الماتى. 28 قاڭتار. وسى جىلۆ اقپان ايىنىڭ 28-ىندە قازاقستان حالقى جىر الىبى جامبىلدىڭ تۋعانىنا 170 جىل تولۋ مەرەيتويىن تويلايدى. وسىعان وراي بۇگىن قازاقستان جازۋشىلار وداعىندا «جامبىل ايلىعى» باستالىپ, جۋرناليستەرگە ارنالعان العاشقى ءباسپاسوز ءماسليحاتى ءوتتى. بۇل تۋرالى egemen.kz تىلشىسى حابارلادى.
جينالىستى جۇرگىزگەن جازۋشى, جامبىلتانۋشى عالىم ناعاشىبەك قاپالبەكوۆ ايلىق كەزىندە رەسپۋبليكامىزدىڭ تۇكپىر-تۇكپىرىندە اقىننىڭ مۇراسىن زەرتتەۋ, زەردەلەۋ باعىتىندا ءتۇرلى كەشتەر مەن عىلىمي كونفەرەنتسيالاردىڭ, سيمپوزيۋمدار مەن ءان-جىر كەشتەرىنىڭ بولاتىنىن ايتىپ ءوتتى.
«جامبىل مەنىڭ ءوز اتىم,
حالىق مەنىڭ شىن اتىم» – دەگەن اقىننىڭ جىرىمەن باستاعان قازاقستان جازۋشىلار وداعى باسقارماسىنىڭ توراعاسى, سەناتور نۇرلان ورازالين ايلىق باسىنىڭ «جىرى الەمدى شارلاعان» اتتى سازدى-كەشتىڭ باستالۋىنا ريزاشىلىق ءبىلدىردى. «جامبىل ەسىمى ەشقانداي دا تانىستىرۋدى قاجەت ەتپەيتىن فەنومەنالدى قۇبىلىس», – دەدى نۇرلان ورازالين.
«جامبىل ايلىعىنىڭ» اياسىندا ەلوردامىز استانادا دا اقپاننىڭ 18-ءى كۇنى «جىر الىبىنا تاعزىم» اتتى ادەبي سازدى كەش وتەدى. ول تۋرالى جامبىل اۋدانىنىڭ اكىمى جانداربەك دالاباەۆ حابارلادى.
جازۋشىلار وداعىنىڭ ۇلكەن زالىندا اقىندار جىردان شاشۋ شاشتى. «ءسۇيىنباي سازى» ءانسامبلى كونتسەرت قويدى.
تالعات ءسۇيىنباي.
دەرەك, سۋرەت: egemen.kz.
