استانا. 28 قاڭتار. «قازاقستان» تەلەارناسى فۋتزالدان 2-13 اقپانى ارالىعىندا سەربيانىڭ استاناسى بەلگراد قالاسىندا وتەتىن ەۋروپا چەمپيوناتىن كورسەتەدى. بۇل تۋرالى «قازاقستان» تەلەراديوكورپوراتسياسىنىڭ ءباسپاسوز قىزمەتى حابارلادى.
قازاقستان قۇراماسى ەۋروپا چەمپيوناتىنا العاش رەت قاتىسادى. ۇلتتىق قۇراما كوماندا چەمپيوناتتىڭ ىرىكتەۋ تۋرنيرىندە پورتۋگاليا قۇراماسىن 3:1, گرۋزيانى 4:0 ەسەبىمەن جەڭدى. كەلەسى ويىندا بوسنيا جانە گەرتسەگوۆينا كومانداسىن 5:0 جانە 4:0 ەسەبىمەن ۇتتى. سونىڭ ناتيجەسىندە ەۋروپا چەمپيوناتىنا جولداما الدى.
ەۋروپا چەمپيوناتىنىڭ فينالدىق تۋرنيرىندە قازاقستان قۇراماسى رەسەي جانە حورۆاتيا كوماندالارىمەن «س» توبىندا كەزدەسەدى. ءار توپتان كەلەسى كەزەڭگە جاقسى ناتيجە كورسەتكەن ەكى كوماندا شىعادى.
«قازاقستان» تەلەارناسى بارلىق ماتچتاردى تىكەلەي ەفيردە كورسەتەدى.
بارلىق ترانسلياتسيالار كەلەسى كۇنى «Kazsport» تەلەارناسىندا قايتالانادى.
داستان كەنجالين.
دەرەك: «قازاقستان» ترك
سۋرەت: egemen.kz
| № | ماتچ | تەلەارنا | كۇنى | ۋاقىتى (استانا) |
| 1 | رەسەي - قازاقستان | «قازاقستان» | 03.02.2016 | 23.20 |
| 2 | قازاقستان – حورۆاتيا | «قازاقستان» | 05.02.2016 | 23.20 |
| 3 | ءبىرىنشى شيرەك فينال | «قازاقستان» | 08.02.2016 | 23.20 |
| 4 | ەكىنشى شيرەك فينال | «قازاقستان» | 08.02.2016 | 01.50 |
| 5 | ءۇشىنشى شيرەك فينال | «قازاقستان» | 09.02.2016 | 23.20 |
| 6 | ءتورتىنشى شيرەك فينال | «قازاقستان» | 09.02.2016 | 01.50 |
| 7 | ءبىرىنشى جارتىلاي فينال | «قازاقستان» | 11.02.2016 | 23.20 |
| 8 | ەكىنشى جارتىلاي فينال | «قازاقستان» | 11.02.2016 | 01.50 |
| 9 | ءۇشىنشى ورىن ءۇشىن ماتچ | «قازاقستان» | 13.02.2016 | 23.20 |
| 10 | فينال | «قازاقستان» | 13.02.2016 | 01.50 |
