قاراعاندىدا بىرقاتار كادرلىق تاعايىنداۋلار بولدى

قاراعاندى. 28 قاڭتار. قاراعاندى وبلىسىندا بىرقاتار كادرلىق تاعايىنداۋلار بولدى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. 2016 جىلدىڭ 14 قاڭتارداعى قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ جاۋاپتى حاتشىسىنىڭ بۇيرىعىنا سايكەس, قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ قاراعاندى وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەستىڭ توراعاسى بولىپ جاندوس شەرالى ۇلى سارسەنوۆ تاعايىندالدى. ج.سارسەنوۆ 1979 جىلى دۇنيەگە كەلگەن, «زاڭگەر-حالىقارالىق ساياسات بىلگىرى» ماماندىعى بويىنشا اباي اتىنداعى الماتى مەملەكەتتىك ۋنيۆەرسيتەتىن (2001), «مەملەكەتتىك باسقارۋ جانە مەنەدجمەنت» ماماندىعى بويىنشا لوندون ەكونوميكا جانە ساياسي عىلىمدار مەكتەبىن (2010) تامامداعان. 2001-2011 جىلدارى قازاقستان رەسپۋبليكاسى پارلامەنتى ءماجىلىسىنىڭ اپپاراتىندا ءارتۇرلى لاۋازىمداردا قىزمەت ەتكەن. 2011-2012 جىلدارى – سولتۇستىك قازاقستان وبلىسى اكىمى اپپاراتى باسشىسىنىڭ ورىنباسارى. 2012-2013 جىلدارى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ ورتالىق اپپاراتىندا جاۋاپتى مانساپتاردا قىزمەت ەتتى. 2014 جىلدىڭ قاراشاسىنان 2016 جىلدىڭ قاڭتارىنا دەيىن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتى باسشىسىنىڭ ورىنباسارى – قاراعاندى وبلىسىنداعى تارتىپتىك كەڭەستىڭ توراعاسى قىزمەتىن اتقاردى. 2016 جىلدىڭ قاڭتارىنان باستاپ قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ قاراعاندى وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەستىڭ توراعاسى لاۋازىمىنا تاعايىندالدى. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ قاراعاندى وبلىسى بويىنشا دەپارتامەنتى باسشىسىنىڭ ورىنباسارى, ادەپ كەڭەسى حاتشىلىعىنىڭ مەڭگەرۋشىسى بولىپ بەرىك مۇحامەدجان ۇلى احمەتوۆ تاعايىندالدى. بەرىك احمەتوۆ 1961 جىلى دۇنيەگە كەلگەن, «زاڭگەر» ماماندىعى بويىنشا قاراعاندى مەملەكەتتىك ۋنيۆەرسيتەتىن (1987), «ەسەپ جانە اۋديت» ماماندىعى بويىنشا قاراعاندى ەكونوميكالىق ۋنيۆەرسيتەتىن (2007) تامامداعان. قاراعاندى وبلىسىنىڭ مەملەكەتتىك قىزمەت ىستەرى باسقارماسىندا 2012 جىلدان باستاپ قىزمەت ەتەدى, بۇعان دەيىن 25 جىل پروكۋراتۋرا ورگاندارىندا قىزمەت اتقارعان, قاراعاندى وبلىسىنىڭ بىرقاتار قالالارى مەن اۋداندارىندا پروكۋرور لاۋازىمىندا بولدى. تاعايىنداۋعا دەيىن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسىنداعى تارتىپتىك كەڭەسى حاتشىلىعىنىڭ مەڭگەرۋشىسى قىزمەتىن اتقاردى. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ قاراعاندى وبلىسى بويىنشا دەپارتامەنتى باسشىسىنىڭ ورىنباسارى بولىپ تالانت باقبەرگەن ۇلى مەدەت تاعايىندالدى. تالانت مەدەت 1980 جىلى دۇنيەگە كەلگەن, «تاريحشى» ماماندىعى بويىنشا قاراعاندى مەملەكەتتىك ۋنيۆەرسيتەتىن (2001), «زاڭگەر» ماماندىعى بويىنشا «فەميدا» زاڭ اكادەمياسىن (2005) تامامداعان. 2004-2008 جىلدارى قاراعاندى وبلىسىنىڭ ىشكى ساياسات باسقارماسىندا ءارتۇرلى لاۋازىمداردا قىزمەت اتقارعان. 2008 جىلدان 2014 جىلعا دەيىن قاراعاندى وبلىسىنىڭ مەملەكەتتىك قىزمەت ىستەرى باسقارماسىندا كونسۋلتانت, ءبولىم باسشىسى لاۋازىمدارىندا بولدى. 2014 جىلدان باستاپ - قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتىنىڭ مەملەكەتتىك قىزمەتتى وتكەرۋ ءبولىمىنىڭ باسشىسى. تاعايىنداۋعا دەيىن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتىنىڭ مەملەكەتتىك قىزمەت جانە سىبايلاس جەمقورلىقتىڭ الدىن الۋ باسقارماسىنىڭ باسشىسى قىزمەتىندە بولدى. قايرات ءابىلدينوۆ. دەرەك, سۋرەت: قاراعاندى وبلىس اكىمىنىڭ ءباسپاسوز قىزمەتى.