پاۆلوداردا «قازاگرو» ۇلتتىق حولدينگى جيىن وتكىزدى

پاۆلودار. 28 قاڭتار. جيىندا الداعى كوكتەمگى - ەگىستىك جۇمىستارىن قارجىلاندىرۋ ماسەلەلەرى, وبلىستىڭ اگرارلىق شارۋاشىلىقتارىن كووپەراتسيالارعا بىرىكتىرۋ تالقىلاندى. بۇل جايىندا «قازاگرو»حولدينگى» اكتسيونەرلىك قوعامىنىڭ بۇقارامەن بايلانىس دەپارتامەنتىنە سىلتەمە جاساعان egemen.kz حابارلادى. بيىلعى جىلدىڭ كوكتەمگى - ەگىس جۇمىستارىنا «قازاگرو» ۇلتتىق حولدينگى 60 ملرد.تەڭگە بيۋدجەتتىك نەسيە قاراجاتىن باعىتتاۋدى جوسپارلاۋدا. قازىر اۋىلشارۋاشىلىق تاۋار وندىرۋشىلەرى قارجى الۋدىڭ قيىندىقتارىنا كەزدەسۋدە. شارۋاشىلىقتاردى بىرىكتىرۋ ارقىلى- شارۋالار بىرىگىپ نەسيە قاراجاتىن الادى. «قازاگرو» بىرنەشە تاسىلدەرىن ازىرلەگەن. بۇل جوبا سولتۇستىك قازاقستان, اقمولا وبلىستارىندا وتكەن جىلى ىسكە اسقان. كووپەراتسيالاردىڭ پيلوتتىق جوباسىنا وبلىستىڭ شارۋاشىلىقتارى دا قىزىعۋشىلىق تانىتۋدا. پاۆلودار اگرارلارىنىڭ دەلەگاتسياسى اقمولا وبلىسى كووپەراتيۆتەرىنىڭ - «ايماقتىق استىق حولدينگى» سەرىكتەستىگى مۇشەلەرىنىڭ قورىتىندى كەڭەسىنىڭ جۇمىسىنا قاتىستى. حولدينگ وبلىستاعى اۋىل شارۋشىلىق وندىرۋشىلەرىن قولداۋعا 11,7 ملرد.تەڭگە ءبولدى. «قازاگرونىڭ» ينۆەستيتسيالىق جوباسىندا وبلىسى بويىنشا جالپى قۇنى 18,9 ملرد.تەڭگەنىڭ 46 جوباسى بار. ونىڭ ىشىندەگى 17 ملرد.تەڭگەنىڭ 38 جوباسى پايدالانۋعا بەرىلدى. وتكەن جىلى 7,8 ملرد. تەڭگەنىڭ 10 جوباسى ىسكە قوسىلدى. فاريدا بىقاي. دەرەك, سۋرەت: egemen.kz.