كانديداتتار قاتارى ارتىپ كەلەدى

كەشە ورتالىق سايلاۋ كوميسسياسىندا وسك حاتشىسى باقىت مەلدەشوۆ جۋرناليستەرگە بريفينگ وتكىزىپ, بارلىق دەڭگەيدەگى ءماسليحاتتار دەپۋتاتتىعىنا كانديداتتاردى ۇسىنۋ بارىسىمەن تانىستىردى. وبلىستىق, استانا جانە ال­ماتى قالالارىنىڭ اۋماقتىق سايلاۋ كوميسسيالارى ۇسىنعان مالىمەتتەرگە سايكەس, 2016 جىلعى ساعات 10.00-دەگى جاعداي بويىنشا رەسپۋبليكادا ءماسليحاتتار دەپۋتاتتىعىنا بارلىعى 1050 كانديدات ۇسىنىلعان. ولاردىڭ ىشىندە 107-ءسى وبلىستىق, استانا جانە الماتى قالالىق ءماسليحاتتارىنا, 804-ءى اۋداندىق ماسليحاتتارعا, 139-ى قالالىق ماسليحاتتارعا ۇسىنىلىپ وتىر. ال ەكى كانديداتتى ساياسي پارتيالار, 1048 كانديدات ءوزىن-ءوزى ۇسىنعان. «ۇسىنىلعان كانديداتتاردىڭ باسىم كوپشىلىگى, ناقتى ايتقاندا, سول­تۇستىك قازاقستان وبلىسىنان 239 ادام, قاراعاندى – 197 ادام, شىعىس قازاقستان – 132 ادام جانە قوستاناي وبلىسى­نان 95 ادام ۇسىنىلدى. ۇسىنىلعان كان­دي­داتتاردىڭ 5-ەۋى ساياسي پار­تيا­لاردىڭ مۇشەلەرى, 553-ءى پارتيادا جوقتار, تاعى 492-ءسى ءوزىنىڭ پارتياعا تيەسىلى ەكەنىن كورسەتپەگەن», – دەدى ب.مەلدەشوۆ. ۇسىنىلعان كانديداتتاردىڭ اراسىندا 16 ۇلتتىڭ وكىلى بار. ۇمىتكەرلەردىڭ 693-ءى ەر ادامدار, 357-ءسى ايەلدەر, ورتاشا جاسى – 41 جاس. «720 كانديداتتىڭ جوعارى ءبىلىمى, 257 كانديداتتىڭ ارناۋلى ورتا جانە 72 كانديداتتىڭ ورتا ءبىلىمى بار, – دەدى وسك حاتشىسى. – كانديداتتاردىڭ 56 پايىزى مەملەكەتتىك مەكەمەلەردە, ۇيىمداردا جانە كاسىپورىنداردا, 38 پايىزى كوممەرتسيالىق قۇرى­لىمداردا جۇمىس ىستەيدى, 6 پايىزى باسقا كاسىپپەن اينالىسادى». كەشەگى كۇنگە دەيىن وكرۋگتىك سايلاۋ كوميسسيالارى 28 كانديداتتى تىركەپتى. ال ورتسايلاۋكوم بەكىتكەن كۇنتىزبەلىك جوسپارعا سايكەس ءماسليحاتتار دەپۋتاتتىعىنا كانديداتتاردى ۇسىنۋ 2016 جىلعى 19 اقپانعا, ال تىركەۋ 23 اقپانعا دەيىن جۇرگىزىلەدى.