قاراجات مولشەرى بەكىتىلدى

ورتالىق سايلاۋ كوميسسياسىنىڭ كەشەگى وتىرىسىندا قازاقستان رەسپۋبليكاسى ءماسليحاتتارىنىڭ دەپۋتاتتىعىنا كانديداتتاردىڭ رەسپۋبليكالىق بيۋدجەت قاراجاتىنان جابىلاتىن شىعىستارىنىڭ مولشەرلەرى بەكىتىلدى. قاۋلى جوباسىمەن تانىستىرعان وسك توراعاسىنىڭ ورىنباسارى ۆلاديمير فووستىڭ ايتۋىنشا, ەلىمىزدىڭ «سايلاۋ تۋرالى» كونستيتۋتسيالىق زاڭىنا سايكەس وبلىستىق, استانا جانە الماتى قالالىق ءماسليحاتتارىنىڭ دەپۋتاتتىعىنا تىركەلگەن ءاربىر كانديداتقا بيۋدجەتتەن ۇگىت شارالارى مەن كولىكتىك شىعىستارعا 245 مىڭ تەڭگە, ال قالالىق جانە اۋداندىق ءماسليحاتتار دەپۋتاتتىعىنا كانديداتقا 153 مىڭ تەڭگە بولىنەدى. «ونىڭ ىشىندە وبلىستىق, استانا مەن الماتى قالالىق ءماسليحاتتارى دەپۋتاتتىعىنا كانديداتتارعا تەلەارنالاردان سايلاۋالدى باعدارلاماسىمەن تانىستىرىپ, ءسوز سويلەۋ ءۇشىن 70 مىڭ تەڭگە, قالالىق جانە اۋداندىق ءماسليحات دەپۋتاتتىعىنا كانديداتتارعا 36 مىڭ تەڭگە قاراستىرىلدى. وبلىستىق, استانا مەن الماتى قالالىق ءماسليحاتتارى دەپۋتاتتىعىنا كانديداتتارعا راديولاردان سايلاۋالدى باعدارلامامەن ءسوز سويلەۋگە 20 مىڭ تەڭگە, قالالىق جانە اۋداندىق ءماسليحات دەپۋتاتتىعىنا كانديداتتارعا 7 مىڭ تەڭگە بولىنەدى, – دەدى وسك توراعاسىنىڭ ورىنباسارى. ۆ.فووستىڭ اتاپ وتۋىنشە, وب­لىستىق, استانا مەن الماتى قالالىق ءماس­ليحاتتارى دەپۋتاتتىعىنا كانديداتتارعا باسىلىمداردا ەكى ماقالا جاريالاۋ ءۇشىن 85 مىڭ تەڭگە, قالالىق جانە اۋداندىق ءماس­ليحات دەپۋتاتتىعىنا كانديداتتارعا 62 مىڭ تەڭگە قاراستىرىلعان. «وب­لىستىق, استانا مەن الماتى قالالىق ءماسليحاتتارى دەپۋتاتتىعىنا كاندي­داتتارعا جاريا سايلاۋالدى شارالارىن وتكىزۋگە جانە ۇگىت-ناسيحات ماتەريالدارىن شىعارۋعا 25 مىڭ تەڭگە, قالالىق جانە اۋداندىق ءماسليحات دەپۋتاتتىعىنا كانديداتتارعا 25 مىڭ تەڭگە بولىنەدى. وبلىستىق, استانا مەن الماتى قالالىق ءماسليحاتتارى دە­پۋتاتتىعىنا كانديداتتاردىڭ كولىك شىعىستارىنا 45 مىڭ تەڭگە, قالا­لىق جانە اۋداندىق ءماسليحات دەپۋتات­تىعىنا كانديداتتارعا 20 مىڭ تەڭگە قاراستىرىلعان», – دەدى ول وسى جونىندە. وتىرىستا, سونداي-اق, استانا مەن شىعىس قازاقستان وبلىستىق سايلاۋ كوميسسيالارىنىڭ جاڭا مۇشەلەرىنىڭ تاعايىندالعانى حاباردار ەتىلدى. وسك مۇشەسى مارات سارسەمباەۆتىڭ ايتۋىنشا, استانا قالالىق سايلاۋ كوميسسياسىنىڭ شىعىپ قالعان مۇشەسىنىڭ ورنىنا الەكساندر شەفەر, شىعىس قازاقستان وبلىستىق سايلاۋ كوميسسياسىنىڭ شىعىپ قالعان مۇشەسىنىڭ ورنىنا ۆلاديمير پاك تاعايىندالعان.