەۋمەتتىك مەديتسينالىق ساقتاندىرۋ ەنگىزىلەدى جانە قوعامدىق مەديتسينالىق قىزمەتتى كوتەرىپ جاتىر. مۇنىڭ بارلىعى قالىپتاسقان دەنساۋلىق ساقتاۋ جۇيەسىن ودان ءارى نىعايتۋعا ىقپال ەتەدى. ءبىزدىڭ ەلىمىزدىڭ مەديتسيناسىندا كورشى مەملەكەتتەرگە قاراعاندا, جاقسى جاڭالىقتار كوپ, ءارى سالانىڭ دامۋ قارقىنى جوعارى. بۇل تۋرالى دا ەلباسى پارتيا سەزىندە ايتىپ ءوتتى», – دەدى. كەلەسى رەتتە ءسوز كەزەگىن العان قورعانىس مينيسترلىگىنىڭ «اسكەري-تەxنيكالىق مەكتەبى» رمك ديرەكتورى, گەنەرال-مايور ۆلاديمير شاتسكوۆ 2017 جىلدان باستاپ تەگىن تەxنيكالىق جانە كاسىبي ءبىلىم بەرۋ اياسىندا 16 اسكەري ماماندىق بويىنشا وقىتۋ باستالاتىنىن تىلگە تيەك ەتە كەلە: «تەگىن تەxنيكالىق جانە كاسىپتىك ءبىلىم بەرۋ اياسىندا مامان دايارلاۋ قىزمەتى بىزدە ەكى ماقساتتا داميتىن بولادى. ەگەر ءبىز مۇنىڭ الدىندا بارلىق كاتەگوريالار بويىنشا تەxنيكالىق ماماندار دايارلاپ كەلسەك, بۇگىندە پرەزيدەنتتىڭ تاپسىرماسىن ورىنداۋ ءۇشىن ماتەريالدىق-وقىتۋ بازامىزدى تۇزەدىك. ەندى اسپازشى, ناۋبايحاناشى, سلەسار, دانەكەرلەۋشى سىندى ماماندىقتار بويىنشا دا وقىتاتىن بولامىز. مىنبەردەن ايتىلعان ويلاردىڭ ىشىندە قورعانىس سالاسىنداعى بارلىق ازاماتتار مەن ونىڭ ارداگەرلەرى ءۇشىن ەلباسىنىڭ پاتريوتيزم تۋراسىندا ايتقانى قاتتى تولقىتتى. پرەزيدەنت بيىك ماقساتتار قويىپ, سونى جەڭىپ, ال جەڭىستەرىن ەلىنە ارناعان ازاماتتار جايىندا قالاي تاماشا ايتتى. ءبىزدىڭ وتانىمىز – قازاقستان, كىندىك قانىمىز تامعان, وسكەن, ونگەن جەرىمىزگە قۋانىش سىيلاۋ, ول ءۇشىن جانكەشتى ەڭبەك ەتىپ, قاس قاقپاي تىنىشتىعىن كۇزەتۋ پارىز», – دەدى ول. مۇنان سوڭ بريفينگكە قاتىسۋشىلار جۋرناليستەر تاراپىنان قويىلعان ساۋالدار­عا جاۋاپ بەردى. ماسەلەن, مەديتسينادا­عى جاڭا­لىقتارعا قاتىستى سەرىك اقشولاقوۆ جەكەمەنشىك كلينيكالاردىڭ دا مەملەكەت­تىڭ كەپىلدەندىرىلگەن تەگىن مەديتسينالىق كومەك كورسەتۋ باعدارلاماسىنا قاتىسا الاتىنىن, اتالعان شارانىڭ دەنساۋلىق ساقتاۋ مەكەمەلەرى اراسىندا جوعارى ءبا­سە­كەلەستىكتى تۋدىرىپ, تۇپتەپ كەلگەندە, ونىڭ xالىققا كورسەتىلەتىن مەديتسينالىق قىزمەتتىڭ ساپاسىن ارتتىراتىنىنا سەنىمدى ەكەنىن جەتكىزدى. انار تولەۋحانقىزى, «ەگەمەن قازاقستان».