داعدارىس تۇمانى سەيىلىپ, حالىق كوڭىلى سەرپىلگەندەي

بۇل سەزگە شىعىس قازاق­ستان­نىڭ شالعايداعى شەكارا­لىق اۋدانى سانالاتىن ءۇرجار وڭىرىنەن كەلدىم. ەل­باسىنىڭ بايىپتى بايان­داماسىنان بۇگىنگى دامۋ جو­لىمىزدىڭ دۇرىس­تىعىنا تاعى كوز جەتكىزدىك. اسىرە­سە, تەڭگە باعامى ساياساتى­نىڭ ەل ەكونوميكاسىن قۇل­دى­راتپاۋعا, قايتا ساق­تاۋعا, دامۋعا قىزمەت ەتىپ جات­قانى تۋرالى تۇششىمدى وي ايتىلدى. بۇل – ەلىمىزدىڭ شىن مانىندە الەمدىك قاۋىمداستىقتىڭ ءبىر بولشەگى ەكەندىگىن كورسەتەدى. قازاقستاندى توقىراۋ كەزەڭى­نەن الىپ شىققان پرەزيدەنت داعدارىس مەنەدجەرى رەتىندە ءاردايىم قاجەتتى شارالاردى جۇزەگە اسىرىپ كەلەدى. بۇل جولى قابىلدانعان پارتيامىزدىڭ سايلاۋالدى باعدارلاماسى الدىمىزعا اۋقىمدى مىندەتتەر قويىپ وتىر. ەلباسىنىڭ ءتيىمدى ساياسي-ەكونو­ميكالىق رەفورمالارى ارقاسىندا الىستاعى اۋدانىمىز جىلدان جىلعا دامىپ, كوركەيىپ كەلەدى. پارتيالىق جوبالار اياسىندا حالىقتىڭ ساياسي بەلسەندىلىگىن كوتەرۋگە, الەۋمەتتىك ماسەلەلەردى شەشۋگە, قۇقىقتىق جۇيەنى جانە ەكونوميكالىق دامۋدى قامتاماسىز ەتۋدى جۇزەگە اسىرۋعا باعىتتالعان جۇمىستار جۇيەلى تۇردە جۇرگىزىلىپ جاتىر. بۇل رەتتە, ەلباسىنىڭ «100 ناقتى قادام» ۇلت جوسپارىندا كورسەتىلگەن نەگىزگى باعدارىمىزدى ايقىنداپ بەرگەنىن ايتقان ءلازىم. جالپى, ءار ەلدىڭ, ءار ۇلتتىڭ, ءار عاسىردىڭ وزىندىك ەرەكشەلىگى, وزىندىك تاريحي قۇندىلىعى بولادى. كونە تاريحىمىزعا كوز جۇگىرتسەك, قازاق ەلىنىڭ دە باسىنان قيلى-قيلى زاماننىڭ وتكەنىن بايقايمىز. ادام بالاسىنىڭ ۇزاق تاريحىندا جاساعان رۋحاني قۇندىلىقتارى, مادەني قازىناسى, ءىس-تاجىريبەسى, ادامگەرشىلىك تاعىلىمدارى ۇرپاقتان ۇرپاققا جالعاسۋدا. ەلباسى نۇرسۇلتان نازارباەۆتىڭ ۇستانىمىنا تەرەڭىرەك ءۇڭىل­گەندە, كەشەگى وتكەن قاسىم حان, ەسىم حان, تاۋكە حان, ابىلاي حاننىڭ كوشباسشىلىعى, كورەگەندىگى مەن قىراعىلىعى, ەل قامى, حالىقتىڭ ارمان-تىلەگىنە الاڭداۋشىلىعى ەسكە تۇسەدى. بۇگىن ءبىز سول اتا-بابالارىمىز كۇرەسكەن, ارمانداعان الىپ مەملەكەتتى قۇرىپ, قالىپتاستىردىق. الەمدىك قوعامداستىقتا ورنى بار جاڭا تۇرپاتتى, قۋاتتى ەلگە اينالىپ كەلەمىز. پرەزيدەنتىمىزدىڭ ۇلت جوسپارىن جۇزەگە اسىرا وتىرىپ, دامىعان 30 ەلدىڭ قاتارىنا قوسىلۋدى كوزدەۋدەمىز. ۇلت جوسپارىنىڭ ءار قادامى كەمەل كەلەشەككە جەتەلەپ, مەملەكەتكە دەگەن حالىقتىڭ سەنىمىن ارتتىردى. مۇنىڭ ءوزى قاراپايىم حالىققا شىنايى قولداۋ بولدى. كوشباسشىمىز داعدارىس كەزەڭىندە داعدارماي, ناقتى باعىتتار بويىنشا جۇمىستى جالعاستىرۋدىڭ جولىن كورسەتىپ بەردى. مىنە, ەندى داعدارىس تۇمانى سەيىلگەندەي, حالىق كوڭىلى سەرپىلگەندەي. الدىمىزداعى كەزەكتەن تىس ءماجى­لىس جانە كەزەكتى ءماسليحاتتار سايلاۋ­لارى ارقىلى ءبىز تاعى ءبىر بەلەستى باعىندىرىپ, ەل تاڭداۋىن جاسايمىز. سايلاۋ ارقىلى بولاشاعىمىزدى تاڭدايمىز. جاقىندا ءۇرجار اۋدانىندا 830 ادام ءبىر مەزەتتە «نۇر وتان» پارتياسىنىڭ قاتارىن تولىقتىردى. بۇل قاراپايىم قازاقستاندىقتاردىڭ ەلباسى, «نۇر وتان» پارتياسىنىڭ توراعاسى نۇرسۇلتان نازارباەۆتىڭ ساياساتىن قالتقىسىز قولدايتىنىن كورسەتەدى. باقتىباي بايمۇراتوۆ, «نۇر وتان» پارتياسى ءۇرجار اۋداندىق فيليالى توراعاسىنىڭ ءبىرىنشى ورىنباسارى, سەزد دەلەگاتى.