سەنات توراعاسى ق.توقاەۆ: پرەزيدەنتتىڭ ءسوزى – ەلىمىز ءۇشىن جول كورسەتكىش باعدار

سەنات بيۋروسىنىڭ كەزەكتى وتىرىسىندا پالاتا توراعاسى قاسىم-جومارت توقاەۆ دەپۋتاتتاردى «نۇر وتان» پارتيا­سىنىڭ كەزەكتەن تىس سەزى بارىسىنداعى پرەزيدەنت ن.نازارباەۆتىڭ سوزىنە ءجىتى نازار اۋدارۋعا شاقىردى. «پار­تيا مەن حالىق الدىندا تۇرعان مىندەتتەر جايىندا سالماقتى اڭگىمە بولدى. مەملەكەت باسشىسىنىڭ ءسوزى مازمۇنى بويىنشا وتە تەرەڭ جانە ءماجىلىس پەن ءماسليحاتتاردىڭ سايلاۋ­لارى قارساڭىندا جول كورسەتەتىن باعدار بولۋى ءتيىس», – دەدى ق.توقاەۆ. «بۇكىل پارلامەنتتىڭ زاڭ شى­عارۋ مىندەتىن ورىنداي وتىرىپ, سەنات پرەزيدەنت ساياساتىن ىسكە اسىرۋعا جوعارى جاۋاپكەرشىلىكپەن ءارى بىلىكتىلىكپەن اتسالىسادى جانە بۇل جاۋاپكەرشىلىك, ەڭ الدىمەن, قابىلداناتىن زاڭداردىڭ ساپاسىنا قاتىستى», – دەپ اتاپ ءوتتى سەنات توراعاسى. ال سەنات بيۋروسى جوعارعى پا­لاتانىڭ 2016 جىلعى 4 اقپاندا بو­لا­تىن كەزەكتى وتىرىسىنىڭ كۇن ءتار­تىبىن كەلىستى. سەناتورلار قازاق­ستان مەن گەرمانيا ۇكىمەتتەرى اراسىنداعى ادامداردى قابىلداۋ جانە ترانزيتتەۋ تۋرالى كەلىسىمدى (رەادميسسيا تۋرالى كەلىسىم); قا­زاقستان مەن چەحيا ۇكىمەتتەرى ارا­سىنداعى زاڭسىز كەلگەن ادام­داردىڭ رەادميسسياسى تۋرالى كەلىسىمدى; قازاقستان مەن رەسەي ۇكىمەتتەرى اراسىنداعى «باي­قوڭىر» عارىش ايلاعىنان زىمىرانداردى جىبەرۋ كەزىندە اۆاريالار بولعان جاعدايداعى ءوزارا ءىس-قيمىل ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوبالارىن تالقىلايدى. بيۋرودا, سونداي-اق, ءماجى­لىس­تىڭ تاراۋىنا بايلانىستى پار­لامەنتتىڭ تومەنگى پالاتاسىنىڭ اپپاراتىنان سۇراتىپ الىنعان 16 زاڭ جوباسى سەناتتىڭ تۇراقتى كوميتەتتەرىنە ءبولىنىپ بەرىلدى. اتاپ ايتقاندا, كونستيتۋتسيالىق زاڭ­ناما, سوت جۇيەسى جانە قۇقىق قور­عاۋ ورگاندارى كوميتەتىنە قازاق­ستان مەن مولدوۆا اراسىن­داعى زاڭسىز بولاتىن ادامداردىڭ رەادميسسياسى تۋرالى كەلىسىمدى جانە زاڭسىز بولاتىن ادامداردىڭ رەادميسسياسى تۋرالى كەلىسىمدى ىسكە اسىرۋ بويىنشا اتقارۋ حاتتاماسىن راتيفيكاتسيالاۋ تۋرالى زاڭ جوباسىن جۇرگىزۋ تاپسىرىلدى. «شانحاي ىنتىماقتاستىق ۇيىمىنا مۇشە مەملەكەتتەردىڭ شەكارا ماسەلەلەرى بويىنشا ىنتىماقتاستىعى مەن ءوزارا ءىس-قيمىلى تۋرالى كەلىسىمدى راتيفيكاتسيالاۋ تۋرالى» زاڭ جوباسى حالىقارالىق قاتىناستار, قورعانىس جانە قاۋىپسىزدىك كوميتەتىنە بەرىلدى. ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تەمىرجول جولاۋشىلار كولىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»; «پوشتا تۋرالى» جانە زاڭناماعا پوشتا ماسەلەلەرى بويىنشا تۇزەتۋلەر; «لوتەرەيا جانە لوتەرەيا قىزمەتى تۋرالى» جانە زاڭناماعا لوتەرەيا جانە لوتەرەيا قىزمەتى ماسەلەلەرى بويىنشا تۇزەتۋلەر; قازاقستان مەن سلوۆاكيا ۇكىمەتتەرى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ تۋرالى زاڭ جوبالارى بويىنشا باس كوميتەت بولىپ بەلگىلەندى. الەۋمەتتىك-مادەني دامۋ جانە عىلىم كوميتەتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا جۇمىستارعا باسشىلىق ەتەدى. زاڭناماعا عارىش قىزمەتى; استىق نارىعىن رەتتەۋ; قازاقستان رەسپۋب­لي­كاسىنىڭ «جاسىل ەكونوميكاعا» كوشۋ ماسەلەلەرى بويىنشا تۇزەتۋلەردى; كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا مۇنايمەن لاستانۋعا اكەلەتىن توسىن وقيعالار جاعدايىنداعى وڭىرلىك ازىرلىك, دەن قويۋ جانە ىنتىماقتاستىق تۋرالى حاتتامانى جانە قۇرىلىقتىق قايراڭدا ورنالاسقان ستاتسيونارلىق پلاتفورمالار قاۋىپسىزدىگىنە قارسى باعىتتالعان زاڭسىز ءىس-ارەكەتتەرمەن كۇرەس تۋرالى حاتتاماعا 2005 جىلعى حاتتامانى راتيفيكاتسيالاۋ تۋرالى زاڭ جوبالارىن جۇرگىزۋ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە بەرىلدى, دەپ حابارلادى سەناتتىڭ ءباسپاسوز قىزمەتى.