قازاقستان ونىمدەرىنە قىزىعۋشىلىق تانىتىلدى

«قازاقستان تەمىر جولى» اق پرەزيدەنتى اسقار مامين جاقىندا «روحي وحاني توچيكيستون» («تاجىكستان تەمىر جولى») مەملەكەتتىك ۋنيتارلىق كاسىپورنىنىڭ باسشىسى كوميل ميرزواليمەن كەزدەسىپ, كەلىسسوز جۇرگىزدى. كەزدەسۋ بارىسىندا, تەمىر­جول كولىگى مەن لوگيستيكاسى سا­لا­سىنداعى ەكىجاقتى ىنتىماقتاستىق ماسەلەلەرى تالقىلاندى. قا­زاق­ستان استىعىن ەكسپورتتاۋ مەن ءتا­جىكستاندا جاساقتالعان جولاۋشىلار پويىزىنىڭ قازاق­ستان اۋماعىندا ءجۇرۋ شارتتارى ءما­سە­لەلەرى قاراستىرىلدى. كەلىسسوز قورىتىندىسى بويىنشا, تەمىرجول اكىمشىلىكتەرىنىڭ باسشىلارى ا.مامين مەن ك.ميرزوالي 2016 جىلى تاجىكستانعا تەمىرجول ماشينا جاساۋ ونىمدەرىنىڭ كەڭ كولەمىن ساتۋ تۋرالى كەلىسىمگە قول قويدى. قول قويىلعان كەلىسىم شەڭ­بەرىندە تاراپتار تەپلوۆوزدار, تەمىرجولعا قاجەتتى باسقا دا قۇرال-جابدىقتار مەن جوندەۋ كەشەندەرى, جۇك جانە جولاۋشىلار ۆاگوندارىنا ارنالعان دوڭعالاقتار ساتۋ سالاسىنداعى ىنتىماقتاستىقتى جالعاستىراتىن بولادى. قۇ­جات­تىڭ ءبىر پۋنكتى اقتوبە رەلس ارقا­لىقتارى زاۋىتىندا شىعارى­لاتىن ر-65 رەلستەرىن تاجىكستان تەمىر­جولىنا ساتۋ بولىپ تابىلادى. استاناعا ساپارى شەڭبەرىندە «تاجىكستان تەمىر جولى» كا­سىپورنىنىڭ وكىلدەرى «لوكو­موتيۆ قۇراستىرۋ زاۋىتى» اق-تا, «تۇلپار تالگو» جشس-ىندە بولدى. ولار قازاقستانداعى الدىڭعى قاتارلى تەحنولوگيالارمەن, تەمىر­جول ماشينا جاساۋ سالاسىن ءارى قاراي دامىتۋدىڭ پەرسپەكتيۆالى جوسپارلارىمەن تانىستى. تاجىكستان دەلەگاتسياسى, سون­داي-اق, «قازاقستان تەمىر جولى» ۇك» اق-تىڭ فيليالدارى – «كو­لىكتەگى تەحنولوگيالار ورتا­لىعى» مەن «تاسىمالداۋلاردى باس­­قا­رۋ ورتالىعىندا» بولدى. «ەگەمەن-اقپارات».