قوردىڭ 15 شاعىن نەسيە ۇيىمىنداعى ۇلەستەرى ساتىلدى

جەكەشەلەندىرۋدىڭ ەكىنشى تولقىنى اياسىندا 2014-2015 جىلدارى «قازاگرو» حولدينگىنىڭ ەنشىلەس كومپانياسى – «اۋىل شارۋاشىلىعىن قارجىلاي قولداۋ قورى» اق ون بەس شاعىن نەسيە ۇيىمىنىڭ جارعىلىق كاپيتالىنداعى ءوز ۇلەستەرىن ساتتى. اتالمىش شەشىم «2014-2016 جىلدارعا ارنالعان جەكە­شەلەندىرۋدىڭ كەشەندى جوسپارىن بەكىتۋ تۋرالى» ۇكىمەت قاۋلىسىن ورىنداۋ ماقساتىندا جۇزەگە اسىرىلعان. بۇل قۇجات بويىنشا وتكەن جىلى قوردىڭ 7 شاعىن نەسيە ۇيىمىنداعى ۇلەسى ساتىلدى. ولار: «ايىرتاۋقارجىسولتۇستىك» شنۇ, «تۇلكىباس-اگرو» شنۇ, «شارۋا-قارجى» شنۇ, «تەرەكتا-فينانس» شنۇ, «ماحامبەت» شنۇ, «جاڭاتاس-نەسيە» شقۇ, «جىگەر-ەسىل» شنۇ جشس. قوردىڭ وكىلەتتى ورگانى تاعى ءۇش شاعىن نەسيە ۇيىمىنداعى قاتىسۋ ۇلەستەرىن ساتۋ تۋرالى شە­شىم قابىلدادى. قازىر «مۇزتاۋنەسيە» شنۇ, «ەسكەلدى» شنۇ, «ەنەرگيا» شنۇ جشس بويىنشا ساۋدا-ساتتىقتار وتكىزىلۋدە. ەستەرىڭىزگە سالا كەتەيىك, 2007-2008 جىلدارى اۋىل تۇرعىن­دا­رىنىڭ نەسيەلىك رەسۋرستارعا قولجەتىمدىلىگىن ارتتىرۋ ماقسا­تىمەن اۋىل شارۋاشىلىعىن قار­جىلاي قولداۋ قورىنىڭ قاتى­سۋىمەن 51 شاعىن نەسيە ۇيىمىنان جۇيە قۇرىلدى. اتالمىش شنۇ اۋىل تۇرعىندارىن قارجىل­ان­دىرىپ, قازاقستاننىڭ 100 اۋدا­نىن قامتىدى. بۇگىنگى تاڭدا ولاردىڭ 29-ى ساتىلىپ, شاعىن نەسيە نا­رىعىندا دەربەس قىزمەت ەتۋدە. انىقتاما ءۇشىن: «اۋىل شا­رۋاشىلىعىن قارجىلاي قولداۋ قورى» اكتسيونەرلىك قوعامى «قاز­اگرو» ۇلتتىق باسقارۋشى حول­دينگى» اق قۇرامىنا كىرەتىن مامانداندىرىلعان قارجى-نەسيەلىك ۇيىمى بولىپ تابىلادى. 2007 جىلدان باستاپ «قازاگرو» ۇلتتىق باسقارۋشى حولدينگى» اق قۇرامىنا كىرەدى. قوردىڭ ميسسياسى – اۋىلدىق كاسىپكەرلىكتى دامىتۋ, اۋىلدى جەرلەردە ءتيىمدى شاعىن نەسيەلەۋ جۇيەسىن دامىتۋ ارقىلى حالىقتىڭ حال-اۋقاتىن ارتتىرۋ. «ەگەمەن-اقپارات».