باسكەتبول. «استانا» ەستونيادا جەرگىلىكتى «كالەۆتەن» باسىم ءتۇستى

استانا. 24 قاڭتار. بۇگىن ۆتب بىرىڭعاي ليگاسى شەڭبەرىندە «استانا» باسكەتبول كومانداسى سىرت الاڭدا ەستونيانىڭ «كالەۆىمەن» سىنعا ءتۇستى. ناتيجەسىندە ەلوردالىقتار 86:80 ەسەبىمەن جەڭىسكە جەتتى. بۇل تۋرالى egemen.kz ءتىلشىسى حابارلادى. ەستونيا استاناسى – تاللين قالاسىندا وتكەن كەزدەسۋدىڭ ءبىرىنشى كەزەڭى «استانانىڭ» پايداسىنا 24:21 ەسەبىمەن اياقتالدى. ەكىنشى كەزەڭدە دە ءبىزدىڭ كوماندا باسىم بولدى (23:17). ەسەسىنە, ءۇشىنشى ونمينۋتتىقتا «كالەۆ» ويىنشىلارى شيراقتىق تانىتىپ, 25:18 ەسەبىمەن جەڭىسكە جەتتى. الايدا, ءتورتىنشى بولىكتە تاعى دا استانالىقتاردىڭ مەرەيى ۇستەم بولدى (21:17). وسىلايشا, جالپى ناتيجەدە جەڭىسكە جەتكەن رامۋناس بۋتاۋتاستىڭ شاكىرتتەرى تۋرنير كەستەسىندەگى جاعدايىن ايتارلىقتاي جاقسارتىپ الدى. بۇگىندە «استانا» 9-ورىندا تۇر. باسكەتبولشىلارىمىز كەلەسى كەزدەسۋىن 1 اقپاندا ءوز الاڭىندا كراسنوداردىڭ «لوكوموتيۆ-كۋبان» كومانداسىمەن وتكىزەدى. ەلامان قوڭىر. دەرەك: egemen.kz. سۋرەت: bcastana.kz.