سولتۇستىك قازاقستاندا اناسى بالاسى ءۇشىن جازالاناتىن بولدى

پەتروپاۆل. 1 اقپان. سولتۇستىك قازاقستان وبلىسىندا اناسى بالاسىنىڭ تاربيەسى مەن وقۋىنا سالعىرت قاراعانى ءۇشىن 14 847 تەڭگە كولەمىندە ايىپپۇل تولەۋىنە تۋرا كەلەدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى. پەتروپاۆل قالاسىنىڭ تۇرعىنى ءوزىنىڭ اتا-انالىق مىندەتىن بوساڭسىتىپ العانىن مويىنداپ, الداعى ۋاقىتتا مۇنداي اعاتتىقتارعا جول بەرىلمەيتىنىنە سەندىرگەنىمەن, كامەلەتكە تولماعاندار ءىسى جونىندەگى مامانداندىرىلعان اۋدانارالىق سوت وعان اكىمشىلىك جازا تاعايىنداۋدى ءجون دەپ تاپتى. قۇرىلىس-ەكونوميكالىق كوللەدجىندە وقيتىن ونىڭ ۇلى وقۋعا دەگەن قۇلقىنىڭ جوعىن سىلتاۋراتىپ, بىلتىرعى جىلدىڭ جەلتوقسان ايىندا عانا 21 كۇن ساباققا كەلمەي قالعان. ستۋدەنتتىڭ اناسى اكىمشىلىك كودەكستىڭ 127-بابى بويىنشا كىنالى دەپ تانىلىپ, ايىپپۇل تولەۋ جازاسىنا تارتىلدى. ءومىر ەسقالي. دەرەك: سولتۇستىك قازاقستان وبلىستىق سوتىنىڭ ءباسپاسوز قىزمەتى. سۋرەت: odessit.ua.