ۋنيۆەرسيادا قارساڭىندا 2000 جۇمىسشى اعىلشىن ءتىلىن ۇيرەنەدى

استانا. 1 اقپان. الماتىدا قالا قىزمەتتەرىنىڭ 2000 جۇمىسشىسى ۋنيۆەرسيادا قارساڭىندا اعىلشىن ءتىلىن مەڭگەرەتىن بولادى بۇل تۋرالى 2017 جىلعى ۋنيۆەرسيادانى ۇيىمداستىرۋ جانە وتكىزۋ جونىندەگى ديرەكتسيانىڭ اقپارى بويىنشا egemen.kz ءتىلشىسى حابارلادى اعىلشىن ءتىلىن وقىتۋ بيىلعى جىلدىڭ ناۋرىز ايىندا باستالادى. بۇل تۋرالى الماتى قالاسىنىڭ اكىمى باۋىرجان بايبەك اعىلشىن ءتىلىنىڭ ۋنيۆەرسيادادا اتقاراتىن ءرولى وراسان ەكەنىن اتاپ ءوتتى. «سوڭعى ايلاردا ءبىز ينۆەستورلارمەن تىعىز جۇمىس ىستەي باستادىق. الماتىعا 90 دەلەگاتسيانىڭ وكىلدەرى كەلدى. سوندىقتان ۋنيۆەرسيادا كەزىندە اعىلشىن ءتىلىن ەركىن مەڭگەرگەن ادامداردىڭ قاتارىن كوبەيتۋ كەرەك», دەدى ول. 2017 جىلعى ۋنيۆەرسيادانى ۇيىمداستىرۋ جانە وتكىزۋ بويىنشا ديرەكتسيانىڭ جەتەكشىسى اسەت ابدۋاليەۆ اعىلشىن ءتىلى كۋرستارى قاي جەردە وقىتىلاتىنىن ايتتى. «اعىلشىن ءتىلىن وقىتۋ بىرنەشە جوو-دا بولادى. مامانداندىرىلعان قالا قىزمەتتەرىنىڭ 2000-عا جۋىق وكىلى شەت ءتىلىن قازۇۋ, قازۇپۋ, قازمقپۋ, سۇلەيمەن دەميرەل جانە ابىلايحان اتىنداعى ۋنيۆەرسيتەتتەردە وقيدى. وقۋ باعدارلاماسى اتالعان ۋنيۆەرسيتەتتەردىڭ ۇستازدارىمەن قۇراستىرىلعان», دەدى ول. داستان كەنجالين. دەرەك, سۋرەت: almaty2017.com